«Բամբիռ» ֆոլկ-ռոք խմբի` մարտին կայանալիք ամերիկյան շրջագայության եւ SXSW փառատոնին մասնակցելու մասին NEWS.am STYLE-ն արդեն տեղեկացրել է: Խումբը Հայաստանից առաջինն է ու միակը, որը հրավիրված է մասնակցելու այս փառատոնին: Այն անցկացվելու է Թեխաս նահանգի Օստին քաղաքում: Փառատոնում ելույթ ունենալուց հետո «Բամբիռը» մեկնելու է Չիկագո, ուր հրավիրվել է ձայնասկավառակ ձայնագրելու, այնուհետեւ խումբը կսկսի շրջագայությունը ամերիկյան մի շարք քաղաքներում` Լոս Անջելես, Բոստոն, Նեշվիլ, Նյու Յորք եւ այլն:
ԱՄՆ մեկնելուց առաջ NEWS.am STYLE-ը զրուցել է խմբի տղաների հետ` պարզելու համար, թե ինչ ակնկալիքներ եւ սպասումներ ունեն փառատոնից եւ շրջագայությունից, որն է մեկնելու նպատակը եւ այլն:
«Դառնալ աշխարհի ամենաճանաչված խումբը»,- նշում է խմբի վոկալիստ, կիթառահար Նարեկ Բարսեղյանը եւ հավելում. «Նախ ցանկանում եմ շնորհակալություն հայտնել փառատոնի կազմակերպչական ամբողջ խմբին, որոնք մեզ մասնակցության հրավեր են ուղարկել եւ հնարավորություն ստեղծել` ներկայանալ նման խոշորագույն միջոցառմանը: Ակնկալիքները եւ սպասումները շատ են:
«Բամբիռը» լինելով Հայաստանի մեծ պատմություն ունեցող խմբերից մեկը, չեմ վախենա նշել` ամենամեծ պատմություն ունեցողը, ժամանակակից rock, rock’n roll եւ այլ ոճերի հետ մեկտեղ մեծ տեղ է տվել հայկական ժողովրդական երաժշտական ոճին: Ներկայանալով այս փառատոնին` մենք հնարավորություն ենք ունենում ոչ միայն ներկայացնել մեր աշխատանքը, այլեւ Հայաստանի մշակույթի մի մասը»:
Խոսելով հրավերը ստանալուց հետո իրենց ապրումների եւ զգացողությունների մասին, տղաներից ամեն մեկը տարբեր պատասխան է տալիս:
«Զբաղվածություն»,- նշում է Նարեկը: «Վերապրում»,- ասում է վոկալիստ, բաս կիթառահար Արման Քոչարյանը: Վարդան Փարեմուզյանը (հարվածային գործիքներ, վոկալ) ոգեւորություն է զգում, իսկ Արիկ Գրիգորյանը (բաս-կիթառ, վոկալ) հավելում. «Ուրախ եմ, որ սկիզբ կհանդիսանա նոր, ավելի լայն, տարբեր լսարանի առջեւ ներկայանալու եւ սկսելու մի նոր էջ «Բամբիռի» պատմության մեջ»:
Տղաների խոսքով, «Բամբիռը» նոր ծրագիր է մշակում, որն էլ հենց պատրաստվում են ներկայացնել փառատոնի ժամանակ: «Պոզիտիվ եւ վայրենի, էթնիկ եւ բարձրաձայն»,- խոսելով ծրագրի մասին` նշում է Նարեկ Բարսեղյանը:
«Բամբիռը» Չիկագոյում պատրաստվում է ձայնասկավառակ ձայնագրել, որում, Արիկ Գրիգորյանի խոսքով, կներառվեն խմբի վերջին մեկ տարվա ընթացքում գրված երգերը, ներառյալ`մի քանի միջնադարյան հայկական ստեղծագործություններ: Իսկ Նարեկ Բարսեղյանի փոխանցմամբ, ստեղծելու են մեղեդային, տաքարյուն, ռիթմիկ մի կտավ:
Խոսելով արդեն բուն շրջագայության մասին, որը տղաները պատրաստում են իրականացնել փառատոնին մասնակցելուց հետո, նրանք նշեցին, որ շրջագայությունն իրականացնելու համար որոշեցին կազմակերպել վերջերս տարածված համացանցային նորաձեւ «crowdfunding» հանրադրամահավաք կայքում:
«Որովհետեւ տեղական պոտենցիալ հովանավորներից ոչ մի ոգեւորություն չտեսանք»,- ավելացնում է Արման Քոչարյանը:
Հետևեք NEWS.am STYLE-ին Facebook-ում, Twitter-ում և Instagram-ում
20:20, 4 մայիսի
Գուրգեն Դաբաղյանի 3-ամյա դուստրը եւս միացել է TikTok-ում ամենատարածված հնդկական թրենդին (VIDEO)19:30, 4 մայիսի
Հարաբերությունների խորհրդատուն բացահայտել է երկու բան, որոնք կանայք երբեք չպետք է անեն17:23, 4 մայիսի
Հյու Ջեքմանը եւ Ջոդի Քոմերը կնկարահանվեն «Ռոբին Հուդի մահը» ֆիլմի գլխավոր դերերում15:06, 4 մայիսի
Դերասանուհի Թիֆանի Հադիշը ցանկանում էր սեքսով զբաղվել Հենրի Քավիլի հետ, սակայն նրա հետ հանդիպելուց հետո մտափոխվել է13:29, 4 մայիսի
Քեւին Սփեյսի. նոր վավերագրական ֆիլմում 10 տղամարդ «անհոգի հրեշին» մեղադրում են սեռական ոտնձգության մեջ12:30, 4 մայիսի
Քլոե Քարդաշյանն ակնարկել է, որ բաց է կնոջ հետ հարաբերությունների համար12:08, 4 մայիսի
«Էթնո ջազ» խորագրով համերգը`նվիրված Սերգեյ Փարաջանովի 100-ամյա հոբելյանին (ֆոտո)11:13, 4 մայիսի
Սերենա Ուիլյամսը ծննդաբերությունից 9 ամիս անց անհավանական տեսք ունի սպիտակ լողազգեստով10:17, 4 մայիսի
Հղիության մասին լուրերի ֆոնին Քայլի Ջենները ցուցադրել է իր հարթ որովայնը09:00, 4 մայիսի
ՄԱՅԻՍԻ 4-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:19, 3 մայիսի
Ֆորմուլա 1-ի լեգենդ Միխայել Շումախերի ութ շքեղ ժամացույցներ աճուրդի են հանվել22:08, 3 մայիսի
Հոլլի Բերին տարված է իր դաշտանադադարով և հրապարակայնորեն խոսում է այդ մասին