Նկարիչ Վլադիմիր Սահակյանի առաջին հետմահու ցուցահանդեսը, որը բացվել է ապրիլի 1-ին` Հայաստանի նկարիչների միությունում, կշարունակվի մինչև ապրիլի 8-ը, որպեսզի նկարչի երկրպագուներն ու արվեստասեր հասարակությունը կարողանան ծանոթանալ նրա բազմաթիվ կտավների հետ նաև հանգստյան օրերին:
Գեղանկարիչ, Գեղարվեստի ակադեմիայի պրոֆեսոր Վլադիմիր Սահակյանը ծնվել է Երևանում` 1932թ-ին: Կոնդ թաղամասը, որտեղ ծնվել ու մեծացել է ապագա նկարիչը, ասես մի մեծ ընտանիք լիներ, որը աղետների ժամանակ անգամ չէր կորցնում աշխատասեր ոգին ու լավ օրերի երազանքը՝ որակներ, որոնք այնքան ներդաշնակորեն զարդարում են Վ. Սահակյանի ներաշխարհը:
Վլադիմիր Սահակյանը, ինչպես ցանկացած տաղանդավոր նկարիչ, գնահատում էր անձնական ստեղծագործական ազատությունը։ Նա ազատ էր թեմաների, կերպարների, մտահաղացումների ընտրության հարցում։ Յուրաքանչյուր ստեղծագործության մեջ պարզ երևում են արվեստագետի զգացմունքն ու մտքերը:
Գեղանկարչական պլաստիկ քնարականությունը, նրբագեղ արտիստիզմը փոխանցվում են կտավից կտավ: Նրանց կապող թելը հանգեցնում է ինչպես բարձր կարգի գաղափարներ արտահայտող աշխատանքների, այնպես էլ անձնական բնույթի ստեղծագործությունները՝ մեկ ընդհանուր իմաստի՝ այն իմաստին, որտեղ հավատի խորհրդանիշը միշտ եղել է հայրենի Հայաստանը: Քնարերգու և փիլիսոփա Վլադիմիր Սահակյանն իր ստեղծագործությամբ ապացուցել է, որ նկարչի վերջնական գոյությունը հերքվում է նրա ստեղծագործություններում պարունակվող զգացմունքների և պատկերացումների անսահմանությամբ:
Գրիգոր Խանջյանն ասել է. «Սահակյանի ստեղծագործությունները սահմանափակումներ չունեն: Նա հավասարապես և հաջողությամբ է զբաղվում կոմպոզիցիայով, նատյուրմորտներով, որոնք ունեն խորը հոգեբանական հենք և օժտված են տարբեր հուզական երանգներով` լինի դրամատիկ կամ լիրիկ, բանաստեղծական թե հեքիաթային, նրանք բոլորն էլ նվիրված են մարդկային հոգու և նրա կյանքի տարբեր իրավիճակներում արտահայտող էությունը: Վ․ Սահակյանը քաղաքացի-արվեստագետ է և միշտ արձագանքել է հասարակական երևույթներին իր ստեղծագործություններով, ուղղակի կամ այլաբանորեն, իսկ գնահատականների մեջ կտրուկ է, դիրքորոշումը՝ հստակ»։
Զարմանալի է, կյանքի դժվար ճանապարհ անցած նկարիչը, որ պատանի հասակից թաթախված է եղել կեցության քաոսի մեջ, մարմնավորել է միայն լուսավորն ու երազայինը: Նա երկար տարիներ գծանկարի վարպետության դասեր է տվել Գեղարվեստի ակադեմիայում։ Նկարիչը իսկական ուսուցիչ է ոչ միայն խոսքով, այլև իր ողջ ստեղծագործությամբ: Եվ պատահական չէ, որ նրա բազմաթիվ ուսանողներ և գործընկերներ ակնածանքով են խոսում ոսկեձեռք ուսուցչի մասին:
Վ․ Սահակյանը 1970 թվականից Հայաստանի նկարիչների միության անդամ էր։ Մասնակցել է բազմաթիվ հանրապետական, համամիութենական և արտասահմանյան ցուցահանդեսներին։ 1983թ-ին բացել է իր առաջին անհատական ցուցահանդեսը Հայաստանի նկարիչների միությունում։ Ունեցել է թվով 7 անհատական ցուցահանդեսներ, ինչպես Հայաստանում այնպես էլ արտասահմանում (Ուկրաինա, Նեպալ)։ Դասավանդել է Հայաստանի Գեղարվեստի պետական ակադեմիայում շուրջ 50 տարի։ Վ․ Սահակյանը մահացել է 2013թ-ի հունվարի 9-ին՝ Երևանում։
Վլադիմիր Սահակյանի ստեղծագործությունների մի մասը գտնվում է Հայաստանի, Ուկրաինայի, Ռուսաստանի տարբեր թանգարաններում (այդ թվում Հայաստանի Ազգային պատկերասրահում, Մոսկվայի Տրետյակովյան պատկերասրահում), նաև ԱՄՆ-ի, Ճապոնիայի, Անգլիայի, Իտալիայի, Ֆրանսիայի, Գերմանիայի մասնավոր հավաքածուներում։
Հետևեք NEWS.am STYLE-ին Facebook-ում, Twitter-ում և Instagram-ում
23:23, 29 ապրիլի
Lamborghini-ն ներկայացրել է առաջին հիբրիդային սուպեր SUV Urus SE-ն22:48, 29 ապրիլի
Հանուն սեքսի ճանապարհորդությունը 2024 թվականի թրենդն է21:24, 29 ապրիլի
Ջոան Աղաջանյան-Քուինը՝ Լոս Անջելեսի արտ-բեմի մուսա եւ հովանավոր20:35, 29 ապրիլի
Նիկոլ Քիդմանը Balenciaga-ի շքեղ ոսկեփայլ զգեստով19:31, 29 ապրիլի
«Եվրատեսիլ 2024»-ում Հայաստանը ներկայացնող «Լադանիվա»-ի առաջին փորձի առաջին կադրերը (ֆոտո)19:21, 29 ապրիլի
Ով կղեկավարի LVMH շքեղ կայսրությունը. Բեռնար Առնոն գնահատում է իր ժառանգներին16:34, 29 ապրիլի
Six Senses առողջարանային ցանցը Դուբայում կառուցում է աշխարհի ամենաբարձր բնակելի աշտարակը16:17, 29 ապրիլի
Հարգանքի տուրք Ազնավուրին․ բացվեց քանդակագործ Մկրտիչ Մազմանյանի ցուցահանդեսը15:16, 29 ապրիլի
Ժերար Դեպարդյեն կալանքի տակ է հայտնվել սեռական ոտնձգությունների մեղադրանքով14:26, 29 ապրիլի
Անգլիացու անպարկեշտ դաջվածքը զայրացրել է իսպանացի ոստիկաններին13:28, 29 ապրիլի
Լեգենդար դերասանուհի Շիրլի Մաքլեյնն իր 90-ամյակի առթիվ կիսվել է իր երկարակեցության գաղտնիքով12:34, 29 ապրիլի
Հարուստներն իրենց քմահաճույքներն ունեն. նյույորքցի միլիարդատիրոջ արտառոց հարսանիքը՝ Եգիպտոսի Մեծ բուրգերի մոտ