• Սոսո Պավլիաշվիլի. Հայաստանը եղբայր է, հուսալի, սիրելի եղբայր

  Հայաստանը եղբայր է, հուսալի, սիրելի եղբայր, հայտնել է Սոսո Պավլիաշվիլին Երեւանի «Զվարթնոց» միջազգային օդանավակայան ժամանելուն պես...

• Սոսո Պավլիաշվիլին իր 60-ամյակը նշելու առթիվ ժամանել է Երեւան (ՈւՂԻՂ)

  NEWS.am STYLE-ն արտիստին դիմավորել է օդանավակայանում…

• 5 փաստ ռեփեր Tyga-ի մասին, որը հուլիսի 28-ին ելույթ է ունենալու Երեւանում

  Ամերիկացի ռեփեր Tyga-ին հայ երկրպագուները շուտով հնարավորություն կունենան տեսնել Երեւանում։ Արտիստը հուլիսի 28-ին ելույթ կունենա Seven Visions, The Dvin's Music Hall-ում․․․

• Այս տարի «Ոսկե ծիրան» կինոփառատոնը յուրահատուկ կարմիր գորգ կունենա

  ARARAT թանգարանում բացվել է «Համարձակ Խնձորեսկ» գորգերի ժամանակավոր ցուցադրությունը՝ դառնալով «Ոսկե ծիրան» 21-րդ երեւանյան միջազգային կինոփառատոնի կարմիր գորգի արարողության նուրբ նախաբանը․․․

• «Ոսկե ծիրան» կինոփառատոնի պատվավոր հյուրը թատրոնի եւ կինոյի աստղ Քեւին Սփեյսին է

  «Ոսկե ծիրան» Երեւանի 21-րդ միջազգային կինոփառատոնի պատվավոր հյուրն է թատրոնի և կինոյի մեծագույն դերասան Քեւին Սփեյսին՝ ոչ միայն իր սերնդի, այլեւ շատերի համոզմամբ՝ բոլորի ժամանակների լավագույն արտիստներից մեկը…

• «Կապ» մշակույթի և մարդկանց միջև

  «Կապ»-ը գրեթե մեկ տարի է, ինչ միավորում է մշակույթը և մարդկանց։ Մի շարք բրենդներ հնարավորություն ունեն քաղաքի ամենագեղեցիկ վայրերից մեկում՝ այս անգամ «Արտկվարտալում» գտնվելու, ներկայացվելու և անմոռանալի...

• Ատոմ Էգոյանը վերադառնում է «Ոսկե ծիրան»․փառատոնը կբացվի նրա նոր ֆիլմով

  Կանադահայ ռեժիսոր Ատոմ Էգոյանը վերադառնում է Երեւանի «Ոսկե ծիրան» միջազգային կինոփառատոն…

• Առողջ միտք, առողջ հոգի, առողջ մարմին. Հայաստանում նշվեց Յոգայի 10-րդ միջազգային օրը

  Առողջ միտք, առողջ հոգի, առողջ մարմին. հենց այս կարգախոսի ներքո Հայաստանում երեկ՝ հունիսի 21-ին, նշվեց Յոգայի միջազգային օրը…

Չիզքեյքն աշխարհի ամենահայտնի եւ սիրված աղանդերից է։ Դրա պատմությունը գնում է դեպի Հին Հունաստան, որտեղ առաջին անգամ սկսեցին նման բան պատրաստել թարմ պանրից, մեղրից եւ ցորենի ալյուրից: Ժամանակի ընթացքում այս համեղ աղանդերի բաղադրատոմսը զարգացել է, տարածվել աշխարհով մեկ եւ ձեռք բերել բազմաթիվ տարբերակներ: Այն շատերի կողմից սիրված է բաղադրիչների ու համերի յուրահատուկ համադրության շնորհիվ. փափուկ եւ յուղալի պանրի շերտը հակադրվում է խիտ եւ խրթխրթան հիմքի հետ, որը սովորաբար պատրաստվում է թխվածքաբլիթներից կամ կրեկերներից:

Երեւանի գրեթե բոլոր սրճարանները մատուցում են չիզքեյքեր, սակայն, չնայած նման լայն ընտրանուն, այնքան էլ հեշտ չէ գտնել իսկապես լավ բաղադրատոմս, որը կբավարարի բոլոր կետերով՝ համով, որակով եւ գնով:

NEWS.am STYLE-ն այցելել է մի քանի ամենահայտնի հաստատություններ՝ պարզելու, թե ինչ կարող են գտնել գուրմաններն ու քաղցրակերները մայրաքաղաքում։

Louis Charden

Գտնվում է քաղաքի կենտրոնում եւ հայտնի է իր աղանդերով: Այստեղ հայտնի ապրանքներից է կարամելային չիզքեյքը նուշով։ Այս փարթամ չիզքեյքը պատված է հարուստ կարամելով եւ նուշով: Դեսերտի համը համատեղում է կաթնաշոռի հիմքը կարամելի քաղցրության հետ՝ ստեղծելով հետաքրքիր հակադրություն, իսկ նուշի կտորները ավելացնում են խրթխրթան հյուսվածք. սա լավ եւ հետաքրքիր տարբերակ է դասական չիզքեյքի համար: Աղանդերի գները տատանվում են 1900 դրամից, ինչը միանգամայն ընդունելի է նման որակի համար։

Moscafe

Այս հաստատությունում մենք ընտրեցինք պիստակի սոուսով չիզքեյք: Այն ունի հարուստ համ. սերուցքային պանիրը՝ համակցված պիստակի սոուսի հետ, ստեղծում է ներդաշնակ համադրություն՝ տալով դեսերտին ընկուզային նոտաներ։ Չիզքեյքի հյուսվածքը օդային է եւ նուրբ, թխվածքաբլիթը՝ խիտ եւ աղի։ Չիզքեյքի գինն այստեղ միջինից մի փոքր բարձր է, ինչն այն ավելի քիչ մատչելի է դարձնում: Այնուամենայնիվ, նրանց համար, ովքեր պատրաստ են վճարել ոչ միայն աղանդերի, այլեւ տեսարանի եւ մթնոլորտի համար, Moscafe-ն կարող է հարմար ընտրություն լինել: Պիկ ժամերին սպասարկումը կարող է որոշակիորեն դանդաղ լինել հաճախորդների մեծ քանակի պատճառով, ինչը ազդում է ընդհանուր տպավորությունների վրա:

Dulcet

Այստեղ մատուցում են դասական չիզքեյք՝ շոկոլադե գլազուրով եւ մատուցում հալեցրած շոկոլադով, որը հավելյալ քաղցրություն է հաղորդում աղանդերին։ Գլազուրն ինքնին մի փոքր դառն է, բայց ընդհանուր առմամբ հաճելի համադրություն է նուրբ սերուցքային պանրի հետ: Հիմքը խիտ է, մի փոքր չոր, ինչը լավ լրացնում է աղանդերի հյուսվածքը։ Չիզքեյքի արժեքը 2500 դրամ է՝ մի փոքր ուռճացված գին, բայց եթե իսկապես սիրում եք չիզքեյք եւ ցանկանում եք ամեն ինչ փորձել մայրաքաղաքում, ապա կարող եք դիտարկել այս տարբերակը։

August Cafeteria

Կասկադի տարածքում գտնվող այս սրճարանն առաջարկում է դասական չիզքեյք՝ թեթեւ վանիլային քաղցրությամբ եւ ներդաշնակ թթվայնությամբ, որը ստեղծում է հաճելի համային համադրություն, բայց դրանում ավելի շատ կաթնաշոռն է զգացվում, քան սերուցքը եւ պանիրը: Բլիթը փխրուն է, բավականին խիտ եւ քաղցր։ Այստեղ չիզքեյքի արժեքը մոտ 1800 դրամ է, ինչը միանգամայն ընդունելի է այս պարզ, «օդային» աղանդերի համար։

Հետևեք NEWS.am STYLE-ին Facebook-ում, Twitter-ում և Instagram-ում