«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Ինչպե՞ս եք վերաբերվում լողազգեստով լուսանկարներին

Վերջին զանգ․ արցունք, ծիծաղ ու հրաժեշտ մանկությանը

Ժամանակից շուտ մի՛ մեծացեք․ խորհուրդներ երիտասարդներին

Արժի, արդյոք, որ Հայաստանը շարունակի մասնակցել «Եվրատեսիլին»

Պրոդյուսեր Սոֆիա Ղուլյանը՝ հայկական շոու-բիզնեսի դժվարությունների եւ նրբությունների մասին. NEWS.am STYLE-ի հարցազրույցը

11:34, 7 փետրվարի

Պրոդյուսեր Սոֆիա Ղուլյանը ծնվել եւ մեծացել է Լեռնային Ղարաբաղի Հանրապետությունում: «Ամենավառ հիշողությունը, թերեւս, այն շրջանն է, երբ հարեւանների հետ ապրում էինք նկուղում՝ թաքնվելով ռումբերից ու արկերից: Չնայած չի կարելի ասել, որ այդ ամենն ինչ-որ տխուր հետք է թողել իմ կյանքում, որովհետեւ աշխարհի լավագույն ընտանիքը՝ մայրս, հայրս եւ եղբայրներս, կարողացան այնպես անել, որպեսզի այդ դժվարին ժամանակաշրջանը դաժան հետք չթողնի իմ ամբողջ կյանքի վրա»,- պատմում է նա:

Մոսկվա փոխադրվելը, կյանքը նոր էջից սկսելը, փոփոխությունները չփչացրեցին նրան. «Ես միշտ վստահում եմ մարդկանց: Եվ, հնարավոր է, այդ պատճառով էլ ճակատագիրը պաշտպանում է ինձ չարությունից ու շահախնդրությունից՝ իմ կյանքում թողնելով միայն լավագույններին»: 

Եվ ամեն դեպքում Սոֆիան ռիսկի դիմեց: Թողնելով Մոսկվան, չունենալով ընկերներ ու ծանոթներ՝ նա եւ երգիչ Մարտ Բաբայանը եկան Երեւան, որպեսզի մասնակցեն «Ձայն» նախագծի առաջին սեզոնին:

NEWS.am STYLE-ի հետ հարցազրույցում պրոդյուսերը պատմեց հայկական շոու-բիզնեսի դժվարությունների եւ նրբությունների մասին:

Սոֆիա, որքանո՞վ էր դժվար Մարտի հետ Հայաստանում առաջին քայլերն անել: 

Ամենադժվարը սկիզբն է: Կարճ ասեմ. ամենեւին էլ հեշտ չէր: Աստղերի շրջանում ծանոթները բազմաթիվ էին, բայց ամենից հարազատ եւ մտերիմ մարդը կար եւ մնում է Մհերը: Նրա հետ ծանոթության առաջին իսկ վայրկյանից մեր միջեւ ջերմ ընկերություն ծնվեց: Նա ինձ բազմիցս դիմավորել է, ճանապարհել, բազմաթիվ անգամներ հյուրընկալվել եմ նրա տանը: Նա ինձ համար շատ հարազատ ու մտերիմ մարդ է Երեւանում: Գիտեմ, որ կարող եմ նրա վրա հույս դնել:

Դուք եկաք «Ձայն»-ին մասնակցելու համար… Երբ մենակ կանգնած լսում էիք, թե ինչպես է նա երգում կույր լսումների ժամանակ, ի՞նչ էիք զգում այդ պահին:

Այդ ինձ համար շատ հուզիչ օր էր: Շատ էի անհանգստանում: Նախ՝ Մարտն անգինայով հիվանդ էր, երկրորդ՝ այդ մրցույթ է, որտեղ գիտես, որ ցանկացած դեպքում որեւէ մեկը կշրջվի: Իսկ ինձ համար կարեւոր էր, որպեսզի բոլորը շրջվեն:

Իսկ հետո ի՞նչ եղավ: Ինչպե՞ս շարունակվեցին հայ աստղերի ու աստղիկների հետ Ձեր հարաբերությունները:

Հարաբերությունները լավ էին դասավորվում: Բազմաթիվ նոր ընկերներ հայտնվեցին: Փորձը ցույց տվեց, որ մեր արտիստները կարողանում են ընկերություն անել:

Ի՞նչ կասեք անիվի մեջ սեպ խրելու մասին: Ամեն դեպքում, կարճ ժամանակում Ձեզ հաջողվեց հասնել այն բանին, որ Մարտին ոչ միայն Հայաստանում ճանաչեն, այլեւ Քրիստինե Պեպելյանի հետ զուգերգ ձայնագրեցիք…

Բոլորն էլ անցնում են դժվարությունների միջով: Մենք նույնպես բացառություն չենք: Այդ է կյանքը, իսկ ես էությամբ այնպիսին եմ, որ չեմ վախենում ոչնչից (բացի մտերիմներիս կորցնելուց): Քրիստինե Պեպելյանի հետ զուգերգը մեզ համար մեծ նշանակություն ունի: Այդ կերպ մենք նաեւ հրաշալի ընկեր ձեռք բերեցինք: Նրա հետ աշխատելը մեծագույն հաճույք էր:

Իսկ նախանձ կամ ատելություն եղե՞լ է: Եթե այո, անուններ կնշե՞ք:

Չեմ սիրում այդ երկու զգացմունքները: Դրանք իմ մեջ չկան: Եվ ես միշտ Աստծուն խնդրում եմ նման մարդկանց ինձանից հեռու պահել:

Իսկ ի՞նչ կասեք երգիչների ու երգչուհիների ավելի մեծ սերնդի մասին:

Ժամանակին շատ հայտնի, իսկ հիմա միայն փառքի փշուրներով բավարարվող երգչուհիներից մեկի հետ մոսկովյան Կրեմլում համերգից հետո հանդիպեցինք «Երեւան» ռեստորանում, որտեղ կազմակերպիչները հավաքել էին բոլոր արտիստներին: Այն ժամանակ ես նույնիսկ չգիտեի, թե ով էր այդ կինը, ինչ էր նրա անունը…

Այնտեղ էին Արմինկան, Զառա Բաբայանը, Լիլիթ Հովհաննիսյանը, Վահրամ Պետրոսյանը, Եվա Ռիվասը եւ այլք: Նա նստած էր մեր դիմաց: Ես անընդհատ զգում էի, թե որքան բացասական էներգիա է նրանից հորդում դեպի Մարտը: Իսկ հետո լսեցի նրա ակնարկը (երբ Մարտը կատակում էր Եվայի հետ, ինչ-որ բան էր պատմում…). «Սա՞ ով է, է…»:

Գուցե մանրուք է, բայց հոգումս նստվածք է թողել: Ցանկություն առաջացավ անմիջապես պատասխանել, բայց նրա տարիքի հանդեպ հարգանքից ելնելով՝ լռեցի: Ժամանակը միշտ էլ ցույց է տալիս, թե ով ով է:

Դուք արդեն մեկնել եք Հայաստանից: Մարտը հիմա զուգերգեր է ձայնագրում ռուսական աստղերի հետ: Այդ նշանակում է, որ մեր երկիրն ու հայ հանդիսատեսը ձեզ համար այլեւս հետաքրքիր չե՞ն:

Ես սիրում եմ իմ երկիրը, իսկ մեր հանդիսատեսը չի կարող մեզ համար հետաքրքիր չլինել: Պարզապես մենք պատրաստվում ենք դուետային ալբոմ թողարկել, որում կներառվեն զուգերգեր ինչպես հայ, այնպես էլ ռուսական արտիստների հետ:

Դուք նաեւ Նարեկ Մակարյանի հետ եք համագործակցում: Ի՞նչ եք կարծում, նրան ի՞նչ ապագա է սպասվում:

Ես վստահ եմ, որ նա իր արժանի տեղը կզբաղեցնի հայկական շոու-բիզնեսում:

Զրուցեց՝ Աննա Հակոբյանը


Հետևեք NEWS.am STYLE-ին Facebook-ում, Twitter-ում և Instagram-ում





  • Related News

TV SHOWS PHOTO VIDEO


@NEWSam_STYLE

  • Archive
Search