Երեկ՝ փետրվարի 28-ին, Մինսկում կայացավ լեգենդար Depeche Mode խմբի համերգը: NEWS.am STYLE-ի թղթակիցը չէր կարող անտարբեր անցնել նման իրադարձության կողքով եւ գնաց միջոցառմանը մասնակցելու (Աստծո սիրուն, նրանք, ովքեր ոչինչ չգիտեն Depeche Mode-ի մասին, մի ծուլացեք, Վիքիպեդիայում կամ Youtube-ում ծանոթացեք):
Շուրջ 15.000 հանդիսատեսի առջեւ «Минск Арена»-ում (մայիսին այստեղ անցկացվելու է հոկեյի աշխարհի առաջնությունը) «ծերուկները» երկու ժամ ելույթ ունեցան Դեյվ Գաանի գլխավորությամբ, ով Բելառուսի մայրաքաղաք էր եկել իր Delta Machine շրջագայության շրջանակում:
Շքեղ շոուն ռիթմիկ երաժշտության եւ տեսաշարերի յուրօրինակ միախառնում էր, որը հանդիսատեսին տարավ խմբի կրքերի խորհրդավոր աշխարհ:
Դեյվը՝ իր գործի իսկական մասնագետը, ոչ միայն ամբողջ համերգի ընթացքում լիարժեք տրվեց հանդիսատեսին, այլ հենց իրեն երաժշտությունը բաց տիեզերք հասցրեց. 51-ամյա «ծերուկն» այնպես էր ելույթ ունենում, այնքան ճկուն էր շարժվում ու պարում, որ ամբողջ երեկոյի ընթացքում չէր լքում զգացողությունը, որ ինքդ էլ նրա հետ բեմում ես: Ինչ-որ պահի նույնիսկ վիրավորանք զգացի հարազատ Երեւանի համար. վերջապես ե՞րբ մեզ մոտ էլ կգան հրաշալի խմբեր, իրենց գործի իսկական մասնագետներ՝ հզոր երաժշտությամբ, հանդիսատեսի հանդեպ հիասքանչ վերաբերմունքով:
Այնպիսի հաճույք է, երբ դասական երաժշտությունը համադրվում է տեխնիկապես հիասքանչ հնչողության հետ, երբ հազարավոր մարդիկ միասնաբար լողում են զգացմունքների օվկիանոսում, իսկ քեզ զգում ես ամբողջության մի մասնիկը, ամբողջություն, որը երկու ժամով մեկ միասնական աշխարհ է դառնում՝ Depeche Mode-ի աշխարհը:
Պատրաստեց՝ Պարույր Սինյավսկին
Լուսանկարները՝ Tut.by-ի
Հետևեք NEWS.am STYLE-ին Facebook-ում, Twitter-ում և Instagram-ում
23:05, 1 մայիսի
Ինստասամկան պատմել է ֆիլերներից հետո առաջացած առողջական խնդիրների մասին22:31, 1 մայիսի
Երկար սեւ զգեստ, առատ աքսեսուարներ. «Միսս Աշխարհ Արմենիա 2021» Միրնա Բզդիգյանի նոր ֆոտոշարքը21:15, 1 մայիսի
Նրբակազմ Մալենան՝ նոր՝ «գունատ վարդագույն» կերպարում20:40, 1 մայիսի
Արհեստական ինտելեկտի նոր սահմանները. «Մահվան հաշվիչը» սարսափելի ճշգրտությամբ կանխատեսում է, թե որքան ժամանակ է ձեզ մնացել ապրելու19:19, 1 մայիսի
Wine Story. Գինու միտումներ 2024. ի՞նչ են խմելու գինու սիրահարները17:05, 1 մայիսի
«Հատուկ դասարան»-ից հայտնի Արաքսյա Խաչատրյանը սպասում է առաջնեկին16:12, 1 մայիսի
Franck Muller-ը եւ S.T. Dupont-ը ներկայացրել են Master Lighter կրակայրիչը15:27, 1 մայիսի
Իրինա Շեյքը մերկացել է Marc Jacobs-ի գովազդային արշավի համար14:05, 1 մայիսի
Դերասանուհի Ջուլիա Եղշատյանն ու ամուսինը սպասում են իրենց առաջնեկին13:16, 1 մայիսի
Թոմ Քրուզը «շոյված է» այն մտքից, որ Իրինա Շեյքը հետաքրքրված է իրենով, բայց այս «առաքելությունն անհնարին է»12:22, 1 մայիսի
«Հնդկական հարսանեկան դիմահարդարում»՝ նոր թրենդ Tiktok-ում եւ Instagram-ում. Գոհար Ավեստյանը ներկայացրել է իր տարբերակը11:57, 1 մայիսի
Դիտա ֆոն Թիզը ապացուցում է, որ ժամանակն իր հանդեպ անզոր է