Բոստոնցի Քրիստինա Այանյանը, որը ֆինանսների ոլորտի մասնագետ է եւ «Միսս Տիեզերք Արմենիա 2022» տիտղոսակիր, կնախագահի ANCA-ի (The Armenian National Committee of America) Արեւելյան տարածաշրջանի հիմնադրամի 17-րդ ամենամյա գալա հանդիսավոր արարողությունը, որը տեղի կունենա այս տարվա հոկտեմբերի 7-ին՝ Բոստոնի Royal Sonesta հյուրանոցում, հաղորդում է Armenian Weekly-ն։
Գալայի ընթացքում սպասվում է կոկտեյլային հյուրասիրություն, լուռ աճուրդ, ընթրիք եւ մրցանակաբաշխություն: Տոմսերն արդեն հասանելի են։
Այանյանին կմիանան Արեւելյան տարածաշրջանից հարյուրավոր ամերիկահայ ակտիվիստներ եւ ընկերներ՝ նշելու տարածաշրջանի՝ 2023 թ-ի ձեռքբերումները եւ հարգանքի տուրք մատուցելու այն ակտիվիստներին, ովքեր անխոնջ աշխատել են Hai Tahd-ի առաջխաղացման համար:
Տարածաշրջանը հպարտությամբ կպարգեւատրի արժանավոր անհատներին ANCA-ի Արեւելյան շրջանի Ազատության եւ Վահան Քարդաշյանի անվան մրցանակներով:
Հաջորդ սերնդի ակտիվիստները՝ ANCA-ի Լեո Սարկիսյանի պրակտիկայի ծրագրի մասնակիսցները, որոնք Արեւելյան շրջանից են, եւս կներկայացվեն գալայի ժամանակ։
Ինչ վերաբերում է Քրիստինա Այանյանին՝ հավելենք, որ նա ներկայացրել է Հայաստանը 2022 թ-ին անցկացված «Միսս Տիեզերք» մրցույթում։ 2020 թ-ին Քրիստինան արժանացել էր «Միսս Բոստոն» տիտղոսին։
Քրիստինան ծնվել է Բոստոնում, մինչեւ 5-րդ դասարան սովորել է հայկական՝ Սուրբ Ստեփանոս վարժարանում: Հայերենի վարժ իմացությունն ու հայրենասիրությունը աղջիկը վերագրում է ծնողների ու ուսուցիչների տված դաստիարակությանը:
Գեղեցկության մրցույթների Քրիստինան սկսել է մասնակցել 6-7 տարեկանում, բայց մոդելինգով ավելի լուրջ զբաղվել է 15 տարեկանից:
2021 թ-ին, «Միսս Աշխարհ Արմենիա» մրցույթին մասնակցության շրջանում, Քրիստինան NEWS.am STYLE-ին պատմել էր, որ Հայաստանում գեղեցկության մրցույթի մասնակցելն իր համար երազանք էր եղել,-«Ես «Միսս Բոստոն 2020» եմ ճանաչվել, ու երբ հասկացա, թե ինչ ներդրում կարող եմ ունենալ՝ լինելով հայ ու աշխատելով հայկական բարեգործական ընկերությունների հետ, որոշեցի գալ Հայաստան ու մասնակցել մրցույթին»,-ասել էր նա՝ հավելելով,-«Իմ նպատակն է Սփյուռքին միացնել իրենց հայրենի հողի հետ, նաեւ ուզում եմ «Միսս Արմենիա» մրցույթն ավելի հանրահռչակել Սփյուռքի, մասնավորապես, ԱՄՆ-ի հայության մեջ: Ուզում եմ, որ մրցույթը ճանաչված լինի աշխարհով մեկ, լինեմ այդ հաղորդագրությունը բարձրացնող դեմքը: Հաղթանակից բացի ամենակարեւորն այն է, որ ես ուզում եմ Հայաստանը, Հայաստանի մասին նորությունները ավելի ճանաչելի ու հասանելի դարձնել աշխարհով մեկ ու հայկական համայնքների ներսում»:
Հետևեք NEWS.am STYLE-ին Facebook-ում, Twitter-ում և Instagram-ում
21:11, 8 մայիսի
Աշխարհի նախկին ամենահարուստ մարդը` Ուորեն Բաֆեթ. «Հաջողությունը փողի մեջ չէ, այլ նրանում է, որ սիրված լինեք նրանց կողմից, ում ցանկանում եք սիրել»20:26, 8 մայիսի
Սիլվեստր Ստալոնեի ժամացույցները կհայտնվեն աճուրդում, այդ թվում՝ նրա հավաքածուի «սուրբ գրաալը»19:27, 8 մայիսի
Նյու Յորքի Times Square-ը գլխավորում է աշխարհի ամենավատ զբոսաշրջային վայրերի ցուցակը17:13, 8 մայիսի
Ռուսաստանում բանակցություններ են ընթանում այնտեղ Քանյե Ուեսթի համերգը կազմակերպելու շուրջ16:32, 8 մայիսի
Հիսուս Քրիստոսի մանկության մասին սարսափ ֆիլմ կնկարահանվի15:11, 8 մայիսի
Քլոե Քարդաշյանը պատմել է այն խնդիրների մասին, որոնց բախվել է որդու՝ Թաթումի ծնվելուց հետո15:00, 8 մայիսի
«Եվրատեսիլ 2009»-ի հաղթող Ալեքսանդր Ռիբակը Հայաստանի երգը նշել է, որպես իր ֆավորիտ` իր երաժշտական աջակցությունը հայտնելով «Լադանիվա»-ին14:18, 8 մայիսի
Աննա Վինտուրն արգելել է այս երեք մթերքը մատուցել Met Gala-ին14:00, 8 մայիսի
Հայկական էպոսի հերոսը՝ էլ ավելի գունեղ ու ժամանակակից լուծումներով. կայացավ «Սասունցի Դավիթ» կոմիքսի շնորհանդեսը (ֆոտո)13:21, 8 մայիսի
Ինչպես մայիսի 9-ին քվեարկել «Լադանիվա» խմբի օգտին13:17, 8 մայիսի
«Ուենսդեյ» սերիալի երկրորդ եթերաշրջանի նկարահանումները սկսվել են12:34, 8 մայիսի
Ջեսիկա Բիլը Met Gala-ից առաջ 9 կգ աղով լոգանք է ընդունել