Մարդիկ կան՝ վատ բաներ են մեր հետևից ասում, մարդիկ կան՝ ուրախանում են. Հելոուինը` Հայաստանում

VIDEO. Սոս Ջանիբեկյանը, Լուիզա Ներսիսյանը, Դիանա Մալենկոն և Լևոն Հախվերդյանը՝ սիրային քառանկյունու կիզակետում

Ինչպես Նարեին դիմավորեցին «Զվարթնոց» օդանավականում՝ «Մանկական Եվրատեսիլում» հաղթանակից հետո. երգչուհու էմոցիաները

Թեմա կա. ո՞ւմ մասին է Աստղիկ Սաֆարյանը մտածում գիշերվա 2-ին և ո՞ւմ է տեսնում որպես «Երկու աստղի» հաջորդ զույգ

Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Հուդա․ մոլորված մարդու պատմությունը՝ մենախոսության և ռոքի լեզվով

10:30, 3 նոյեմբերի

Theatre Location թատերական հարթակը շարունակում է թատրոնը ներկայացնել նաև ոչ ավանդական տարածքներում՝ հանդիսատեսին առաջարկելով նոր ձևաչափեր և թատերական փորձառություններ։ Հարթակի նոր լոկացիայում՝ ToneLab Studio-ում, հոկտեմբերի 29-ին ներկայացվեց «Հուդա» մոնո-ռոք բեմադրությունը։ Փաբային միջավայրում թատրոնն ու կենդանի ռոք երաժշտությունը միավորվեցին՝ հանդիսատեսին հրավիրելով նորովի դիտելու աստվածաշնչյան պատմության ամենահակասական կերպարներից մեկին։

 Հուդան համաշխարհային գրականության և արվեստի ամենահակասական կերպարներից է։ Դարեր շարունակ նա ներկայացվել է որպես դավաճանության խորհրդանիշ, սակայն ռուս գրող Լեոնիդ Անդրեևի «Հուդա Իսկարիովտացի» ստեղծագործությունը հնարավորություն է տալիս ավելի խորությամբ դիտելու այս պատմությունը՝ փորձելով հասկանալ ոչ միայն նրա արարքը, այլև այդ արարքի հետևում կանգնած մարդուն։

 Հենց այս գրական հիմքի վրա է ստեղծվել «Հուդա» մոնո-ռոք ներկայացումը, որը հանդիսատեսին առաջարկում է առերեսվել դավաճանության, հավատարմության, ճշմարտության և մարդկային ներքին հակասությունների հետ։ Ներկայացման գաղափարական առանցքում ոչ թե պարզապես Հուդային դատելն է, այլ մոլորված մարդուն ներկայացնելը՝ խորանալով նրա ընտրությունների և հոգեվիճակի մեջ։

 Անդրեևի 1907 թվականին գրված համանուն վիպակում Հուդան միանշանակ չարի մարմնացում չէ։ Հեղինակը նրան ներկայացնում է որպես հակասություններով լի մարդու։ Նա ստում է, խորամանկում, երբեմն նույնիսկ ծաղրում առաքյալներին, սակայն միաժամանակ առանձնահատուկ կապվածություն է զգում Հիսուսի հանդեպ։ Անդրեևի մեկնաբանության մեջ Հուդայի արարքի շարժառիթները շատ ավելի բարդ են, քան պարզապես երեսուն արծաթը։ Գրողը հարցեր է առաջադրում նրա սիրո, նախանձի, միայնության և հավատարմության մասին՝ ընթերցողին թողնելով սեփական դատողության հնարավորությունը։

 Աստվածաշնչյան ավանդության համաձայն՝ Հուդան Հիսուսին մատնում է երեսուն արծաթով՝ համբույրով ցույց տալով նրան զինված մարդկանց։ Սակայն Անդրեևի ստեղծագործության մեջ այդ համբույրը ստանում է նաև հոգեբանական ու խորհրդանշական նշանակություն։ Հուդայի կերպարը դառնում է մարդկային երկակիության, ներքին պայքարի և բարու ու չարի միջև սահմանների անորոշության արտահայտություն։

 Բեմադրության առանձնահատկություններից է նաև ձևաչափը։ Մոնոներկայացման մեջ մեկ դերասանի կատարումը համադրվում է կենդանի ռոք երաժշտության հետ՝ ստեղծելով թատրոնի և համերգային միջավայրի յուրօրինակ միաձուլում։ Հուդայի կերպարը մարմնավորում է Գոռ Սարգսյանը, բեմադրության ռեժիսորն Արտյոմ Ավետիսյանն է, իսկ երաժշտական ուղեկցությունն ապահովում է The Void Band-ը։

Բեմադրության մեջ կարևոր տեղ ունեն նաև Տաթևիկ Մելքոնյանն ու Արման Մաթևոսյանը։ Տաթևիկ Մելքոնյանի ձայնով ներկայացվում է քահանայապետ Աննայի կերպարը, իսկ Արման Մաթևոսյանը բեմում է՝ մարմնավորելով Կայիափային ընթերցման միջոցով: Նրանց ձայները լրացնում են գլխավոր հերոսի պատմությունը՝ ընդլայնելով բեմական գործողության շրջանակը։

 «Փորձել ենք ներկայացնել մարդու, որը մոլորված է»,– այս միտքը կարծես ամբողջացնում է ներկայացման գլխավոր ասելիքը։ Չէ՞ որ երբեմն մարդու արարքը դատելը շատ ավելի հեշտ է, քան հասկանալը, թե ինչ է կատարվում նրա ներսում։ Հուդան պատմության մեջ մնացել է որպես դավաճան, բայց արդյո՞ք նրա պատմությունը միայն դավաճանության մասին է։

 «Հուդա» մոնո-ռոքը չի պարտադրում կերպարի արդարացում կամ դատապարտում։ Այն առաջարկում է մեկ այլ հնարավորություն՝ մի պահ կանգ առնել և փորձել հասկանալ այն մարդուն, որին դարեր շարունակ սովորել ենք մեղադրել։


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search