• Պլասիդո Դոմինգոն ներկայացրել է կադրեր՝ Երևանում կայանալիք համերգի փորձից

  Այսօր՝ հոկտեմբերի 16-ին, Ալեքսանդր Սպենդիարյանի անվան օպերայի և բալետի ազգային ակադեմիական թատրոնում տեղի կունենա հայ մեծանուն տենոր, համաշխարհային օպերային արվեստի նշանավոր ներկայացուցիչ Գեղամ Գրիգորյանի ծննդյան 75-ամյակին նվիրված գալա-համերգը․․․

• Սյուզան Մարգարյանի արձագանքը Սիրուշոյի պատմությանը, Fashion Week-ն ու Երևանի 2808-ամյակը․ Instagram-ը՝ այս շաբաթ

  Հոկտեմբերի 7-ին կայացավ Վարդուհի Վարդանյանին նվիրված մեծ համերգը, որի ընթացքում գրանցվեցին մի շարք տպավորիչ ու հուզիչ դրվագներ...

• Երևանը, որ այսպես նայում ես, Հռոմից ոչ միայն հին չէ, այլև շատ նոր քաղաք է

  Երևանը միայն քարտեզի վրա նշված քաղաք չէ․ այն հիշողություն է, պատմություն, սեր ու երազանք՝ միավորված մեկ անվան մեջ...

• «Հակաքրիստոսը գալիս է Երևան». Հայերը պահանջում են չեղարկել Մորգենշտեռնի համերգը

  Մորգենշտեռնը դեկտեմբերի 19-ին նախատեսում է ելույթ ունենալ Երևանում․․․

• «Կինեմատոգրաֆիկ, կոսմոպոլիտ, հիասքանչ». Vogue France-ը պատմում է Հայաստանում տեղի ունեցած հարսանիքի մասին

  Ի՞նչ է պատահում, երբ հայկական հարսանեկան ավանդույթները հանդիպում են Վիետնամի, Կամբոջայի և Չինաստանի մշակույթներին․․․․

• Նկարչուհի, դիզայներ Աննա Հարությունյանը Միլանի նորաձևության շաբաթվա շրջանակում արժանացել է «Լավագույն հավաքածու» մրցանակին

  ՀՀ վաստակավոր նկարիչ, հագուստի դիզայներ Աննա Հարությունյանը ժամանակ առ ժամանակ իր ստեղծած հագուստի յուրահատուկ հավաքածուները ներկայացնում է աշխարհի հեղինակավոր հարթակներում՝ պատմելով տարբեր քաղաքակրթությունների, մշակույթների մասին…

• Ինչպես բացվեցին Ռուսական հոգևոր մշակույթի օրերը Երևանում

  Սեպտեմբերի 30-ին, Երևանի Ստանիսլավսկու անվան ռուսական դրամատիկական թատրոնում բացվեցին Ռուսական հոգևոր մշակույթի օրերը Հայաստանում…

• «Մանկական Եվրատեսիլ 2026» երգի միջազգային մրցույթում Հայաստանը կներկայացնի 13-ամյա Naré-ն

  Այս տարի «Մանկական Եվրատեսիլ» երգի միջազգային մրցույթում Հայաստանը կներկայացնի 13-ամյա Naré-ն…

Մարգարիտա Պողոսյանը «Միսիս Հայաստան» մրցույթի առաջին հաղթողն է։ Նա Հայաստանում առաջին անգամ անցկացրած մրցույթի տիտղոսը նվաճեց ապրիլի 18-ին՝ մրցույթի եզրափակիչ փուլի ավարտին։ Մարգարիտան 31 տարեկան է, ծնվել է Արմավիրում, այժմ բնակվում է Երեւանում, բայց ինչպես նշեց NEWS.am STYLE-ի հետ զրույցում, մրցույթի շրջանակում մեծ ցանկություն է ունեցել հնչեցնելու հենց Արմավիրի անունը։

Այժմ արդեն տիտղոսակիր գեղեցկուհին առաջին մասնագիտությամբ մանկավարժ է․ Հայկական պետական մանկավարժական համալսարանն ավարտել է գերազանց: Այնուհետեւ սովորել է Մոսկվայի Synergy բիզնես համալսարանում՝ ձեռք բերելով մարքեթոլոգի մասնագիտություն:

NEWS.am STYLE-ի հետ զրույցում Մարգարիտան պատմել է նաեւ «Միսիս Հայաստան 2023» մրցույթին մասնակցելու որոշման, հաղթանակի ու դստեր մասին։ 

Մարգարիտան մրցույթի մասին իմացել է ընկերուհուց, հենց նրա խորհրդով էլ որոշել է մասնակցել,-«Շատ վառ է տպավորվել այդ օրը: Ընտանիքով վերադառնում էինք Գեղարդից, երբ ընկերուհիս զանգահարեց եւ ասաց, որ Հայաստանում առաջին անգամ տեղի է ունենալու «Միսիս Հայաստան» մրցույթ, եւ առաջարկեց ինձ նույնպես մասնակցել: Ճիշտ է, առաջին հայացքից չափազաց հետաքրիր թվաց գաղափարը, բայց միեւնույն ժամանակ բացառեցի իմ մասնակցությունը, քանի որ չգիտեի՝ ինչպես կարձագանքեին ընտանիքիս անդամները: Եվ քանի որ երկար ժամանակ չունեի մտածելու, քասթինգին մնացել էին հաշված օրեր, արագ համաձայնության եկա նրանց հետ եւ արեցի կյանքումս բեկումնային դարձած այդ քայլը»,-պատմեց նա։ 

⠀
Մարգարիտան մրցույթին ներկայանում էր 9-րդ համարի ներքո։ Այդ թիվն, առհասարակ, խորհրդանշական է համարում իր կյանքում,-«Իմ կյանքում հաղթանակները շատ են: Ինքս ծնվել եմ Հաղթանակի օրը՝ մայիսի 9-ին, եւ կարծում եմ՝ նախախնամություն էր, որ ինձ վիճակվեց մրցույթում հանդես գալ 9-րդ համարի ներքո»:

⠀
Խոսելով իր մրցակիցների եւ մրցույթից ունեցած ձեռքբերումների մասին՝ նա նշեց,-««Միսիս Հայաստան»-ը պարզապես գեղեցկության մրցույթ չէ: Հիմքում 21-րդ դարի հայ կնոջ հավաքական կերպարի ներկայացումն է: Իսկ մասնակիցները տարբեր ոլորտներ ներկայացնող եւ տարբեր ներքին մշակույթ կրող կանայք էին: Եվ այո, նրանցից յուրաքանչյուրը կարող էր հաղթել: Այս մրցույթն ինձ տվեց ծանոթություն հրաշալի մարդկանց հետ՝ ի դեմս կազմակերպիչների եւ մեզ հետ ամիսներ շարունակ պատրաստակամ աշխատող թիմի: Բացահայտեցի կանանց նոր՝ ինձ դեռեւս անծանոթ տեսակների, տարբեր բնավորություն եւ բովանդակություն ունեցող հայուհիների: Հասկացա, որ ես ավելի ուժեղ եմ, քան կարծում էի»:

Նախկինում Մարգարիտան երբեք չի զբաղվել մոդելինգով եւ չի ունեցել գեղեցկության մրցույթների մասնակցության փորձ, սակայն, նրա խոսքով, առաջարկներ միշտ ստացել է: 

Մոդելն իր կյանքի մեծագույն ձեռքբերումը համարում է դստերը՝ 6-ամյա Արիանային,-«Կարծում եմ՝ հայ կնոջ գլխավոր առաքելությունը կյանքում մայր լինելն է՝ Մայր հայրենիքին երեխաներ պարգեւելը: Եվ, հիրավի, երջանիկ է ու օրհնված այն կինը, ով զգացել է մայրության բերկրանքը: Աղջիկս՝ Արիանան, 6 տարեկան է: Մենք շատ մտերիմ ընկերուհիներ ենք եւ հիանալի հարաբերություններ ունենք: Յուրաքանչյուրիս ձեռքբերումն ու հաղթանակը մեծ ուրախություն է մեզ համար, եւ հաղթանակիցս հետո աղջկաս ուրախությունն ինձ շատ երջանկացրեց»:

Սյունե Առաքելյան
Լուսանկարները տրամադրել է Մարգարիտա Պողոսյանը

Հետևեք NEWS.am STYLE-ին Facebook-ում, Twitter-ում և Instagram-ում