• Սեր, սեքս, ազատություն և Ստալին․ Զաբել Եսայան՝ իր ժամանակի գլխավոր ապստամբը

  Նա վիճում էր, սխալվում, պաշտպանում, մեղադրում, հավատում գաղափարներին ու հետո հիասթափվում դրանցից, բայց գրեթե երբեք չէր համաձայնում ապրել այնպես, ինչպես իրենից պահանջում էին շրջապատողները...

• Հայկական տեսանյութը համաշխարհային մշակութային թրենդում նվաճում է սոցցանցերն ու գրավում արտասահմանյան մեդիաների ուշադրությունը

  Ռեժիսոր և օպերատոր Ավո Հարությունյանի ու Black Flight թիմի կողմից միջազգային տեսողական թրենդի շրջանակում նկարահանված «BORN FROM CULTURE | ARMENIA» տեսանյութը հրապարակումից ընդամենը մեկ շաբաթ անց հատել է մեկ միլիոն դիտման սահմանագիծը...

• Հայաստանի զբոսաշրջային բումը. Ինչպես է երկիրը գրավում ճանապարհորդներին 2026 թվականին

  2026 թվականը ռեկորդային տարի էր հայկական զբոսաշրջության համար. երկիրն ունեցավ զբոսաշրջիկների աննախադեպ աճ՝ գրանցելով անկախությունից ի վեր լավագույն ցուցանիշները…

• «Խաղողօրհնեք»-ի փառատոնը՝ Արենիում. Ինչպես է գինու տուրիզմը զարգանում գյուղական տարածքներում

  Արենի համայնքում անցկացվող փառատոները մշակութային միջոցառումներ են, բայց դրանք նաև ծառայում են որպես զբոսաշրջության, փոքր բիզնեսի և գյուղական վայրերի զարգացման գործիք․․․

• «Երազ Այգում» կանցկացվի Ազգային տարազի փառատոնը

  Օգոստոսի 16-ին «Երազ Այգի»-ում տեղի կունենա Ազգային տարազի փառատոնը, որը մեկ հարթակում կմիավորի հայկական ազգային տարազը, ավանդական արհեստները, երաժշտությունը, էթնոդիզայնն ու Խաղողօրհնեքի դարավոր ավանդույթը...

• «Հայկական ժամադրությունների մշակույթը վնասում է մեր ժողովրդագրական ցուցանիշներին»

  Երբ մարդիկ խոսում են ժողովրդագրական ճգնաժամի մասին, նրանք սովորաբար հիշատակում են արտագաղթը, ցածր աշխատավարձը կամ բնակարանների բարձր գները: Եվ գրեթե ոչ ոք չի խոսում ժամադրությունների մասին, չնայած որ դա այն վայրն է, որտեղից սկսվում է յուրաքանչյուր ընտանիք․․․

• «Նավասարդ» հայ-իրանական փառատոնը նշում է 5-րդ հոբելյանը․ Սիսիանում սպասվում են երկու օր տևող մշակութային ու խոհարարական տոնակատարություններ

  Այս տարի «Նավասարդ» հայ-իրանական մշակութային և խոհարարական փառատոնը նշում է իր 5-ամյակը...

• Հայկական հետք K-Pop-ում. Հայ տղամարդու պատմությունը, որը նվաճել է կորեական զվարճանքի արդյունաբերությունը

  Հայաստանը հաճախ չի հիշատակվում զրույցներում, առավել ևս՝ K-pop-ի համատեքստում․․․

ԱՄՆ-ում բնակվող կենդանասեր Զոյա Մաթևոսյանն արդեն երկրորդ անգամ է այցելում Հայաստան՝ շարունակելու այն առաքելությունը, որը տարիներ առաջ դարձել է իր կյանքի գլխավոր նպատակը։ Նա այստեղ էր՝ հանդիպելու կենդանասերներին, այցելելու իր հովանավորության ներքո գտնվող կենդանիներին, ծանոթանալու այստեղի խնդիրներին և հերթական անգամ աջակցելու անօթևան ու օգնության կարիք ունեցող շներին ու կատուներին։

Զոյան երկար տարիներ աշխատել է բանկային ոլորտում, սակայն առողջական խնդիրների պատճառով ստիպված է եղել հրաժարվել աշխատանքից։ Այդ շրջադարձային փուլից հետո նա ամբողջությամբ նվիրվել է կենդանիների փրկությանն ու պաշտպանությանը։ 2021 թվականին ԱՄՆ-ում հիմնել է Love For Paws Rescue կազմակերպությունը, որի միջոցով մինչ օրս հարյուրավոր կենդանիների կյանքեր է փոխել Հայաստանում։

«Արդեն երկրորդ անգամ է, որ Հայաստան եմ գալիս կենդանիներին օգնելու նպատակով։ Առաջին այցս երեք տարի առաջ էր։ Եկել էի այստեղ կենդանիների համար կացարան բացելու մտադրությամբ, բայց հասկացա, որ դա մեծ ֆինանսական հնարավորություններ է պահանջում, իսկ այդ պահին դեռ պատրաստ չէի նման մեծ ծախսերի։ Որոշեցի Միացյալ Նահանգներից աջակցել՝ վճարելով բուժման կարիք ունեցող կենդանիների տեղափոխման, կլինիկաների, վարորդների և խնամողների ծախսերը։ Այս պահին իմ հովանավորության ներքո արդեն յոթ կենդանի կա, իսկ այս երեք տարիների ընթացքում Հայաստանում հարյուրավոր շների ու կատուների ենք փրկել»,-պատմում է նա։

Զոյայի խոսքով՝ Հայաստանում կենդանիների խնդիրները դեռևս շատ լուրջ են, և ամեն ամիս նոր փրկարարական գործողություններ են իրականացվում։

«Գրեթե ամեն ամիս փրկում ենք 4-5 շուն և կատու՝ տարբեր հարձակումներից կամ ծանր հիվանդություններից։ Բուժում ենք, ստերջացնում, անհրաժեշտ խնամք ենք ապահովում։ Միայն այդ ամենի ծախսերը հասնում են մոտ 2500 դոլարի։ Ժամանակ առ ժամանակ դրամահավաքներ ենք կազմակերպում, որոնց շնորհիվ գումարի մի մասը հավաքվում է, իսկ եթե չի բավականացնում, մնացածը ես եմ վճարում»,-ասում է նա։

Հայաստան կատարած այս այցը նույնպես չափազանց հագեցած է եղել։ Տասը օրերի ընթացքում նա հասցրել է այցելել երկրի տարբեր մարզեր ու քաղաքներ՝ հանդիպելով տեղացի կենդանասերների, կամավորների և տեսակցելով իր հովանավորության տակ գտնվող կենդանիներին։ Զոյան եղել է Ջերմուկում, Իջևանում, Արզնիում, Արարատում, Արագածում, Վանաձորում և մի շարք այլ բնակավայրերում։

Չնայած հոգնածությանը՝ նա խոստովանում է, որ իր ուժերի աղբյուրը կենդանիների հանդեպ անսահման սերն է։

«Այնքան կենդանիների եմ փրկել, որ արդեն կորցրել եմ դրանց հաշիվը։ Երբեմն մարդիկ ասում են՝ այս շանը դու ես փրկել, իսկ ես նույնիսկ չեմ հիշում։ Արդեն 10 օր է Հայաստանում եմ, և ամեն օր մի քաղաքից մյուսն եմ գնում։ Բայց կարծես Աստված ինձ մի գերբնական ուժ է տվել, որպեսզի շարունակեմ այս ճանապարհը։ Իմ մեջ կենդանիների հանդեպ սերն այնքան մեծ է, որ շարունակում եմ իմ հնարավորությունների սահմաններում նվիրվել այս գործին»։

Զոյա Մաթևոսյանի պատմությունը հերթական անգամ ապացուցում է, որ անգամ հազարավոր կիլոմետրերի հեռավորությունը չի կարող խանգարել մարդուն օգնելու այնտեղ, որտեղ իրեն ամենից շատ են սպասում։ Նրա համար Հայաստանը պարզապես այցելության վայր չէ. այն դարձել է մի երկիր, որտեղ յուրաքանչյուր փրկված կենդանու կյանքը նոր ուժ ու նոր իմաստ է տալիս իր առաքելությանը։

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում