Կյանքից հեռացել է ՀՀ վաստակավոր արտիստ, սիրված դերասանուհի Լուսինե Կիրակոսյանը։ Ցավալի լուրը երեկվանից հուզել է ոչ միայն դերասանուհու մտերիմերին, գործընկերներին, այլեւ հավատարիմ հանդիսատեսին, ովքեր Լուսինե Կիրակոսյանին, հատկապես, ճանաչում են հումորային կերպարներով։
Մարտի 18-ին դերասանուհին շտապօգնության մեքենայով տեղափոխվել էր Էրեբունի ԲԿ, համապատասխան հետազոտություններ անցնելուց հետո նրա մոտ ախտորոշվել էր երկկողմանի թոքաբորբ։ ՀՀ վաստակավոր արտիստի առողջական վիճակն այդ օրվանից ի վեր շարունակում էր մնալ ծայրահեղ ծանր։ Նրա կյանքը, ցավոք, փրկել չի հաջողվել։ Դերասանուհին 76 տարեկան էր։
Լուսինե Կիրակոսյանը ծնվել է 1946 թ-ի դեկտեմբերի 4-ին՝ Գյումրիում։ Դպրոցում սովորելուն զուգահեռ աշխատել է Գյումրու դրամատիկական թատրոնում։ 1969 թվականին Լուսինե Կիրակոսյանն ավարտել է Երեւանի գեղարվեստաթատերական ինստիտուտը՝ Վարդան Աճեմյանի արվեստանոցը։ Նույն թվականից Հրաչյա Ղափլանյանի հրավերով աշխատել է Երեւանի դրամատիկական թատրոնում՝ որպես դերասանուհի։
Դերասանուհու մասնակցությամբ ներկայացումների շարքը բազմազան է՝ «Սեր եւ ծիծաղ», «Ավտոբուս», «Քո վերջին հանգրվանը», «Կանգ առ երկրագունդ»․․․․ 2011 թ-ին արժանացել է «Արտավազդ» մրցանակի։ Նա նաեւ հայտնի էր մի շարք հեռուստանախագծերից. հեռուստադիտողների սրտերում դերասանուհին, հատկապես, տպավորվել է «Վերվարածները» հումորային սերիալում Ռոզի կերպարով։
Անսահման հումորով, բարի, ընկերասեր ու կատակասեր՝ այսպիսին են ծանոթ մարդիկ բնութագրում Լուսինե Կիրակոսյանին։ Սակայն ինչպես հայտնի է՝ դերասանուհին, հատկապես, վերջին շրջանում նեղսրտած էր։ Հարցազրուցներում նա հաճախ պատմում էր ավագ եղբոր հետ ոչ այնքան ջերմ հարաբերությունների, տան պատճառով ստեղծված կոնֆլիկտի, մյուս կողմից էլ՝ սիրելի թատրոնից հեռացվելու մասին։
Ինչպե՞ս էր կարողացել կյանքի վայրէջքներին զուգահեռ՝ պահպանել հումորի զգացումն ու ծիծաղեցնել ուրիշներին․
«Դա, երեւի, գալիս է գեներից ու մարդու անկեղծությունից։ Լավատեսությունն էլ, մյուս կողմից, շատ կարեւոր է։ Մարդը պետք է այնպես անի, որ իր հետ պատահած վատ բաներով դիմացինին նեղություն չպատճառի։ Գուցե փորձի ինքնուրույն մարսել այդ ամենը, կամ չկարողանա մարսել, բայց ցույց տա, թե այդպես է արել»,-հաղորդավար Ներսես Ավետիսյանի հետ «Ներս արի» շոուի ընթացքում ունեցած իր վերջին հարցազրույցում նշել էր դերասանուհին։
ՀՀ վաստակավոր արտիստը բոլորովին վերջերս իր համար ժպտալու ու փարատվելու առիթ էր ստեղծել։ Նախորդ տարվա ավարտին նա Առնո Բաբաջանյանի անվան համերգասրահում հանդես եկավ երգիծական ծրագրով, իսկ վերջին շրջանում նկարահանվում էր Ելենա Արշակյանի «Երեք նամակ Բելլայից» հեռուստասերիալում, որը հեռարձակվում է «Արմենիա» հեռուստաընկերության եթերում։
Հետևեք NEWS.am STYLE-ին Facebook-ում, Twitter-ում և Instagram-ում
09:00, 20 մայիսի
ՄԱՅԻՍԻ 20-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ20:21, 19 մայիսի
Ինչո՞ւ է Մեգան Մարքլը թաքցնում ոտքերը. ոճաբանը բացատրում է19:24, 19 մայիսի
«Եվրատեսիլ 2024»-ում Նիդերլանդների մասնակցը հունիսի սկզբին կարող է հայտնվել Շվեդիայի դատարանում16:04, 19 մայիսի
Բեն Աֆլեքին առաջին անգամ տեսել են առանց ամուսնական մատանու14:05, 19 մայիսի
Աննա Մանուչարյանի սլացիկ կազմվածքը՝ մինի տոպով ու կարճ կիսատաբատով12:08, 19 մայիսի
Սելենա Գոմեսը եւ Զոի Սալդանան Կաննում մասնակցել են «Էմիլիա Պերես» մյուզիքլի դիտմանը10:25, 19 մայիսի
Բենի Բլանկոն պատմել է Սելենա Գոմեսից երեխաներ ունենալու ծրագրերի մասին09:00, 19 մայիսի
ՄԱՅԻՍԻ 19-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ20:23, 18 մայիսի
Իվետա Մուկուչյանը գայթակղիչ կերպարով հանդես է եկել հայտարարությամբ (VIDEO)16:23, 18 մայիսի
«Խաչմերուկներ» միջազգային փառատոնը հատեց եզրագիծը15:56, 18 մայիսի
«Ոստիկանները որոշեցին, որ մենք մերկ ենք եւ հեռացրին այնտեղից». Սարիկ Անդրեասյանն ու նրա կինը Իտալիայում հայտնվել են անհարմար իրավիճակում14:11, 18 մայիսի
«Փարաջանովը եւ նորաձեւությունը». Երեւանում բացվել է անվանի կինոռեժիսորի ստեղծագործություններից ոգեշնչված ցուցահանդես