• «Հակաքրիստոսը գալիս է Երևան». Հայերը պահանջում են չեղարկել Մորգենշտեռնի համերգը

  Մորգենշտեռնը դեկտեմբերի 19-ին նախատեսում է ելույթ ունենալ Երևանում․․․

• «Կինեմատոգրաֆիկ, կոսմոպոլիտ, հիասքանչ». Vogue France-ը պատմում է Հայաստանում տեղի ունեցած հարսանիքի մասին

  Ի՞նչ է պատահում, երբ հայկական հարսանեկան ավանդույթները հանդիպում են Վիետնամի, Կամբոջայի և Չինաստանի մշակույթներին․․․․

• Ինչպես բացվեցին Ռուսական հոգևոր մշակույթի օրերը Երևանում

  Սեպտեմբերի 30-ին, Երևանի Ստանիսլավսկու անվան ռուսական դրամատիկական թատրոնում բացվեցին Ռուսական հոգևոր մշակույթի օրերը Հայաստանում…

• Ինչպես պահպանել տան համը աշխարհի մյուս կողմում. Ֆրանսիայում կհրատարակվի Զարզավաջյան եղբայրների գիրքը՝ հայկական սփյուռքի խոհանոցի մասին

  Արգենտինայից և Լիբանանից մինչև Ավստրալիա և Ճապոնիա. հայկական խոհանոցը երկար ժամանակ ապրել է Հայաստանի սահմաններից շատ հեռու՝ փոխվելով նոր երկրների, ապրանքների և ընտանեկան պատմությունների ազդեցության տակ․․․

• Պանիրը թույլատրելի է, կարագը՝ զգուշությամբ. գիտնականները պարզել են, թե որ ճարպոտ սննդամթերքներն են իսկապես առողջարար

  Տարիներ շարունակ մեզ ասել են, որ ճարպոտ սնունդը վնասակար է մեզ համար․․․

• «Մանկական Եվրատեսիլ 2026» երգի միջազգային մրցույթում Հայաստանը կներկայացնի 13-ամյա Naré-ն

  Այս տարի «Մանկական Եվրատեսիլ» երգի միջազգային մրցույթում Հայաստանը կներկայացնի 13-ամյա Naré-ն…

• Անկախության 35-ամյակին նվիրված համերգը՝ Հանրապետության հրապարակում (ֆոտոռեպորտաժ)

  Տատա Սիմոնյանի երգերի տակ՝ պար ու տժոց Հանրապետության հրապարակում...

• Coco Jambo-ի, It's My Life-ի, What is Love-ի լեգենդար կատարողներն ու Boney M-ը 90-ականներին հայտնի հայ աստղերի հետ՝ նույն բեմում․ Հայաստանում կայացավ առաջին Retro Stars Fest-ը (ֆոտո/վիդեո)

  90-ականների ամենահայտնի հիթերը՝ Հայաստանում...

Ամերիկյան Vogue-ը հոդված է նվիրել հայ շեֆ-խոհարարուհիներին, որոնք վերաիմաստավորում են ազգային խոհանոցը՝ դրա մեջ ժամանակակից շեշտադրումներ մտցնելով։

«Հայաստանը հայտնի է իր հոյակապ հյուրընկալությամբ»,- գրում է Vogue-ը։ «Մտեք ցանկացած հացի փուռ, և նրանք հաճույքով ձեր պայուսակի մեջ երեք լրացուցիչ հաց կդնեն որպես նվեր: Եվ եթե արշավի եք գնացել, մի զարմացեք, եթե ձեզ հրավիրեն խորովածի, ընդամենը մի ժեստը բավական է այդպիսի հրավերի համար, երբ անցնում եք պիկնիկի բազմաթիվ վայրերից մեկի մոտով: Սպասեք, որ ձեզ կհյուրասիրեն մի քանի բաժակ տնական օղի՝ ընտանիքի, բարեկամության և երջանիկ ապագայի կենացների համար: Լեզվի իմացություն չի պահանջվում, չէ՞ որ կերակուրը ունիվերսալ լեզու է»։

«Հայկական խոհանոցն արտացոլում է երկրի հարուստ մշակույթն ու բնական գեղեցկությունը։ Նշանային ուտեստներից են փոքրիկ սփռոցի չափի թարմ թխած լավաշը, հյութեղ ժինգյալով հացը (մինչև 40 տեսակի խոտաբույսերով լցոնված լոշիկները) և նուրբ գաթան: Գարնանը բնությունը կենդանանում է, մարդիկ ձգտում են դեպի սարերը, որտեղ հավաքում են վայրի խոտաբույսեր։ Տարեկան ավելի քան 300 արևային օրերով և Սևանա լճով ծածկված հսկայական տարածքներով Հայաստանը հայտնի է աշխարհի ամենահամեղ մրգերով և բանջարեղենով:

Չնայած նրան, որ հայ մշակույթում ավանդաբար կանայք են կերակուր պատրաստել, այսօր հենց այնպիսի շեֆ-խոհարարուհիները, ինչպիսին  «Ծաղկունք» ռեստորան և «Գլխատուն»-ի   Արևիկ Մարտիրոսյանն է, միջազգային ճանաչում են ձեռք բերում իրենց հմտության և նորարարական մոտեցման համար: Մարտիրոսյանը կենտրոնանում է տեղական մթերքների և հնագույն բաղադրատոմսերի վրա, սակայն դրանք մատուցում է ժամանակակից ձևերով՝ ընդգծելով մշակույթի, բնության և համի կապը։

Մեկ այլ կարևոր նորարար է «Կճուճ և Թավա» ռեստորանների շեֆ-խոհարարուհի և սեփականատեր Վարդա Ավետիսյանը, որը հայտնի է սեզոնային և տեղական բաղադրիչների նկատմամբ իր ուշադրությամբ։ Վարդան իր ռեստորաններում վերակենդանացնում է մոռացված բաղադրատոմսերն ու ավանդույթները՝ կենտրոնանալով հայկական յուրահատուկ ուտեստների վրա, ինչպիսիք են կճուճներում պատրաստված խաշլաման և ապուրները, այստեղից էլ նրա հաստատություններից մեկի անվանումը։

Ժամանակակից հայկական գաստրոնոմիայի զարգացման գործում կարևոր դեր ունի նաև Arm Food Lab-ի հիմնադիր, Ootelie Bakery-ի համասեփականատեր Անի Հարությունյանը։ Նրա նախագծերն ուղղված են հայկական ավանդական տեխնիկայի և բաղադրիչների ուսումնասիրությանը և դրանք նոր ստեղծագործական ձևաչափերին հարմարեցնելուն։ Arm Food Lab-ը դարձել է փորձերի և խոհարարական հետազոտությունների հարթակ՝ համախմբելով ինչպես տեղացի խոհարարներին, այնպես էլ օտարերկրյա հյուրերին: «Ուզում եմ հասկանալ, թե հայերն ինչ են կերել, ինչպես են կերել, ինչ բաղադրատոմսեր և ինչ բաղադրիչներ են օգտագործել»,- ասում է նա։

Հայաստանը համարվում է նաև գինեգործության բնօրրան՝ երկրի հարավում գտնվող Արենի-1 քարանձավում հայտնաբերվել է աշխարհում առաջին գինեգործարանը։ Հայկական գինիների նկատմամբ հետաքրքրության աճի համատեքստում In Vino գինու բարի համասեփականատեր Մարիամ Սաղաթելյանն ակտիվորեն գովազդում է տեղական լավագույն գինիները, այդ թվում՝ բնականները՝ ընդգծելով հայկական գինեգործության յուրահատուկ համն ու ներուժը։ «Երբ բացվեցինք, ունեինք խմելու պիտանի ընդամենը մոտ 10 տեսակի հայկական գինի: Հիմա դրանք 600-ից ավելի են,- ասում է Մարիամը։- Ոչ ոք գինի չէր խմում, միայն օղի»։

 Բացի ռեստորաններից և գինեգործարաններից, ժամանակակից հայկական գաստրոնոմիական լանդշաֆտի կարևոր տարր է դառնում պանրագործությունը: «Միքայելյան ընտանեկան ֆերմայի» գլխավոր պանրագործ Մարինա Շաքարյան-Միքայելյանը նոր հեռանկար է բացում այս ոլորտում: Չնայած այն հանգամանքին, որ Հայաստանն ավանդաբար հայտնի է միայն երկու տեսակի պանրով՝ Լոռիով և Չանախով, Մարինան որոշեց գնալ այլ ճանապարհով։ Նախկինում աշխատելով որպես կենսաքիմիկոս՝ նա այժմ գիտության հանդեպ իր կիրքը ներդնում է պանրի արտադրության մեջ: Գրքերից գիտելիքներ ձեռք բերելուց և բազմաթիվ փորձեր կատարելուց հետո նա ստեղծել է պանրի 10 տարբեր տեսակների հավաքածու։ Բայց, ինչպես ինքն է խոստովանում, ճանապարհը հեշտ չէր. «Սխալ անցած փորձերի թիվը գերազանցում է 50-ը», - ասում է Մարինան: Սակայն նա չի վախենում սխալներից. «Ձախողումներն ավելի հաճախ են լինում, քան լավ արդյունքը, բայց մենք գիտենք, որ երբեք չպետք է կանգ առնենք»:

Հետևեք NEWS.am STYLE-ին Facebook-ում, Twitter-ում և Instagram-ում