«Սրտի վալետ». նոր հումորային սիթքոմի մանրամասները. BACKSTAGE

Գեւորգ Մկրտչյանի եւ Քրիստինա Հովհաննիսյանի առաջին տանգոն

Գեևորգ Մկրտչյանը և Քրիստինա Հովհաննիսյանը պսակադրվեցին

Աներեւակայելի էմոցիաներ. Համասյանի համերգը Խուստուփ լեռան լանջին

Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել

MOCT 5. Անդերգրաունդ կյանքը Հայաստանում

«Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

Անդրեյ Մակարեւիչ. «Ինտերնետը շատ շուտ է հասել մարդկությանը»

Գուշակիր գույնը, ստացիր ծաղկեփունջ. մեկ օր՝ Մայիս Վարդանյանի հետ

Տիհանա Vibes Դավիթ Մանոյանի հետ. Իվետա Մուկուչյանի հետ տեսահոլովակի, Կասպերի եւ այլ թեմաների մասին

Տիհանա Vibes. ZatikArtFest-ի գույներն ու մարդիկ

Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Այսօր «Մանկական Եվրատեսիլ 2023»-ի բացումն է․ Հայաստանի ներկայացուցիչների ֆոտոշարքն ու բացահայտումները՝ մրցույթին ընդառաջ

10:31, 20 նոյեմբերի

«Մանկական Եվրատեսիլ 2023»-ին հաշված օրեր են մնացել։ Մեր պատվիրակներն արդեն Նիցցայում են, որտեղ այսօր կկայանա մրցույթի պաշտոնական բացման արարողությունը։ Բայց մինչ մեկնելը NEWS.am STYLE-ը հասցրել է զրուցել փոքրիկ գեղեցկուհիների հետ։ 

Yan Girls՝ այսպես է կոչվում համարձակ ու աշխույժ աղջիկների խումբը, ովքեր մրցույթում մեր այս տարվա ներկայացուցիչներն են։ Խմբի անդամները 5-ն են․ Նանեն, Կամիլան ու Նենսին հասակակիցներ են՝ 11 տարեկան, Սյուզին 10 տարեկան է, իսկ կրտսերն Աիդան է՝ 9 տարեկան։ Աղջիկները NEWS.am STYLE-ին պատմել են ոչ միայն «Մանկական Եվրատեսիլ»-ում իրենց մասնակցության, այլեւ ժամանցի սիրելի տարբերակների, երբեմն պատահող վեճերի եւ դրանց լուծումների մասին, ինչպես նաեւ՝ խոսել իրենց սպասումներից ու երազանքներից։

Աղջիկներին հանդիպել էինք Երեւանի սքեյթ-պարկում՝ հերթական ֆոտոշարքն իրականացնելիս։ 

«Չնայած ամպամածությանը՝ մենք հրաշալի նկարահանում ունեցանք, քանի որ մեր տրամադրությունը բարձր է ու արեւոտ»,-զրույցը սկսում է Կամիլան, իսկ Նանեն հավելում է,-«Շատ հետաքրքիր էր, մենք հրաշալի ժամանակ անցկացրինք, ամեն ինչ ուսումնասիրեցինք, քանի որ շատ հետաքրքրասեր ենք: Բացի այդ, ամեն օր փորձերի ենք լինում ու ուրախ ենք, որ բացի դրանից՝ միասին կարողանում ենք ուրախ ժամանակ անցկացնել»:

402124296_357528926799397_535900362423649378_n.jpg (443 KB)

Ձեր առօրյան, երեւի, շատ հագեցած է դարձել, չէ՞։

Նենսի. Փորձերը դժվար են, բայց դրանց ժամանակ էլ ենք հրաշալի պահեր ունենում: 

Կամիլա. Իրականում, երբ փորձերի ենք լինում, չենք հասցնում միմյանց հետ զրուցել, դրա համար հետո սիրում ենք մի տեղ գնալ միասին, որ խոսենք տվյալ օրվա կամ անցած օրվա իրադարձությունների մասին:

Նենսի. Եթե, նույնիսկ, կոնֆլիկտ ենք ունենում, նստում ենք մի սեղանի շուրջ ու լուծում ենք այդ հարցը: Եթե, օրինակ, ես ու Կամիլան վիճել ենք (ծիծաղում է)։

Իսկ հաճա՞խ եք վիճում:)

Նենսի. Չէ, մի անգամ է եղել: Հետո մոռացանք: Չէ՞ որ, մեծանալու ենք ու էլի իրար հետ շփվենք:

Կամիլա. Ուղղակի, խոսեցինք ու հասկացանք, որ պետք չէ մանրուքների համար վիճել:

Նենսի. Հասկացանք, որ բոլորս էլ մեղավոր էինք այդ վիճաբանության մեջ, չնայած՝ «գլխավոր հերոսները» ես ու Կամիլան էինք (ծիծաղում են):

401228612_357529056799384_4681959054095516358_n.jpg (447 KB)

Լավ, անցնենք ուրախ թեմաներին։ Ինչպե՞ս արձագանքեցիք, երբ իմացաք, որ հենց դուք եք Հայաստանը ներկայացնելու այս տարվա «Մանկական Եվրատեսիլ»-ին:

Սյուզի. Բոլորիս երազանքն էր այս մրցույթին մասնակցելը: Երբ Առաջին ալիքից կանչեցին, մտածեցինք՝ էլի ինչ-որ փուլի պիտի մասնակցենք: Բայց, երբ մեզ հայտնեցին, որ մենք ենք հաղթել, շոկի մեջ էինք: Մեր մայրիկներն էլ հուզվեցին:

Նանե. Երկու օր չէինք գիտակցում դա, բայց երբ փորձերը սկսվեցին, հասկացանք, որ վերջ՝ մենք անցել ենք, ու հիմա ամեն ինչ պետք է անենք կատարյալ, որ բոլորին գոհացնենք:

Իսկ ի՞նչ ասացին ձեր դասընկերները, ընկերները, երբ լսեցին լուրը:

Աիդա․ Ընկերներս շատ են ուրախացել ու լավ մաղթանքներ ասել։

Կամիլա. Սկզբում դասղեկս իմացավ: Ես մի քիչ ուշացա այդ օրը դասից, իսկ երբ ներս մտա, բոլորը սկսեցին շնորհավորել: Հետո, երբ դպրոց նկարահանման գնացինք, դասընկերներս մեզ շատ լավ դիմավորեցին, պաստառ էին պատրաստել…

Սյուզի. Երբ մեր տեսահոլովակը թողարկվեց, դասընկերներս միանգամից գրեցին, որ ուրախ են, որ ես մասնակցելու եմ «Եվրատեսիլ»-ին: Ի դեպ, շատերը վստահ էին, որ մենք անցնելու ենք նախընտրական փուլը: Իսկ երբ գնացի դպրոց, նույնիսկ, հուզվեցին, երբ տեսան ինձ:

402033469_357529003466056_4022427601284170058_n.jpg (542 KB)

Նանե. Ես դասընկերներիս նամակի միջոցով եմ այդ լուրը հայտնել. գրել էի, որ երազանքս իրականացել է, ու ես գնալու եմ «Մանկական Եվրատեսիլ»: Անմիջապես ուղարկեցի նաեւ մեր տեսահոլովակը, ու ընկերներս շատ ուրախացան: Նրանք ինձ շատ են ոգեւորում:

Նենսի. Իմ դասընկերները, երբ թերթում են Instagram-ը կամ TikTok-ը, ու մեր տեսահոլովակն են տեսնում, միշտ ոգեւորված ինձ են ուղարկում: Ընկերներիցս մեկն ամեն օր մի տեսանյութ է ուղարկում Instagram-ից ու ինչ-որ մաղթանք գրում ինձ:

Կամիլա. Տղա՞ է (ծիծաղում են)։

Նենսի. Այո:

Ձեր մայրիկների միջոցով եք ծանոթացել, իսկ հե՞շտ եք ընկերացել:

Աիդա. Այո։ Մրցույթից առաջ շուտ-շուտ չէինք տեսնվում, բայց հիմա լավ ընկերներ ենք դարձել:

Մրցույթին նախկինում հետեւո՞ւմ էիք:

Այո!

Ունե՞ք սիրելի մասնակիցներ:

Կամիլա. Բոլորին սիրում ենք՝ Նարեին, Մալենային, Կարինա Իգնատյանին, Բեթթիին, Դալիթային…

402314407_357530906799199_8725001159250129124_n.jpg (144 KB)

Հիմա, երբ կարեւոր փուլերից մեկը հաղթահարել եք, ի՞նչ սպասելիքներ ունեք մրցույթից:

Նանե. Իհարկե, ուզում ենք հաղթել, բայց նաեւ շատ ենք ուզում ընկերանալ մրցույթի մյուս մասնակիցների հետ:

Նենսի. Շատերի հետ նամակներով շփվում ենք: Բայց կուզեինք տեսնել իրենց ու ավելի մոտիկից ծանոթանալ:

Աիդա. Ես, հատկապես, մտերմացել եմ Ֆրանսիայի ներկայացուցչի հետ: Մի օր գրեցի նրան, պատասխնեց, ու այդպես սկսեցինք շփվել:

Սյուզի. Համացանցում մի խումբ կա, որտեղ բոլոր մասնակիցներով ընդգրկված ենք, շփվում ենք ու փորձում ավելի լավ միմյանց ճանաչել: 

Կամիլա. Երբեմն մյուս երկրների ներկայացուցիչները մեզ հայերենով գրում են՝ «Շնորհակալություն»: Մենք էլ ուրախանում ենք ու փորձում իրենց էլ նույն կերպ պատասխանել:

Սյուզի. Հավանել ենք շատերի երգերը՝ Ֆրանսիայինը, Միացյալ Թագավորությանը, Ուկրաինայինը ու շատերինը:

Իսկ երբ առաջին անգամ ձեր երգը լսեցիք, ինչպե՞ս արձագանքեցիք:

402058107_357529280132695_3350941535636775794_n.jpg (602 KB)

Աիդա. Շատ հավանեցի, որովհետեւ ես K-Pop շատ եմ սիրում:

Նանե. Մեզ ասել էին, որ կինոթատրոն ենք գնալու ֆիլմ դիտելու: Գնացինք կինոթատրոն, տեսանք, որ բոլորը եկել էին՝ մեր ռեժիսոր Արթուր Մանուկյանը, Վիկա Մարտիրոսյանը, Առաջին ալիքի անձնակազմը: Մտածեցինք՝ այսքանս եկել ենք, որ կինո նայե՞նք:

Սյուզի. Հետո գովազդ սկսվեց ու անմիջապես ցուցադրեցին մեր տեսահոլովակը… ցնցվել էինք:

Նենսի. Բայց Աիդան կասկածում էր, որ կարող էր այդպես էլ լինել:

Աիդա. Դե, որովհետեւ, երբ բոլորս ու Առաջին ալիքի անձնակազմը մի տեղում ենք, չի կարող միայն կինո լինել (ծիծաղում են): Նկատի ունեմ՝ անպայման մի նվեր անում են մեզ:

Ձեր խումբը ստեղծվել է հատուկ «Մանկական Եվրատեսիլ»-ի համար․ մրցույթից հետո շարունակելո՞ւ եք հանդես գալ միասին:

Կամիլա. Իհարկե: Հուսով ենք՝ դեռ շատ նախագծեր կանենք միասին:

Իսկ ի՞նչ երազանքներ ունեք:

Կամիլա. Ամենակարեւոր երազանքն իրականացավ՝ մասնակցելու ենք «Մանկական Եվրատեսիլ»-ին, հիմա հաղթանակի մասին ենք երազում:

Նանե. Ինձ թվում է՝ հիմա պիտի շատ աշխատենք, որ մեծանանք ու հասկանանք՝ ինչում ենք մենք լավ, ու գտնենք մեր տեղը:

Սյուզի. Ես էլ էի ուզում «Մանկական Եվրատեսիլ»-ին մասնակցել ու շուն ունենալ: Երկուսն էլ կատարվեցին:

Նենսի. Իսկ ես դեռ երազում եմ շուն ունենալու մասին:

Աիդա. Ես շատ երազանքներ ունեմ: Օրինակ՝ ուզում եմ դառնալ երգչուհի եւ պարուհի, նաեւ՝ ուսուցչուհի:

Հ․Գ․ «Մանկական Եվրատեսիլ 2023»-ը տեղի է ունենալու նոյեմբերի 26-ին՝ Ֆրանսիայի Նիցցա քաղաքում։ Այս տարվա մրցույթին մասնակցում են 16 երկրների պատվիրակներ։ Հայաստանը ներկայացնող Yan Girls խումբը մրցույթին կատարելու է «Do It My Way» երգը, որի երաժշտության հեղինակը Դավիթ Բադալյանն է, բառերինը՝ Մալենան եւ Վահրամ Պետրոսյանը: Տեսահոլովակի ռեժիսորը Արթուր Մանուկյանն է, խորեոգրաֆ՝ Վիկա Մարտիրոսյան, հագուստի հեղինակ՝ Ֆաինա Հարությունյան: 

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով

TV SHOWS PHOTO VIDEO


@NEWSam_STYLE

  • Արխիվ
Որոնել