• Մերիլ Սթրիփը հիշել է, թե ինչպես է նկարահանել վտանգավոր սեքսուալ տեսարանում

  Հոլիվուդյան դերասանուհի Մերիլ Սթրիփը հիշել է, որ «Աֆրիկայից դուրս» ֆիլմի վրա աշխատելիս սեքսուալ բնույթի վտանգավոր տեսարանում է նկարահանել…

• InTouch. Աֆլեքն ու Լոպեսը երկու տարվա ամուսնությունից հետո պատրաստվում են ամուսնալուծվել

  Հայտնի է դարձել հոլիվուդյան դերասան Բեն Աֆլեքի եւ ամերիկացի երգչուհի Ջենիֆեր Լոպեսի մոտալուտ ամուսնալուծության մասին…

• Ալեքսանդր Դուլին. «Ես անսահման ուրախ եմ Հայաստան վերադառնալու համար»

  Երեւանում Imperial Orchestra-ի համաշխարհային սաունդթրեքերի շոուի նախօրեին (մայիսի 18-19 Կարեն Դեմիրճյանի անվան մարզահամերգային համալիրում) նվագախմբի գեղարվեստական ​​ղեկավար, միջազգային մրցույթների դափնեկիր, դաշնակահար, պրոդյուսեր Ալեքսանդր Դուլինը NEWS.am STYLE-ի հետ զրույցում ոչ միայն խոսել է շոուի ստեղծագործական պրոցեսի մասին, այլեւ սեր է խոստովանել Հայաստանին…

• Բրիթնի Սփիրսի հուզիչ խոստովանությունն իր ընտանիքի մասին՝ տարիներ շարունակվող թշնամանքի ֆոնին

  Բրիթնի Սփիրսն ասում է, որ «կարոտում է» իրենից «հեռվացած» ընտանիքին…

• Մայրանալ պատրաստվող Հեյլի Բիբերը ցուցադրել է իր կլորիկ փորիկը

  Օրեր առաջ Ջասթին Բիբերն իր միլիոնավոր հետեւորդներին հայտնեց, որ ինքն ու կինը՝ Հեյլին, սպասում են իրենց առաջնեկին….

• Բիանկա Սենսորին զայրացած է Քանյե Ուեսթի՝ պոռնո հարթակ բացելու ծրագրերի պատճառով

  Քանյե Ուեսթի կինը՝ Բիանկա Սենսորին, «կատաղած» է պոռնոպլատֆորմ բացելու նրա ծրագրերի պատճառով, քանի որ համոզված է, որ նա ցանկանում է, որ ինքը նկարահանվի ֆիլմերում, հայտնում է In Touch-ը՝ հղում անելով աղբյուրներին․․․

• Հրեաներն ու հայերը պատմականորեն զուգահեռ են շարժվում. Երբ սկսվում է մեր կործանումը, սկսվում է ձեր կործանումը. Միխայիլ Կազինիկ

  Արվեստաբան Միխայիլ Կազինիկը համաշխարհային հռչակ է ձեռք բերել շնորհիվ հանճարների ստեղծագործության …

• Մարկ Ցուկերբերգը որոշել է իր 40-ամյակը նշել 300 միլիոն դոլար արժողությամբ զբոսանավում

  Մարկ Ցուկերբերգը մեկնել է Պանամա՝ նշելու իր 40-ամյակը, որտեղ, ենթադրաբար, գտնվում է միլիարդատիրոջ նոր՝ 300 միլիոն դոլար արժողությամբ սուպերզբոսանավը…

Լոս Անջելեսի Լագունայի թանգարանում բացվել է Ջոան Աղաջանյան-Քուինի հավաքածուի ցուցահանդեսը «Եզրագծին» անվանմամբ։

View this post on Instagram

A post shared by Laguna Art Museum (@lagunaartmuseum)

Հոդվածում, որը հրապարակվել է 1984թ. ապրիլին,  Los Angeles Times թերթի մեկնաբան Բանի Մարսը նշել է, որ հիանում է ամենուր լինելու Ջոան Աղաջանյան-Քուինի ունակությամբ։ Մարսը հետեւել է նրան Ֆրենկ Գերիի ցուցահանդեսի բացմանը Լարի Գագոսյանի պատկերասրահում, որտեղ նա շփվել է ընկերների հետ, ներառյալ Գերին, Գայ Դիլը եւ Էդ Ռուշան։ Ավելի ուշ նույն երեկոյան Թրամփի ռեստորանում նա ընթրել է նկարիչներ Բիլի Էլ Բենգստոնի եւ Փիտեր Ալեքսանդրի հետ։ «Շատ կուզենայինք իմանալ, թե իսկապես միս Քուինի բարձրակրունկները ռեակտիվ շարժիչ ունեն, ինչպես վկայում են լուրերը»,- գրել է Մարսը։ «Դա կբացատրեր նրա ծածանվող տաբատը»,- գրել է Air Mail-ը։

Քուինը, որն օրերս տոնել է իր 88-ամյակը, նախկինի պես ամենուրեք ներկա է Լոս Անջելեսի արտ-բեմում, չնայած հրաժարվել է բարձրակրունկներից եւ նախընտրել Մերի Ջեյնի թավշյա կոշիկները։ «Ես կարծում եմ, որ դա պարզապես իմ ԴՆԹ-ի մի մասն է։ Ինձ դուր է գալիս մարդկանց մեջ գտնվել»,- ասում է Քուինը։ «Ես միշտ ցանկանում եմ իմանալ, թե ինչ նոր բան է տեղի ունենում»։

Վերջերս նա այցելել է Լոս Անջելեսի Frieze, իսկ մի քանի օր անց ընթրել է Բեւեռլի Հիլզում, Mr. Chow ռեստորանում, նկարիչ Չեզ Գեստի եւ գալերիստ Ջեֆրի Դեյչի հետ։

Նա ուշադիր եւ բնածին դիտորդ է եւ այդ հմտությունը հղկել է Էնդի Ուորհոլի «Ինտերվյու» ամսագրի խմբագիր աշխատած ժամանակ։

View this post on Instagram

A post shared by Laguna Art Museum (@lagunaartmuseum)

Ուորհոլի մահվանից հետո 1987թ. նա դարձել է Los Angeles Herald Examiner ամսագրի խմբագիրը։

Քուինը առավել հայտնի է արվեստի գործերի հավաքածուով, որը կուտակել է 1960-ականներին հանգուցյալ ամուսնու՝ Ջոն Քուինի հետ, որը հայտնի փաստաբան էր Լոս Անջելեսից։ Արվեստի աշխարհից շատերը կարծում են, որ իրենք օգնել են Լոս Անջելեսը հետպատերազմյան արվեստի կենսականորեն կարեւոր կենտրոնի վերածելուն։

«Եզրագծին»-ը Լագունայի Գեղարվեստի թանգարանի նոր ցուցահանդեսն է, այն հնարավորություն է տալիս դիտել Քուինի անձնական հավաքածուն, որի մեծ մասը ձեռք է բերվել  այնպիսի նկարիչների հետ նրա բարեկամության շնորհիվ, ինչպիսին են Ռուշան, Լինդա Բենգլիսը, Էդ Մոզեսը եւ Ռոբերտ Գրեմը։

Ցուցահանդեսը ներառում է նաեւ Քուինի մոտ 300 դիմանկարների մի մասը, որոնք ստեղծվել են վերջին 50 տարիներին այնպիսի նկարիչների կողմից, ինչպիսին են Դեւիդ Հոնկին, Ժան-Միշել Բասկիան եւ Ջորջ Հարելը, ինչպես նաեւ Լոս Անջելեսի ժամանակակից նկարիչների կողմից, ներառյալ Ջոի Տերիլը եւ Իոլանդա Գոնսալեսը։

View this post on Instagram

A post shared by Laguna Art Museum (@lagunaartmuseum)

«Սա ոչ տիպիկ հավաքածու է»,- ասում է գալերիստ Ռեյչել Մակքալա Ուեյնռայթը։ «Ջոանը պարզապես մուսա չէ նկարիչների համար, այլեւ գիտակ, որը շատ հմուտ խոսում է արվեստի մասին։ Հավաքածուն կարճ պատում է Լոս Անջելեսի ստեղծագործության  մասին, որի կենտրոնում են գտնվել Ջոանը եւ Ջեկը»։

Քուինը հայ ներգաղթյալների թոռնուհին է, որոնք սկսել են աղբահանման եւ խոզապահության բիզնեսով, իսկ հետո զբաղվել են բանկային գործով։ Նրա հայրը՝ Ջեյ Սի Աղաջանյանը, ավտոսպորտի փրոմոութեր էր, որի թիմը հաղթել է Ինդիանապոլիս 500-ի երկու մրցավազքերում։

Նա առաջին անգամ Ջեկին հանդիպել է 1950-ականներին, Հարավային Կալիֆոռնիայի համալսարանի եղբայրության երեկույթից հետո։ Նրանք սկսել են հանդիպել Ջոանի՝ բակալավրիատն ավարտելուց հետո, երբ նա աշխատում էր որպես գրանցողի օգնական Հարավային Կալիֆոռնիայի համալսարանի իրավաբանական դպրոցում, որտեղ սովորում էր Ջեկը։ Ամուսնացել են 10961թ., եւ Քուինը, որն արդեն խորասուզվել էր տեղի արտ-բեմում, ասպարեզ մտցրեց նաեւ ամուսնուն։

Լոս Անջելեսի արվեստի աշխարհը փոքր էր եւ միահամուռ։ Պատկերասրահները եւ հավաքորդները քիչ էին, եւ բոլորը միմյանց ճանաչում էին։ «Նյու Յորքը միշտ ցուցադրել է իրեն»,- ասում է Քուինը։ «Մենք ասես երկրորդ տեսակի մարդիկ էինք, բայց մենք բոլորս շատ մտերիմ էինք, եւ արտիստները մրցունակ չէին»։

Նրանց տունը Բեւեռլի Հիլզում, որտեղ Քուինն ապրում է մինչ օրս, որտեղ բախվել են սոցիալական աշխարհները, Ջեկի գործընկերներն իրավամբ ստեղծագործական անհատներ են, նկարիչներին հնարավորություն է տվել գտնել նոր հավաքորդների։ Նրանց թատերական ճաշկերույթներում Ջոանը կարող էր հայտնվել մանուշակագույն շիֆոնե զգեստով, չորս վինտաժային Cartier ժամացույցներով մեկ ձեռքի վրա։

Ջեկը դարձավ նկարիչների փաստացի փաստաբանը։

«Դա արկածախնդիր զույգ էր, սրտալից մարդիկ, որոնք պատրաստ էին իրերին այնպես նայել, ինչպես ոչ ոք»,- ասում է «Լույս եւ տարածություն» շարժման նախագնաց Լեդի Ջոն Դիլը, որը Քուինների հետ հանդիպել է 1960-ակաների վերջին գեղարվեստական դպրոցն ավարտելուց հետո։

View this post on Instagram

A post shared by Joan Agajanian Quinn (@joanagajanianquinn)

Ջոանը երբեք արվեստի գործերը չի գնել որպես ներդրումներ. նա ձեռք է բերել այն, ինչն իրեն դուր է եկել, իր ընկերներից։ Ջեկի մահվանից մի քանի տարի հետո, 2019թ., Քուինն առաջին անգամ վաճառեց կտավ։ Christie's-ը աճուրդի հանեց Ռուշայի 1964թ. «Վնասելով «Ռադիո № 2» բառին» կտավը, որը «խփեց» Ռուշայի նախորդ վաճառքների ռեկորդը՝ վաճառվելով 52,4 մլն դոլարով։

Նկարիչներից մեկը, որը տեղ չի գտել Քուինի հավաքածուներում, Ուորհոլն էր։ «Մենք Ջեկի հետ միասին երբեք Ուորհոլին մեծ նկարիչ չենք համարել»,- ասում է նա՝ նշելով, որ նա ավելի շուտ վիզուալ ագրեգատոր էր։ «Ջեկն ասում էր, որ նա սպունգի նման է։ Նա նստում էր այնտեղ ու կլանում շուրջը գտնվող ամեն բան»։ Չնայած այսօր Ուորհոլի կտավը կարելի է վաճառել շատ ավելի թանկ, քան Պիկասոյինը, Քուինն ասում է, որ իր միակ ափսոսանքը ֆինանսական չէ։ Եթե նա գներ Ուորհոլի աշխատանքները, «նա իմ պատերին կլիներ որպես բարեկամ-նկարիչ»։

Հետևեք NEWS.am STYLE-ին Facebook-ում, Twitter-ում և Instagram-ում