• Հայկական էպոսի հերոսը՝ էլ ավելի գունեղ ու ժամանակակից լուծումներով. կայացավ «Սասունցի Դավիթ» կոմիքսի շնորհանդեսը (ֆոտո)

  Սիրված հերոսը մանուկների համար դարձել է էլ ավելի պատկերվոր, գունազարդ, հետաքրքիր ու ժամանակակից լուծումներով․․․

• «Սիրահարվեցի Հայաստանին». անգլիացի բլոգերի արձագանքը՝ «Լադանիվա»-ի եվրատեսիլյան երգի տեսահոլովակին

  Եվրատեսիլյան շաբաթը երեկ մեկնարկել է, եւ մրցույթի երկրպագուները փորձում են կանխատեսումներ անել...

• Էվելինա Շահիրյանը սպասում է առաջնեկին (վիդեո)

  Հայաստանի վաստակավոր արտիստ Էվելինա Շահիրյանի թոռնուհին՝ սերիալներից հայտնի դերասանուհի Էվելինա Շահիրյանն ու ամուսինը՝ ռեժիսոր Հովհաննես Ղազարյանը, սպասում են իրենց առաջնեկին...

• Գուրգեն Դաբաղյանի 3-ամյա դուստրը եւս միացել է TikTok-ում ամենատարածված հնդկական թրենդին (VIDEO)

  Գուրգեն Դաբաղյանի դուստրը՝ 3-ամյա Շուշաննան, իր մոտեցումն է ցուցաբերել TikTok-ում ամենահայտնի թրենդներից մեկին...

• «Լադանիվա»-ից Ժակլինի եւ Հունաստանի ներկայացուցչի աշխույժ պարը՝ «Եվրատեսլ 2024»-ի ետնաբեմում (վիդեո)

  Ժակլին Բաղդասարյանը, որը «Լադանիվա» խմբի կազմում այս տարի ներկայացնում է Հայաստանը «Եվրատեսիլ»-ում, մրցույթի ամենաակտիվ մասնակիցներից է…

• Armflix ֆանտաստիկ որակի Էքսկլյուզիվ ֆիլմեր և սերիալներ՝ առանց սահմանափակումների և գովազդի

  Ուշագրավն այն է, որ Armflix մեդիապլատֆորմը հետաքրքրում է ոչ միայն երիտասարդներին, այլև միջին տարիքի մարդկանց, ովքեր գրանցվում են հարթակում...

• Կադրեր՝ «Լադանիվա»-ի եվրատեսիլյան երկրորդ փորձից (ֆոտո/վիդեո)

  Այսօր Մալմյոյում տեղի է ունեցել «Եվրատեսիլ 2024»-ում Հայաստանը ներկայացնող «Լադանիվա» խմբի երկրորդ փորձը...

• Dj Վակցինան կիսվել է ընտանեկան ժամանցով

  Dj Վակցինան Ինստագրամյան հտեւորդներին ցուցադրել է, թե ինչպես են ինքն ու ընտանիքի անդամներն անցկացրել իրենց երեկոն…

Նոյեմբերի 30-ից մեծ էկրաններ կբարձրանա «Օպերացիա Մեծապատիվ մուրացկաններ» ֆիլմը, որի փակ դիտումը կայացավ երեկ՝ նոյեմբերի 26-ին, «Մոսկվա» կինոթատրոնում:

«Օպերացիա Մեծապատիվ մուրացկաններ»-ն արկածային կինոնկար է, որի ռեժիսորն Արշալույս Հարությունյանն է, պրոդյուսերը՝ Արման Միտոյանը: Այստեղ հետաքրքիր ու վառ կերպարներով կտեսնեք Ռաֆայել Երանոսյանին, Քեն Դավիդյանին, Լուիզա Ներսիսյանին, Սոս Ջանիբեկյանին, Վիկտորիա Սահակյանին, Լեւոն Հախվերդյանին, Սամվել Գրիգորյանին, Արսեն Սաղաթելյանին, Իշխան Ղարիբյանին ու Գրիշա Աղախանյանին։

Ֆիլմի հերոսը «չկայացած ռեժիսոր է», որին թատերական ինստիտուտից հեռացրել են իր անհավանական ու համարձակ մտքերի համար։ Բայց դա չի խանգարում նրան իր խելահեղ մտքերն իրագործել կյանքում։ Նա իր շուրջն է հավաքում իր նման արկածախնդիրների՝ աճպարարի, հակերի, նախկին ոստիկանի, իր սիրելի աղջկան, ով մասնագիտությամբ լրագրող է, եւ այս մարդկանց հետ որոշում է իրականացնել «Մեծապատիվ մուրացկաններ» օպերացիան, որն էլ դառնում է իր կյանքի ամենաեկամտաբեր եւ ամենասպասված ստեղծագործությունը։

Посмотреть эту публикацию в Instagram

Публикация от NEWS.am STYLE (@style.news.am)

Ֆիլմի գաղափարն ի սկզբանե ծնվել է Արշալույս Հարությունյանի մոտ, իսկ սցենարը գրել է Նարեկ Ավագյանի հետ։

Ռեժիսորը նշում է՝ ֆիլմի շուրջ երկար է աշխաել, բայց չի դժգոհում. «Սա իմ կյանքի, երեւի, ամենաերկար, ձգված նախագիծն է եղել: Որքան պրոցեսը ձգվեց, այնքան երկար կարողացա վայելել այն մարդկանց, ովքեր աշխատել են այս նախագծի շուրջ»:

Յուրաքանչյուր նոր ֆիլմ նոր փորձություն է, այն ամրապնդում է ընկերությունն ու տալիս նոր ընկերներ, ասում է Արշալույս Հարությունյանը:

Պրոդյուսեր Արման Միտոյանի խոսքով՝ նախագիծը ստացված է, իսկ գլխավոր գործոնները ռեժիսորն ու դերասանական կազմն են. «Մեծ ու բազմաժանր դերասանների շնորհիվ հասկացանք, որ եթե այսպիսի մարդկանց ենք հավաքել մի տեղ, ուրեմն՝ կարելի է ստեղծել այսպիսի նախագիծ, որը, կարծում եմ՝ իր ժանրի մեջ նորություն է»:

Գլխավոր հերոսի դերում Ռաֆայել Երանոսյանն է, մարմնավորում է Մանուկին, որը ռեժիսոր է, «բայց թատրոնում ոչ մի գործ չգտնելով որոշում է ինքը բեմադրել իր կյանքը: Ֆիլմում կա ամեն ինչ՝ դրամա, կրքեր, վախ… Այս անգամ իմ եւ Արշոյի աշխատանք էլ էր այլ կերպ, թեեւ միասին այլ նախագծերի շուրջ էլի ենք աշխատել։ Ինձ համար շատ բարդություններ կային, որովհետեւ ամեն ինչ, ինչը, սովորաբար ֆիլմերում անում են դուբլյորները, ինքս եմ արել, ու դա արել եմ, քանի որ հավատացել եմ ռեժիսորին»,-ասում է դերասանը:

Գլխավոր հերոսի սիրելիի դերում Վիկտորիա Սահակյանն է: «Երբ Արշալույս Հարությունյանը պատմում է որեւէ նախագծի մասին, դու էլ չես սպասում առաջարկի, դու արդեն ցանկանում ես այնտեղ լինել, վարակվում ես այդ մտքով: Ես միշտ ցանկանում եմ պարոն Հարությունյանի հետ աշխատել»,-ասում է դերասանուհին,-«Ինչ վերաբերում է ֆիլմին՝ բացարձակ պատկերացում չեմ ունեցել, թե ինչպիսին կլինի, որովհետեւ, ինչպես գիտեք, այն առաջնահերթ նկարահանվել է որպես սերիալ, բայց ֆիլմի դեպքում ոչ մի կադր չեմ նայել, իսկ արդյունքն անակնկալ էր, իմ սպասելիքներն ավելի, քան արդարացված են»:

Առանցքային է նաեւ Լուիզա Ներսիսյանի դերը: «Շատ եմ սիրել այս կերպարը, որովհետեւ միշտ էլ հետաքրքիր է ճակատագրական կերպարի մարմնավորելը: Մեծ մասամբ հերոսները լինում են զոհեր, այս դեպքում ուրախ եմ, որ մարմնավորում եմ կերպարի, ով իր գործողություններով ազդում է հերոսների վրա»,-նշում է նա:

Ֆիլմի փակ դիտումն անցավ կարմիր գորգի արարողությամբ ու հայտնի հյուրերով: Թե ինչպես էին դերասանական կազմն ու հյուրերը ներկայացել պրեմիերային՝ տեսանյութում:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում