• Գողացել են Փարիզի նորաձեւության շաբաթվա առաջիկա ցուցադրության Balmain-ի հագուստները

  Ցուցադրությունն ամեն դեպքում կկայանա նախատեսված օրը՝ սեպտեմբերի 27-ին, Էյֆելյան աշտարակի մոտ․․․

• Հին Հոլիվուդի սեւ-սպիտակ երազանքը՝ Հարիս Ռիդի հավաքածուում

  Այս հավաքածուի նպատակն էր հարգանքի տուրք մատուցել «դյութիչ եւ չափազանցված կանացիությանը»՝ զարգացնելով մի գաղափար, որը միշտ գոյություն է ունեցել Ռիդի հավաքածուներում․․․

• Իրինա Շեյքը պոդիումում հայտնվել է աչքի տակի կապտուկով

  Ցուցադրություն, սադրանքներ, կեղծ կապտուկներ․․․

• Tiffany & Co.-ն ներկայացրել է BLACKPINK-ի Ռոզեից ոգեշնչված իր կապսուլային հավաքածուն

  Tiffany & Co. ոսկերչական տունը ներկայացրել է բոլորովին նոր կապսուլային հավաքածու․․․

• Puppets & Puppets-ը ցուցադրում է Նյու Յորքի կանացիության երկակիությունը

  Ստեղծագործական տնօրեն Կարլի Մարկը ստեղծել է մի հավաքածու, որը որքան հուզիչ է, նույնքան էլ՝ գեղեցիկ...

• Հինգ բյութի-թրենդ Նյու Յորքի Նորաձեւության շաբաթից

  Սեպտեմբերը միայն աշնան սկիզբը չէ, այն թռիչք է դեպի նորաձեւության ու գեղեցկության ապագա․․․

• Carolina Herrera գարուն/ամառ 2024 հավաքածու՝ խաբուսիկ պարզություն

  Carolina Herrera-ն ներկայացրել է իր գարուն/ամառ 2024 հավաքածուն Ուիթնիի ամերիկյան արվեստի թանգարանի գլխավոր նախասրահում․․․

• Balenciaga-ն կրկին վեճ է հրահրել․ այս անգամ 1000 դոլարից ավելի արժեք ունեցող անձրեւային կոշիկների պատճառով

  Դրանք հիշեցնում են Hunter Wellington-ի դասական կոշիկները, որոնք սովորաբար արժեն 200 դոլարից պակաս․․․

Սպիտակ վերնաշապիկը նորաձեւության ունիվերսալ գործիքներից է, որը must-have է՝ դրանով միշտ կարող եք ոճային եւ ժամանակակից տեսք ունենալ։ Տեսնենք, թե ինչպես եւ ինչով կարելի է այն կրել՝ թրենդում լինելու համար։ Առաջին սեզոնը չէ, որ դիզայներները սպիտակ վերնաշապիկներ կրելու տարբեր եղանակներ են առաջարկում: Այլեւս բավարար չէ այն, պարզապես, հագնելը, կարեւոր է նաեւ ճիշտ համադրելը։ Սպիտակ վերնաշապիկը երեւակայության համար հսկայական հնարավորություն է տալիս:

Մինչեւ վերջին կոճակը

Լուսանկարները՝ 2023 թ-ի հավաքածուներից: Emporio Armani Spring Ready-to-Wear, Alexander McQueen Fall Ready-to-Wear, Nehera Spring Ready-to-Wear

Նորաձեւության շատ տներ հուշում են, որ սպիտակ վերնաշապիկը կարելի է կոճկել մինչեւ վերջ: Այս տարբերակը շատ էլեգանտ, խիստ եւ, նույնիսկ, մի փոքր ասկետիկ տեսք ունի:

Լուսանկարները՝ Spring Ready-to-Wear 2023 հավաքածուից: Nili Lotan Spring, Windsor Spring, Lorena Antoniazzi 

Ի տարբերություն նախորդ տարբերակի՝ որոշ ապրանքանիշեր մեզ ցույց են տալիս սպիտակ վերնաշապիկ կրելու բոլորովին այլ տարբերակներ։ Հնարավորինս բացեք կոճակները, եթե ցանկանում եք ձեր տեսքը դարձնել հանգիստ եւ պատահական: Իսկ եթե դա չափազանց բաց է թվում, առաջարկում ենք դիտարկել հաջորդ տարբերակը։

Բազմաշերտություն

Լուսանկարները՝ 2023թ-ի հավզաքածուներից: Ralf Lauren Spring Ready-to-Wear, Christian Dior Fall Ready-to-Wear, Ralf Lauren Spring Ready-to-Wear

Սպիտակ վերնաշապիկը կարող է լինել հիանալի վերնազգեստ. հագեք այն տոպի, կորսետի կամ, նույնիսկ, բարձր վզով բլուզի հետ:

Փողկապ

Լուսանկարները՝ 2023 թ-ի հավաքածուներից: Valentino Fall Ready-to-Wear, Margaret Howell Spring Ready-to-Wear, Valentino Spring Ready-to-Wear

Փողկապը թրենդային աքսեսուար է, որը հիանալի համադրվում է սպիտակ վերնաշապիկի հետ: Այն կարող է խստություն հաղորդել պատկերին, ինչպես նաեւ այն ավելի ոչ ֆորմալ դարձնել: Ամեն ինչ կախված է նրանից, թե ինչպես ես կրում այն:

Կորսետի հետ

Լուսանկարները՝ Spring Ready-to-Wear 2023 հավաքածուներից: Kohe, Rosetta Getty, Christian Dior

Կորսետը գրավել է պոդիումներն ու մեր միտքը։ Այն կարող է տարբեր լինել՝ տոնական կամ խիստ։ Կորսետի անկեղծության աստիճանը նվազեցնելու համար կրեք այն վերնաշապիկի վրայից:

Օվերսայզ՝ տակից եւ վերեւից

Լուսանկարները՝ 2023 թ-ի հավաքածուներից: Dolche & Gabbana Fall, Christian Dior Spring Ready-to-Wear, Marques' Almeida Spring Ready-to-Wear

Սպիտակ օվերսայզ վերնաշապիկը բազմակողմանի եւ բազային տարր է: Մեզ առաջարկվում է այն կրել ինչպես տաբատի կամ շրջազգեստի ներքո, այնպես էլ ազատ արձակված վիճակում։

Լուսանկարները՝ Spring Ready-to-Wear 2023 հավաքածուներից: Petar Petrov, Emilia Wickstead, Shang Xia

Վերնաշապիկ-զգեստ

Լուսանկարները՝ Spring Ready-to-Wear 2023: Courreges, Fabiana Fillipi, AZ Factory

Թվում է, թե սպիտակ վերնաշապիկը դադարել է լինել, պարզապեսմ վերնաշապիկ․ շատ ցուցադրություններում այն ​​արդեն վերածվում է մինի զգեստի։ Հագեք այս տարբերակը կոպիտ կոշիկների, բարձրաճիտ կոշիկների կամ բալետկաների հետ: Մի մոռացեք այլ նորաձեւ աքսեսուարների մասին:

Ջինս

Լուսանկարները՝ 2023 թ-ի հավաքածուներից: A.W.A.K.E. Mode Spring Ready-to-Wear, Versace Fall Ready-to-Wear, Christian Dior Spring Ready-to-Wear

Երկու ունիվերսալ դետալներ հանդիպեցին եւ կերպարը դարձրին մոդայիկ ու հետաքրքիր։ Սպիտակ վերնաշապիկի եւ ջինսի համադրությունը երբեք հնացած չի լինի, միայն կարեւոր է ընտրել նորաձեւ տարբերակներ եւ աքսեսուարներ։

Կոստյումի հետ

Լուսանկարները՝ 2023 թ-ի հավաքածուներից: Windsor Spring Ready-to-Wear, Gucci Fall Ready-to-Wear, Nili Lotan Spring Ready-to-Wear

Սպիտակ վերնաշապիկը՝ կոստյումով. ի՞նչը կարող է ավելի ձանձրալի լինել: Թե՞, ամեն դեպքում, սա նորաձեւ է։ Տեսեք, թե ինչպես են դիզայներները խաղում այս համադրության հետ՝ դարձնելով այն զվարճալի, էլեգանտ եւ, նույնիսկ, սեքսուալ:

Տարբեր ձեւերի շրջազգեստների հետ

Լուսանկարները՝ 2023 թ-ի հավաքածուներից: Baum Und Pferdgarten Copenhagen Spring, Monse Spring Ready-to-Wear, Sergio Hudson Spring Ready-to-Wear

Կիսաշրջազգեստ եւ վերնաշապիկ՝ ի՞նչը կարող է լինել ավելի պարզ: Հագեք այն ցանկացած երկարությամբ, ամենակարեւորը՝ ընտրեք ձեզ սազական կտրվածքներով տարբերակները։ Վերնաշապիկը կարելի է դնել կիսաշրջազգեստի տակ, կամ հագնել դրա վրայից, ստեղծել միագույն լուք՝ սպիտակով, կամ խաղալ կոնտրաստի հետ:

Լուսանկարները՝ 2023 թ-ի հավաքածուներից: Saks Potts Copenhagen Spring, Henrik Vibskov Copenhagen Spring, Sara Battaglia Spring Ready-to-Wear

Վրայից դրված տարբերակներ

Լուսանկարները՝ 2023 թ-ի հավաքածուներից: In Earnest by Byron Lars Spring Ready-to-Wear, Renaissance Renaissance Spring Ready-to-Wear, Saks Potts Copenhagen Spring

Այո, սպիտակ վերնաշապիկների այս տարբերակները, նույնպես, պոդիումներում են, դրանք արտացոլում են 90-ականների նորաձեւության միտումների վերադարձը։

Գոտի

Լուսանկարները՝ Spring Ready-to-Wear 2023 հավաքածուներից: MM6 Maison Margiela, Peter Do, Sacai 

Եթե ​​սիրում եք օվերսայզ իրեր, բայց ցանկանում եք ընդգծել գոտկատեղը, ապա այս տարբերակները ձեզ համար են։ Գոտիների բազմազան տարբերակներ, գոտկատեղին կապված իրեր՝ այս ամենը մի փոքր «կնվազեցնի» ծավալը եւ կստեղծի հետաքրքիր շեշտտադրում:

Տոն

Լուսանկարները՝ 2023 թ-ի հավաքածուներից: Sukeina Spring Ready-to-Wear, Carolina Herrera Spring Ready-to-Wear, Valentino Fall

Մենք սպիտակ վերնաշապիկը, սովորաբար, համարում ենք առօրյա հագուստ, բայց այն հիանալի կերպով կարող է իրեն դրսեւորել տոնական տեսքով։ Եթե ​​այլ իրերը վառ ու շեշտադրված են, ապա վերնաշապիկը նրանց համար հիանալի գործընկեր կլինի։ Դա կարող է լինել համադրություն վառ կիսաշրջազգեստի, կոշիկների կամ զարդերի հետ:

Սպիտակ վերնաշապիկը «սպիտակ կտավ» է, որով դուք կարող եք ստեղծել տարբեր կերպարներ՝ ձեր սիրելի ջինսերի հետ սովորական համադրություններից մինչեւ դուրս գալու համար նախատեսված հանդերձանք: Այն հարմար է ցանկացած կազմվածքի, ոճի եւ տարիքի համար։

Հետևեք NEWS.am STYLE-ին Facebook-ում, Twitter-ում և Instagram-ում