• «PROFAL․ ձայնամեկուսիչ է» արշավը երեք օր շարունակ գրավեց երևանցիների ուշադրությունը

  Երևան քաղաքի տարբեր փողոցներում երեք օր շարունակ հնարավոր էր տեսնել մի մեքենա, որը բառացիորեն ստիպում էր անցորդներին կանգ առնել ու պատրաստել հեռախոսները։ Քաղաքային աղմուկի ու եռուզեռի մեջ մեքենայի ներսում տիրում էր լիակատար անդորր ու խաղաղ մթնոլորտ...

• Neutrogena-ն ներողություն է խնդրում Հեյդեն Պանետիերից՝ 2015-ին հետծննդյան դեպրեսիայի դեմ պայքարելու ընթացքում նրան աշխատանքից ազատելու համար

  Neutrogena-ն վերջապես ներողություն է խնդրում Հեյդեն Պանետիերից՝ նրա ողբերգական մահից մի քանի օր անց՝ 2015 թվականին հետծննդյան դեպրեսիայի տառապանքի ժամանակ նրա պայմանագիրը խզելու համար, գրում է Pag Six-ը․․․

• Tsaghkunk Restaurant & Glkhatun դարձել է առաջին հայկական ռեստորանը «The World’s 50 Best Discovery» հարթակում

  Պատմական իրադարձություն հայկական գաստրոնոմիայի համար. Ծաղկունք Ռեստորան և Գլխատունը դարձել է առաջին ռեստորանը Հայաստանից, որ ընդգրկվել է «The World’s 50 Best Discovery» հարթակում՝ միջազգային ուշադրություն հրավիրելով երկրի զարգացող խոհարարական արվեստին...

• Jardins d'Arménie հայկական ռոյալ բրենդին Մոնտե-Կառլոյի հեռուստատեսային փառատոնին

  Pogossian Luxury Brand House-ն իր Jardins d’Arménie-ի բրենդով Մոնտե-Կառլոյի 65-րդ հեռուստատեսային փառատոնին հանդես է եկել որպես Բյուրեղյա գործընկեր ( Crystal Partner)` ներկայացնելով հայկական ժառանգությունը, վարպետությունն ու մշակութային գերազանցությունը Մոնակոյի ամենահեղինակավոր միջազգային հարթակներից մեկում....

• Արմեն Պողոսյանը ներկայացրել է Հայաստանը «Forbes Under 30 China» գագաթնաժողովում

  «Pogossian Luxury Brand House»-ի սեփականատեր Արմեն Պողոսյանն առաջին հայ գործարարն է, ով հանդես է եկել Չինաստանի «Forbes Under 30» հարթակում՝ սահմանելով կարևոր նշաձող հայկական ձեռնարկատիրության, լյուքս ոլորտի արհեստագործության և միջազգային բիզնես ներկայացուցչության համար...

• Երևանի կենտրոնում «Ազատությունն» է, «Ազատության» կենտրոնում ջազն էր. ջազային մթնոլորտում համագործակցության հուշագիր ստորագրվեց  

  Երևանյան ջերմ երեկո, ջազ, հեղինակային յուրահատուկ կոկտեյլներ և…«Ազատություն». պրեմիում դասի բազմաֆունկցիոնալ համալիրը հերթական միջազգային գործընկերությունը մեկնարկեց...

• Մտիր խաղի մեջ, հասիր FIFA Final. Ինեկոբանկն ու Visa-ն մեկնարկում են բացառիկ նախաձեռնություն Հայաստանում

  Ինեկոբանկն ու Visa-ն միավորում են ուժերը FIFA World Cup 2026™ -ին ընդառաջ՝ հատուկ նախաձեռնությամբ մեկտեղելու համաշխարհային ֆուտբոլի էներգիան և ժամանակակից բանկային փորձառությունը...

• Seletti և Sensorium Worlds․ երբ գլոբալ դիզայնը հանդիպում է զգայական փորձառությանը

  Ժամանակակից դիզայնի աշխարհն այսօր մեծապես ուղղված է զգայական փորձառություններին՝ ստեղծելով միջավայրեր, որոնք չեն սահմանափակվում միայն ֆունկցիոնալությամբ կամ տեսողական էսթետիկայով...

Լոս Անջելեսում հիմնադրված «Hahaha LA» հայկական ընկերությունը մանկական հագուստը վերածում է յուրօրինակ մշակութային կամրջի, որը կապում է սերունդներ, երկրներ և միմյանցից տարբեր մանկական աշխարհներ։ Այստեղ հագուստը պարզապես շապիկ կամ զգեստապահարանի իր չէ։ Այն երեխայի համար ընտրելու, խաղալու, փորձարկելու և նոր բան բացահայտելու հնարավորություն է։

Այս գաղափարի հեղինակը Գևորգ Բալյանն է, ում համար մանկական հագուստն ի սկզբանե կապված էր ոչ այնքան նորաձևության, որքան սեփական մանկության հուշերի՝ ազատության զգացման, խաղի և ինքնուրույն որոշելու հնարավորության հետ։

«Hahaha LA»-ն ծնվել է Լոս Անջելեսում, սակայն հայկական տարրն աստիճանաբար դարձել է բրենդի ինքնության կարևոր մասը։ Հավաքածուում հայտնվել են հայկական խորհրդանիշներով՝ Արարատի, խաչքարի, Տորք Անգեղի պատկերներով պիտակներ։ Դրանց միջոցով հայկական մշակույթը դուրս է գալիս սովորական շրջանակներից և հայտնվում երեխաների առօրյայում՝ այդ թվում նրանց, ովքեր երբեք չեն եղել Հայաստանում և անգամ հայկական արմատներ չունեն։

Երեխայի համար նման խորհրդանիշը սկզբում կարող է պարզապես գեղեցիկ պատկեր լինել շապիկի վրա։ Բայց դրան կարող են հաջորդել հարցեր, պատմություններ ու զրույցներ, և աստիճանաբար հետաքրքրություն առաջանալ մի մշակույթի հանդեպ, որին նա նախկինում ծանոթ չէր։ Իսկ ԱՄՆ-ում կամ մեկ այլ երկրում մեծացող հայազգի երեխայի համար նման իրը կարող է դառնալ փոքրիկ, բայց շոշափելի կապ իր արմատների հետ։

Հենց այս հնարավորությունն է Բալյանը կարևոր համարում՝ ոչ թե պարզապես երեխաներին պատմել հայկական մշակույթի մասին, այլ թույլ տալ, որ այն բնականորեն մտնի նրանց առօրյա՝ հագուստի, խաղի և սեփական ընտրության միջոցով։

Բրենդի գաղափարը ձևավորվել է ամենասովորական միջավայրում՝ ընկերական ընթրիքի ժամանակ։ Այդ պահին դեռ հստակ պատկերացում չկար, թե ինչ ուղղությամբ պետք է զարգանա նախագիծը։ Սակայն մանկական հագուստի մասին խոսելիս հիմնադիրները որոշեցին չսահմանափակվել միայն ծնողների պահանջների ուսումնասիրությամբ, այլ հիշել իրենց իսկ մանկությունը։

Նրանք մտաբերեցին այն հագուստն ու իրերը, որոնց հետ ջերմ հույզեր էին կապված՝ հին շապիկներ, կերպարներ, առանձին դետալներ, որոնց կարելի էր դիպչել, փոխել կամ օգտագործել խաղի մեջ։ Այդպես ծնվեց մանկական հագուստը ոչ թե որպես զուտ պատրաստի իր, այլ որպես մի բան, որի հետ երեխան կարող է սեփական հարաբերությունը ձևավորել։

Գևորգ Բալյանի համար կարևոր էր հասկանալ, թե ինչ կարող է երեխային ընտրության հնարավորություն տալ։ Մանկության տարիներին երեխաները հաճախ էին հագուստի տարբեր համադրություններ անում՝ ոգեշնչվելով միմյանցից, ֆիլմերից կամ սիրելի հերոսներից։ Նման փորձարկումները նրանց ինքնուրույնության զգացում էին տալիս՝ թեկուզ մեկ օրով որոշելու, թե ով են իրենք ուզում լինել։

Հենց այս գաղափարն էլ հետագայում դարձավ «Hahaha LA»-ի փիլիսոփայության մասը։ Երեխան կարող է ձևափոխել հագուստը, պիտակը փակցնել այլ տեղում, գունավորել այն կամ օգտագործել այնպես, ինչպես ինքն է ուզում։ Կարևոր է ոչ միայն պատրաստի արդյունքը, այլև ընթացքը՝ իրը սեփականը դարձնելու հնարավորությունը։

Հայկական թեման այս տիրույթում ի հայտ եկավ բնականորեն։ Մշակութային պիտակների ստեղծման հիմքում ընկած են նաև Բալյանի մանկական հետաքրքրությունները։ Նա հիշում է, որ մանկուց իրեն հատկապես ձգում էին հունական լեգենդներն ու առասպելները՝ նախևառաջ դրանց երևակայական ու ստեղծագործ աշխարհը։

Այժմ նա ուզում է երեխաներին հնարավորություն տալ նույնպիսի հետաքրքրությամբ բացահայտելու հայկական պատմություններն ու խորհրդանիշները։ Նրա համար կարևոր է, որ հայկական մշակույթի հետ ծանոթությունը տեղի ունենա ոչ միայն դասագրքերի ու պաշտոնական պատմությունների, այլև խաղի, հետաքրքրասիրության և առօրյա իրերի միջոցով։

Սա հատկապես հետաքրքիր է ամերիկյան միջավայրում։ Հայկական խորհրդանիշը կարող է հայտնվել երեխայի հագուստին՝ անկախ նրա ծագումից, և դառնալ զրույցի կամ նոր հետաքրքրության առիթ։ Իսկ հայկական արմատներ ունեցող երեխայի համար, որը երբեք չի ապրել Հայաստանում, այն կարող է դառնալ սեփական ընտանիքի մշակույթի հետ կապը զգալու միջոց։

Ընդ որում, «Hahaha LA»-ի նպատակը պարզապես հայկական պիտակներ վաճառելը չէ։ Բալյանի համար կարևոր է այն գործընթացը, որի ընթացքում երեխան ինքն է հայտնաբերում, հարցեր տալիս ու կապեր ստեղծում։ Այդ իմաստով հագուստը դառնում է ոչ թե վերջնական արդյունք, այլ պատմության սկիզբ։

Երբ Բալյանին հարցնում են, թե ինչ կուզեր, որ երեխան տարիներ անց հիշեր «Hahaha LA»-ի մասին, նրա պատասխանը վերաբերում է ոչ այնքան կոնկրետ շապիկին կամ պիտակին, որքան ազատության զգացմանը։

«Մենք կուզեինք, որ նա հիշեր այդ զգացողությունը՝ որ իրեն թույլ են տվել ընտրել։ Որպեսզի ամեն առավոտ նա կարողանար որոշել, թե ով է ուզում լինել այդ օրը, ինչ է ուզում պատմել իր մասին և ինչն է իրեն հետաքրքիր տվյալ պահին։ Իսկ ծնողը, այս ընտրությունը սահմանափակելու փոխարեն, դառնար դրա մասնակիցը»։

Հետևեք NEWS.am STYLE-ին Facebook-ում, Twitter-ում և Instagram-ում