• «Մանյունյա»-ն մեծ բեմ է բարձրանում. սիրված պատմության վրա հիմնված ներկայացում՝ Երևանում

  Հանդիսատեսին ծանոթ համանուն հեռուստասերիալից հայտնի «Մանյունյա»-ն այժմ կբեմադրվի...

• Սեր, հայրենիք և համախմբում․ Արմեն Պետրոսյանը՝ «Բլոկադա» ներկայացման գաղափարի մասին

  «Բլոկադա» ներկայացման գաղափարը պրոդյուսեր Արմեն Պետրոսյանի մոտ առաջացել է տարբեր երկրներում հայերի հետ շփումից…

• «Ազիզյանները թատրոնում». Ինչպես սիրված սիթքոմը վերադարձավ նոր ձևաչափով

  Ազիզյանների ընտանիքը, որը սիրված էր հեռուստադիտողների կողմից, վերադարձել է տասը տարի անց, այս անգամ՝ թատերական բեմ․․․

• Երբ երեխաները երազում են, իսկ մեծերը վերադառնում են իրենց մոլորակ

  Երևանի Հրաչյա Ղափլանյանի անվան պետական դրամատիկական թատրոնում կայացավ Անտուան դը Սենտ-Էքզյուպերիի «Փոքրիկ իշխանը» ներկայացման պրեմիերան...

• Համաշխարհային մակարդակի սենսացիա Հայաստանում. Վարդանյան եղբայրների «WONDERLAND» ամանորյա շոուն

  Դեկտեմբերը քաղաքում միշտ սպասման, տրամադրությունից առաջ ստեղծվող մթնոլորտի մասին է…

• Երևանում կայացած հաջող պրեմիերայից հետո «Նոր հրաշքի նախօրեին» սառցե շոուն կցուցադրվի Բաթումիում

  Երևանում կայացած հաջող պրեմիերայից հետո «Նոր հրաշքի նախօրեին» սառցե շոուն կցուցադրվի Բաթումիում Երևանում մեծ արձագանքով կայացավ պրոդյուսեր Զառա Մխեյանի «Նոր հրաշքի նախօրեին» ամանորյա սառցե շոուի պրեմիերան, որի հիմքում Արցախի հերոս, «Ոսկե արծիվ» շքանշանի ասպետ Ալեն Մարգարյանի հեքիաթն է…

• Զառա Մխեյանը պատրաստվում է «Ալենայի կախարդական հեքիաթը» շքեղ սառցե շոուին

  Այս դեկտեմբերին հայ պրոդյուսեր և ռեժիսոր Զառա Մխեյանը կներկայացնի «Ալենի կախարդական հեքիաթը» սառցե ներկայացման պրեմիերան, որը ոգեշնչված է մեր օրերի հերոս Ալեն Մարգարյանից․․․

• Սառցե շոու՝ նվիրված Արցախի հերոս, «Ոսկե Արծիվ» շքանշանակիր Ալեն Մարգարյանին

  Դեկտեմբերի 20-ին և 21-ին Երեւանում կանցկացվի գեղեցիկ սառցե շոու-ծրագիր, որը հատուկ է, քանի որ կոչվում է «Ալենի կախարդական հեքիաթը» և նվիրված է Արցախի հերոս, «Ոսկե Արծիվ» շքանշանակիր Ալեն Մարգարյանի հիշատակին․․․

Ալեն Մարգարյանի հեքիաթներից մեկը գրավեց պրոդյուսեր Զարա Մխեյանի ուշադրությունը։ Նա որոշեց այդ բարի պատմությունը բեմադրել... սառույցի վրա։ Այսպես ծնվեց «Ալենի կախարդական հեքիաթը» սառցե շոուն՝ Հայաստանի և Ռուսաստանի մասնագետների ջանքերով, Երևանի գեղասահքի և հոկեյի մարզադպրոցի պատանի սաների մասնակցությամբ։ Ներկայացման առաջնախաղը կայանալու է դեկտեմբերի վերջին, և ստեղծագործական թիմն այժմ աշխատում է մեծ լարվածությամբ ու պատասխանատվությամբ։

Հեղինակ և բեմադրիչ Էմիլ Կարատը մանրամասներ է ներկայացրել առաջիկա շոուից։

Նախագիծը բացառիկ է Հայաստանի համար. առաջին անգամ մեր երկրում սառցե շոու է ստեղծվում հայ հեղինակի ստեղծագործության հիման վրա և հայ գեղասահորդների մասնակցությամբ։ Ստեղծագործական թիմը վստահ է՝ «Ալենի կախարդական հեքիաթը», որը պատմում է Բարության և Ներողամտության ամենազոր ուժի մասին, անկասկած կջերմացնի մարդկանց սրտերը և ուրախություն կպարգեւի նրանց։

Հեքիաթի բովանդակությունը

Սյուժեն դասական է ու խորհրդանշական. մի քանի ժամ է մնացել մինչև Նոր տարվա գալուստը, և փերիներն ու տոնածառի խաղալիքները իրենց սիրով ու բարությամբ փորձում են վերականգել Ամանորի հրաշքը, որը կործանել է չար կախարդ Տունդան։ Նրանք համոզված են՝ ոչ մի չար ուժ չի կարող կործանել Ամանորի գիշերվա գեղեցությունը, և անպայման պիտի կայանա հրաշալի պարահանդեսը՝ փերիների, խաղալիքների, Ձմեռ պապիկի ու Ձյունանուշիկի մասնակցությամբ։

«Սա հեքիաթ է Բարու և Չարի պայքարի մասին։ Ես կարևորում եմ այս նախագիծը ոչ միայն նրա համար, որ այն հիշեցնելու է հայ ժողովրդի հերոս զավակների մասին, այլև այն պատճառով, որ հնարավորություն է տալու փոքրերի ու մեծերի հետ խոսել այն մասին, թե ինչն է լավ, և ինչը՝ վատ։ Մեր օրերում շատերի համար այդ սահմանները խախտվել են։ Այս հեքիաթը կրկին ցույց է տալիս, որ որքան էլ ուժեղ թվա չարը, բարին անպայման հաղթում է»,- ասում է Էմիլ Կարատը։

«Ալենի հեքիաթը ծավալուն չէ,- շարունակում է նա,- և շատ բան ասված է տողատակում։ Այն սցենարի վերածելիս ես աշխատել եմ բացել տողատակերը, վեր հանել չասվածը, լրացնել գործողությունները, զարգացնել գաղափարներն ու խորացնել ինտրիգը։ Արդյունքում ստացվել է ամբողջական, «լիամետրաժ» ներկայացում։

Ալենի հիշատակի համար

Երբ Էմիլ Կարատը տեղեկացավ, որ բեմադրության հիմքում հանուն Հայրենիքի զոհված տաղանդավոր երիտասարդ Ալեն Մարգարյանի հեքիաթն է, անմիջապես համաձայնեց աշխատել նախագծում։ Ալենի մահից հետո նրա մայրը՝ Նազելի Տերտերյանը, որդու անվամբ բարեգործական հիմնադրամ է հիմնել, որը նպաստում է Ալենի ստեղծագործությունների տարածմանը, նաև օգնում է տաղանդավոր երեխաներին ու պատանիներին, որոնք աջակցության կարիք ունեն։ Նազելի Տերտերյանը նաև այս նախագծի գլխավոր հովանավորն է։

Ստեղծագործական թիմը

Փոքրիկ գեղասահորդների հետ աշխատանքը վստահվել է հայտնի ռուս  բեմադրիչ-պարուսույց Դմիտրի Լապշինին։ «Պետք է ասեմ, որ 9-17 տարեկան հայ գեղասահորդները մեծ հաջողությամբ են հաղթահարում նրա խորեոգրաֆիայի բոլոր բարդությունները»,- նշեց Էմիլ Կարատը։

Ներկայացման երաժշտական հենքը կազմված է Պ. Չայկովսկու, Ռ. Վագների, Է.Կռիլատովի, Ռ. Պաուլսի, Ա. Գրիգորյանի, Մ. Դունաևսկու և այլ դասական ու ժամանակակից կոմպոզիտորների ստեղծագործություններից։ Նախատեսված է նաեւ տպավորիչ ու գունեղ տեսաշար, որը կդառնա հեքիաթի անբաժանելի մասը։ Երիտասարդ գեղասահորդների հետ անցկացվում են նաև դերասանական վարպետության հատուկ դասընթացներ։

Սառցե շոուի հաջողությանը կնպաստեն նաև զգեստները, որոնց հեղինակը փորձառու թատերական դիզայներ Կարինե Դնոյանն է։ Յուրաքանչյուր կերպար առանձնահատուկ է, գունեղ ու գրավիչ։

Առաջիկա պրեմիերան

Ներկայացումը կկայանա «Գազպրոմ Արմենիա»-ի ուսումնամարզական համալիրում։ Նոր տարվա կախարդական այս հեքիաթի շնորհիվ Արցախյան հերոս, հետմահու «Ոսկե Արծիվ» շքանշանի արժանացած Ալեն Մարգարյանի հիշատակը կշարունակի ապրել հազարավոր մարդկանց սրտերում։

Հետևեք NEWS.am STYLE-ին Facebook-ում, Twitter-ում և Instagram-ում