• 72-ամյա ամերիկուհին թոշակն ապահովելու անսովոր միջոց է գտել․ նա ամուսնու հետ մեծահասակների համար նախատեսված բովանդակություն է նկարահանում

  Ութ ծոռ, 40 տարվա ամուսնական կյանք և թոշակի անցնելու միանգամայն անսովոր ծրագիր…

• Եղջյուրներն՝ ընդդեմ խաչերի, երիտասարդներն՝ ընդդեմ մեծահասակների. Ինչպես Հելոուինը Հայաստանում բախում առաջացրեց սերունդների միջև

  Արդար զայրույթ, թե՞ ձանձրալի մեծահասակներ, զայրույթի արժանի երեխաներ, թե՞ անվնաս զվարճանք: Մինչ ոմանք փորձում են եղջյուրներ և կեղծ ժանիքներ, մյուսները հիշեցնում են նրանց քրիստոնեական արժեքների և ազգային ինքնության մասին…

• Նյու Յորքում 89,000 դոլար արժողությամբ ռոբոտը սովորում է շփվել մարդկանց հետ, որպեսզի ապագայում կարողանա դայակ դառնալ

  Նյու Յորքի այգում անցորդները զբոսանքի ժամանակ անսպասելիորեն հանդիպել են անսովոր էակի՝ 89,000 դոլար արժողությամբ մարդանման ռոբոտի, որը երգում էր երեխաների համար, պարում էր և սովորում շփվել մարդկանց հետ…

• Բարի գալուստ Ֆոնտանիա գյուղ. «Տաշիր Արենան» ներկայացնում է «ՖՈՆՏԱՆԻԱ» զարմանահրաշ շոուն

  Օրերս «Տաշիր Արենա»-ում տեղի ունեցավ ընտանեկան կրկեսային ներկայացման՝ «ՖՈՆՏԱՆԻԱ»-ի պրեմիերան…

• 800-ամյա պատմություն ունեցող հայկական բալասանը. ինչպես հին բաղադրատոմսը նոր կյանք ստացավ Մատենադարանում

  Դրա բաղադրատոմսը պահպանվել է միջնադարյան հայկական ձեռագրերում․․․

• Chanel-ը, Gucci-ն և Burberry-ն հարվածի տակ են. Ինչ են թաքցրել շքեղ ապրանքանիշերը հաճախորդներից  

  Շքեղ ապրանքանիշերը տարիներ շարունակ ոչնչացրել են չվաճառված իրերը՝ բացառիկությունը պահպանելու և իրենց հավաքածուների արժեզրկումը կանխելու համար: Այժմ Եվրամիությունը փորձում է վերջ դնել այս պրակտիկային...

• «Սարսափելի բան չկա». LVMH-ի ժառանգորդը բացատրում է, թե ինչու շքեղ ապրանքանիշերը չպետք է խուճապի մատնվեն ճգնաժամի պատճառով

  Շքեղության համաշխարհային շուկան բարդ ժամանակաշրջան է ապրում. նորաձեւության տների վաճառքը դանդաղում է, չինացի գնորդները ավելի քիչ են ծախսում, իսկ ոլորտի խոշորագույն ընկերությունների բաժնետոմսերը կորցնում են արժեքը․․․

• Առաջին կինը, որը ստեղծում էր էրոտիկ նկարներ. Վերածննդի դարաշրջանի նկարչուհի Լավինիա Ֆոնտանայի պատմությունը

  Իր կենդանության օրոք նա համարվում էր տաղանդավոր դիմանկարիչ, որին վարձում էին ազդեցիկ կարդինալները, իսկ նրա նկարները զարդարում էին իտալական ազնվականության տները․․․

Դուբայը նոր տեսարժան վայր է պատրաստում նրանց համար, ովքեր այս քաղաքը կապում են շքեղության և տպավորիչ ռեկորդների հետ։ Մինչև 2026 թվականի վերջը էմիրությունում նախատեսվում է բացել 24 կարատանոց ոսկուց պատրաստված հետիոտնային արահետ։ Նախագիծը, ըստ կազմակերպիչների ներկայացրած տեղեկությունների, հավակնում է դառնալ աշխարհում առաջին և ամենաերկար ոսկե զբոսավայրն իր տեսակի մեջ։

Ինչպես հայտնում է էմիրաթական Emarat Al Youm պարբերականը, նախագծի մասին պատմել է Dubai Gold District-ի առևտրային ուղղության ավագ տնօրեն Ռաշիդ ալ Համուդին։ Նրա խոսքով՝ արահետի բացումը նախատեսվում է մինչև տարեվերջ, սակայն հստակ ամսաթիվը դեռևս չի հայտարարվել։

Արտասովոր տեսարժան վայրը կստեղծվի Dubai Gold District-ում՝ Դեյրա թաղամասի առևտրային հատվածում, որը հայտնի է իր ոսկերչական խանութներով, ոսկու առևտրով և թանկարժեք զարդերով։ Նախաձեռնության նպատակն է ոչ միայն զարմացնել այցելուներին, այլև ամրապնդել Դուբայի դիրքերը՝ որպես ոսկու առևտրի համաշխարհային գլխավոր կենտրոններից մեկի։

Միևնույն ժամանակ, նախագծի մանրամասները դեռ գաղտնի են պահվում։ Կազմակերպիչները չեն բացահայտում երթուղու ճշգրիտ երկարությունը, օգտագործվելիք ոսկու քանակը և ծածկույթի առանձնահատկությունները։ Հետևաբար, դեռ վաղ է պատկերացնել, թե արահետն ամբողջությամբ սալարկված է լինելու զանգվածային ոսկե ձուլակտորներով։ Այդուհանդերձ, գաղափարն ինքնին արդեն իսկ խոստանում է դառնալ տպավորիչ լուսանկարների և նոր զբոսաշրջային տեսարժան վայրի գրավիչ թեմա։

Dubai Gold District-ը սկսել է գործել 2026 թվականի հունվարին։ Այսօր այն մեծածավալ առևտրային թաղամաս է, որը միավորում է ավելի քան հազար առևտրային կետ, որտեղ ներկայացված են ոսկերչական իրեր, ոսկի, օծանելիք, կոսմետիկա և այլ ապրանքներ։ Ոսկե արահետը ևս մեկ առիթ կդառնա այցելելու այս վայր ոչ միայն գնումներ կատարելու, այլև արտասովոր փորձառություն ունենալու համար։

Սա թաղամասի միակ խոշոր նախագիծը չէ։ Այստեղ նախատեսվում է նաև ստեղծել ոսկու և ոսկերչական իրերի առևտրի համար նախատեսված մեծ ցուցահանդեսային տարածք, որը պետք է ամրապնդի Դուբայի դիրքերը թանկարժեք մետաղների միջազգային շուկայում։

Միևնույն ժամանակ, քաղաքը շարունակում է զարմացնել ոսկե ռեկորդներով։ Հոկտեմբերի վերջին Դուբայում ներկայացվել է հնդկական ավանդական ջումկա ոճի ականջօղերի մի զույգ, որի ընդհանուր քաշը կազմում է 16,514 կիլոգրամ։ Joyalukkas ընկերության պատրաստած՝ 22 կարատանոց ոսկուց այս զարդերն արժանացել են Guinness World Records-ի երկու ճանաչման՝ որպես աշխարհի ամենածանր և ամենամեծ ոսկե ականջօղերի զույգ։ Դրանք վաճառքի հանելու մտադրություն չկա․զարդերը նախատեսվում է թողնել Դուբայում՝ մշտական ցուցադրության համար։

Եթե նախագիծն իրականացվի հայտարարված ժամկետներում, Դուբայը ևս մեկ տեսարժան վայր կունենա, որը լիովին համապատասխանում է քաղաքի ձգտմանը՝ սովորական իրերը վերածելու շքեղության խորհրդանիշների։

Հետևեք NEWS.am STYLE-ին Facebook-ում, Twitter-ում և Instagram-ում