Երիտասարդ երգիչ Գրիգոր Կյոկչյանը վաղուց է զբաղվում երգարվեստով: Սակայն նրան ավելի մեծ ճանաչում բերեց «Հայաստանի ձայնը» նախագիծը: Գրիգորը շատերի համար է երգեր գրել, որոնց հիման վրա նկարահանվել են տեսահոլովակներ, իսկ հիմա հերթն իրենն է: Երգիչը NEWS.am STYLE-ին պատմեց իր երգերի, «Սրտի կաթված»-ի եւ ապագայի մասին:
Այսքան ժամանակ ուրիշների համար երգեր եք գրել: Ինչո՞ւ որոշեցիք հանդիսատեսին որպես երգիչ ներկայանալ:
Այո, այնպես ստացվեց, որ ես ավելի շուտ հայտնի դարձա որպես երգահան, բայց ստեղծագործելուն զուգահեռ երկար տարիներ ներկայացել եմ նաեւ որպես երգիչ: Պարզապես, հանգամանքների բերումով, որպես երգահան ճանաչումն ավելի հեշտ ստացվեց ինձ մոտ:
Կպատմե՞ք «Սրտի կաթված»-ի մասին:
«Սրտի կաթված» վերնագրով իմ առաջին սինգլի հիմքում, որի հիման վրա նաեւ տեսահոլովակ նկարահանվեց, իմ կյանքից իրական պատմություն կա: Եվ համոզված եմ, որ հաջողության են հասնում հենց այն երգերը, որոնք ստեղծվել են իրական զգացողություններից ելնելով: Ես ուրիշների համար գրված շատ երգեր ունեմ եւ միշտ սիրվել են հենց այն երգերը, որոնք անկեղծ ու իրական պատմություններ են: Օրինակ՝ Նարեկ Բավեյանի «Ես սիրում եմ քեզ», Միհրան Ծառուկյանի «Գոլ» ու «Սիրո կինոն», Անդրեի ու Սերինե Պողոսյանի «Սառը քամին» երգերը եւ այլն:
Իսկ ի՞նչ հետաքրքիր դեպքեր եղան նկարահանումների ընթացքում:
Նկարահանումները տեւեցին երկու օր: Իրականում դրանք բարդ էին, նույնիսկ՝ էքստրեմալ: Այն հատվածը, երբ ես պետք է հեծանվով շուրջ 10 մետր բարձրանայի օդ, մեծ վտանգ էր պարունակում, բայց կարեւորը հաջող ավարտ ունեցանք:
Արդարացա՞ն Ձեր սպասումները:
Դատելով առաջին օրերին ստացված արձագանքներից՝ այո, սպասումներս արդարացան: Գրեթե բոլորը նշում են, որ շատ դրական, նոր ու ոճային աշխատանք է:
Ի՞նչ եք որոշել, կշարունակեք հանդես գալ որպես երգի՞չ, թե՞ երգահան կմնաք:
Հետագայում նույնպես կստեղծագործեմ եւ, իհարկե, զուգահեռ կշարունակեմ նաեւ երգչի կարիերան:
«Հայաստանի ձայնը» նախագծից հետո ի՞նչ փոխվեց Ձեր կյանքում:
Չնայած ես վաղուց Երգի պետական թատրոնի մեներգիչ եմ, բայց ավելի լայն ճանաչում ունեցա «Հայաստանի ձայնը» նախագծին մասնակցելուց հետո: Նախագծի առաջին եթերաշրջանն իսկապես ռեկորդային վարկանիշ ուներ, ինչը, բնականաբար, օգնեց մեզ՝ մասնակիցներիս, ավելի հեշտ հարթել մեր ուղին:
Ներկայում ի՞նչ նախագծերի ուղղությամբ եք աշխատում:
Այժմ նոր գրած երգեր ունեմ տարբեր երգիչների համար, որոնք շուտով կարող եք լսել: Եվ ունեմ տարբեր հետաքրքիր համագործակցություններ՝ կապված իմ կատարումների հետ:
Անձնական կյանքում կա՞ ինչ-որ մեկը:
Անձնական կյանքից խոսել այս պահին չեմ ուզում:
Ինչպիսի՞ն եք տեսնում Ձեր կյանքը 10 տարի անց:
Չեմ մտածում, թե ինչպիսին կլինի կյանքս 10 տարի անց, քանի որ դա կարող է ծիծաղելի լինել Աստծո համար: Բայց մեկ բան հստակ պատկերացնում եմ, որ աղջիկ եւ տղա եմ ունենալու: Տա՛ Աստված:
Զրուցեց Մարինա Ադուլյանը
Հետևեք NEWS.am STYLE-ին Facebook-ում, Twitter-ում և Instagram-ում
09:27, 10 մայիսի
Հայաստանը «Եվրատեսիլ 2024»-ի եզրափակչում ելույթ կունենա 19-րդ համարի ներքո09:00, 10 մայիսի
ՄԱՅԻՍԻ 10-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ01:13, 10 մայիսի
«Եվրատեսիլ 2024». Հայաստանն անցավ եզրափակիչ փուլ00:12, 10 մայիսի
Հայաստանը ներկայացնող «Լադանիվա»-ի ելույթը՝ «Եվրատեսիլ 2024»-ի երկրորդ կիսազրափակչին (VIDEO)23:00, 9 մայիսի
«Եվրատեսիլ 2024»-ի երկրորդ կիսաեզրափակիչը․ «Լադանիվան» ելույթ կունենա 8-րդը (ՈւՂԻՂ)22:09, 9 մայիսի
Սալվադոր Դալին եւ նրա լեգենդար բեղերը21:23, 9 մայիսի
Բուրջ Խալիֆան աշխարհի ամենաբարձրահասակի տիտղոսը կզիջի Սաուդյան Արաբիայի Ջիդդա աշտարակին20:16, 9 մայիսի
Շառլ Ազնավուրի սիրավեպերը․ շանսոնյեի հարյուրամյակին19:05, 9 մայիսի
«Վայ քու… կամ փարթամ կակտուսը». ֆիլմի պրեմիերան ու «կանաչ» գորգը (ֆոտո)18:31, 9 մայիսի
Տիհանա Vibes. Dasein-ը սիրո եւ տարբերվող մարդկանց մասին է17:38, 9 մայիսի
Հայտնի երաժիշտ եւ մշակութային քննադատ Միխայիլ Կազինիկն առաջին անգամ համերգներով հանդես է գալիս Երեւանում16:03, 9 մայիսի
Հայաստան կատարած ուղեւորությունից հետո Թամլին Քուրինիը ճանաչվել է «Խմիչքի թեմայով տարվա հեղինակ»