• Snob. Դիլիջանը, թերեւս, Հայաստանի ամենահանգիստ քաղաքն է

  Դիլիջանը Հայաստանի, թերեւս, ամենահանգիստ քաղաքն է։ Այնտեղ փողոցներում ոչ ոք չի շտապում․․․

• Քորթնի Քարդաշյանը խոստովանել է, որ ծննդաբերությունից երեք ամիս անց «պատրաստ չի եղել» կիպ զգեստով ֆոտոշարքին

  Քորթնի Քարդաշյանը խոստովանել է, որ «պատրաստ չի զգացել» «Քարդաշյանների» համար կիպ զգեստով ֆոտոշարք անել՝ Ռոքիի ծնվելուց երեք ամիս անց…

• Զենդայան, Ջենիֆեր Լոպեսը եւ Սիեննա Միլլերը՝ Met Gala-ին ընդառաջ կազմակերպված ընթրիքին

  Զենդայան, Ջենիֆեր Լոպեսը եւ Սիեննա Միլլերը Նյու Յորքում մասնակցել են Vogue-ի խմբագիր Աննա Վինտուրի ընթրիքին, որը կազմակերպվել է Met Gala-ին ընդառաջ…

• Միխայիլ Գալուստյանը 14 կգ նիհարել է՝ հրաժարվելով խորովածից

  Ռուս շոումեն Միխայիլ Գալուստյանը վերջերս նիհարել է 14 կիլոգրամով։ Մինչեւ վերջերս 163 սանտիմետր հասակ ունեցող արտիստը կշռում էր 80 կիլոգրամ…

• Նիկոլաս Քեյջի որդուն մեղադրել են սեփական մորը ծեծելու մեջ

  Նիկոլաս Քեյջի որդուն՝ Ուեսթոն Քեյջին, մեղադրել են մորը՝ Քրիստինա Ֆուլթոնին ծեծելու մեջ…

• Իտալացի մոդելը պնդում է, որ իրեն հեռացրել են 2024 թ-ի Met Gala-ում աշխատանքից, քանի որ ինքն արտաքնապես գերազանցել է Քայլի Ջեններին

  Իտալացի մոդելը պնդում է, որ իրեն հեռացրել են 2024 թ-ի Met Gala-ում աշխատանքից, քանի որ ինքն անցած տարվա մջոցառման ժամանակ արտաքնապես գերազանցել է Քայլի Ջեններին…

• Բեյոնսեն ցուցադրել է իր համարձակ կերպարը՝ մերկացնելով հետույքը

  Երգչուհին հագել է մոխրագույն բոդի, վրայից՝ արհեստական ​​մորթուց մուշտակ եւ համապատասխան շարֆ…

• Մադոննան պատմություն է կերտում՝ Ռիոյում իր վերջին համերգին ներգրավելով 1,6 միլիոն երկրպագուների

  Մադոննան իր շրջագայությունն ավարտեց Ռիո դե Ժանեյրոյի Կոպակաբանա լողափում անվճար համերգով, որը կայացավ 1,6 միլիոն երկրպագուների ներկայությամբ…

Նիգերիացի բլոգեր, երաժիշտ եւ պարող Շեդի Ուիլյամսը, որն առավել հայտնի է Shady Shae անվամբ, հայ հանրության շրջանում հատկապես ճանաչվեց հայկական երգերի մասին նկարահանած  իր արձագանքներով: Ամեն ինչ սկսվեց նրանից, երբ յութուբերին օգտատերերից մեկն ուղարկեց Բրյունետի Future Lover երգն ու առաջարկեց անդրադառնալ նաեւ այդ տեսահոլովակին: Այդպես էլ Շեդին սկսեց ուսումնասիրել հայկական երաժշտությունը, սիրահարվեց նաեւ Հայաստանին: Այսօր, նույնիսկ, մտածում է Հայաստան այցելելու մասին: 

Այս եւ մի շարք այլ թեմաների շուրջ բլոգերը կիսվել է NEWS.am STYLE-ի հետ զրույցում:

Երբ որոշել է բլոգ վարել, Շեդին չի կարծել, որ ունենալու է լայն լսարան,-«Չէի կարծում, թե իմ բլոգը կհետաքրքրեր մարդկանց, ինձ թվում էր՝ հույս չկա, բայց, միեւնույն է, սկսեցի այն, որպեսզի ցուցադրեի իմ արձագանքը ծիծաղելի տեսանյութերի հանդեպ, սակայն հետո անցա երաժշտությանը: Իմ մեծագույն հոբիներից է երաժշտություն ստեղծելը (հիմնականում վոկալային եւ պարային գործեր): Ես ազատ ժամանակ զբաղվում եմ break dance-ով, սթեփով եւ հիփ-հոփով, դրա համար որոշեցի անդրադառնալ երաժշտությանն ու պարել տեսանյութերի ներքո, բայց քանի որ եւ սովորում էի, եւ աշխատում, ժամանակ չունեի զբաղվելու իմ սեփական երգերով, այդպիսով սկսեցի դիտել այլ երաժիշտների աշխատանքները եւ ցուցադրել դրանց հանդեպ իմ արձագանքը»,-NEWS.am STYLE-ին պատմում է բլոգերը, որը հետաքրքրված է երաժշտական տարբեր ժանրերով,-«Բայց ինձ հիմնականում աֆրո ռիթմերն են դուր գալիս, էլեկտրոնային, հաուս եւ եկեղացական երգերը: Ես, ի դեպ, Քրիստոնյա եմ, ահա, թե ինչու եմ սիրում այդպիսի երգեր»,-հավելում է նա:
 

Առաջին արձագանքը Շեդին նկարահանել է Նատալի Փորթմանի SNL ռեփ կատարման վրա, իսկ առաջին հայկական տեսահոլովակը, որին անդրադարձել է, Բրյունետի Future Lover-ն էր: 

«Ինձ այն խենթացրել էր: Այնքան անսպասելի էր՝ նրա պահվածքը, ինքնավստահությունը, սեքսուալությունը, վոկալային տվյալները, կրեատիվ բեմադրությունը… ամեն ինչ բարձր մակարդակի վրա է: Ինձ այդ ստեղծագործությանը ծանոթացրել են իմ հետեւորդները: Հիմնականում հենց նրանք են ուղարկում տեսահոլովակներ, որոնց մասին ցանկանում են, որ տեսանյութեր նկարահանեմ»: 
 

Այուհետեւ Շեդին սկսել է ավելի հաճախ անդրադառնալ հայ արտիստներին, որոնցից շատերի երգերը հաճույքով է լսում,-«Ինձ շատ են դուր գալիս Nemra-ի «Նարեն», Սիրուշոյի «PreGomesh»-ը եւ Իվետա Մուկուչյանի «Հայաստանի աղջիկներ»-ը: Տեսահոլովակներից ամենից շատ հենց Իվետայի «Հայաստանի աղջիկներ»-ն է ինձ գրավել, քանի որ այն վիզուալ առումով ամբողջությամբ գեղեցկություն է ներկայացնում, հնչողությունն էլ հրաշալի է: Իսկ որպես երգ՝ ամենից շատ նախընտրում եմ Բրյունետի Future Lover-ը»:

Հայկական երգերի հանդեպ հետաքրքրությունը հանգեցրել է նաեւ Հայաստանի պատմության ու ավանդույթների ուսումնասիրությանը:
 
«Գիտեմ Հայոց ցեղասպանության մասին, Արարատի վրա հանգրվանած Նոյան տապանի պատմությունը, Արարատի մասին, որը հանձնվել է Թուրքիային: Մի քիչ գիտեմ ձեր սովորույթների մասին, օրինակ՝ երբ մեկը երկար ճանապարհ պիտի գնա, ջուր եք լցնում նրա հետեւից, որ ապահով տեղ հասնի: Գիտեմ նաեւ, որ Քարդաշյաններն են հայ»,-ասում է նա՝ հավելելով, որ անգամ հայերենն է սկսել ուսումնասիրել:

«Անկեղծ ասած՝ հայերենը շատ բարդ լեզու է ինձ համար, բայց որոշ բաներ սովորել եմ յութուբյան տեսանյութերից եւ որոշ հավելվածներից: Մի քանի բառ գիտեմ՝ «բարեւ», «բարեւ ձեզ», «ինչպե՞ս ես», «ո՞նց ես», «լավ եմ», «ես Shady Shae-ն եմ»: Դեռ քիչ է, բայց աշխատում եմ այդ ուղղությամբ: Մտադիր եմ առաջիկա ամիսներին այցելել Հայաստան: Որոշ գործեր ավարտեմ, եւ Հայաստան, ես գալիս եմ»:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում