«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Ինչպե՞ս եք վերաբերվում լողազգեստով լուսանկարներին

Վերջին զանգ․ արցունք, ծիծաղ ու հրաժեշտ մանկությանը

Ժամանակից շուտ մի՛ մեծացեք․ խորհուրդներ երիտասարդներին

Արժի, արդյոք, որ Հայաստանը շարունակի մասնակցել «Եվրատեսիլին»

Նաստյա Կամենսկի. «Իմ երեխայի հայրության շուրջ պատերազմն» արդեն ութ տարի տեղի է ունենում նվազագույնը 15 հոգու միջեւ». NEWS.am STYLE-ի բացառիկը

13:14, 25 մարտի

Ուկրաինական ճանաչված «Պոտապ եւ Նաստյա» դուետից երգչուհի Նաստյա Կամենսկին տաղանդավոր աղջիկ է: 26-ամյա արտիստուհին հասցրել է 2005 թվականին Լոնդոնում UBN Awards-ի «Տարվա բացահայտում» մրցանակ ստանալ, 2009-ին «Viva!» ամսագրի վարկանիշով ճանաչվել է Ուկրաինայի ամենագեղեցիկ կին, ինչպես նաեւ նկարահանվել է Playboy եւ MAXIM ամսագրերի համար:

NEWS.am STYLE-ը ճանաչված երգչուհու հետ զրուցել է Ուկրաինայում տիրող իրավիճակի, նրա «հղիության» եւ ապագայի ծրագրերի մասին:

Նաստյա, ինչպե՞ս եք գնահատում Ուկրաինայում տիրող իրավիճակը, ինչպես նաեւ Ռուսաստանի տարածքում համերգներով հանդես գալու իրավունքից զրկվելու հնարավորությունը (ինչպես եղավ Վակարչուկի դեպքում):

«Պոտապ եւ Նաստյա» դուետի գոյության ամբողջ ընթացքում, երբ Ուկրաինայում ճգնաժամեր են եղել ու երկիրը տարբեր խնդիրներ է հաղթահարել, որպես արտիստներ՝ մենք միշտ ապաքաղաքականացված ենք եղել: Մեր երաժշտությունը հենց այն է, որը միավորել է մեզ եւ մեր ունկնդիրներին: Մենք միշտ հանդես ենք եկել կոնֆլիկտների բացակայության օգտին, նույնիսկ մեր նոր՝ «Все пучком» ալբոմի շնորհանդեսը որոշեցինք հիփի ոճով անել, ինչն ընդգծում է խաղաղության եւ դրական իրավիճակին ձգտումը: Մենք աշխարհի տարբեր հատվածներում բազմաթիվ երկրպագուներ ունենք, ում համար ցանկանում ենք ելույթ ունենալ եւ ում կարող ենք բազմաթիվ դրական էմոցիաներ փոխանցել:

Իսկ ինչպե՞ս կմեկնաբանեք Ձեր հղիության, ինչպես նաեւ Պոտապի եւ Սերյոգայի միջեւ «հայրության շուրջ պատերազմի» մասին լուրերը:

Իրականում, «իմ երեխայի հայրության շուրջ պատերազմը» կա «Պոտապ եւ Նաստյա» դուետի գոյության բոլոր ութ տարիներին, ընդ որում՝ կեսին ես անձամբ չեմ էլ ճանաչում (ծիծաղում է): Պաշտոնապես հայտարարում եմ. ես հղի չեմ եղել եւ հիմա էլ հղի չեմ: Իսկ երբ այդ պատահի, ես կմեկնեմ արտերկիր եւ լրագրողներին ոչ մի հնարավորություն չեմ տա իմանալ իմ հղիության մասին:

Երբեք չե՞ք մտածել անհատական կարիերայի մասին, Պոտապից առանձին:

Այդ մասին մտածել եմ Պոտապի հետ աշխատանքի սկզբնական շրջանում, քանի որ մենք ծրագրում էինք միայն մեկ երգ ձայնագրել եւ չէինք կարծում, որ դուետը երկարաժամկետ նախագիծ կդառնա: Ես որպես անհատ կատարող եմ դաստիարակվել, մեներգչուհու հավակնություններ ունեի: Ժամանակի ընթացքում դրանք չեն մարել, բայց ես հասկանում եմ, որ մենք Պոտապի հետ միասին ենք դուր գալիս մարդկանց, եւ անիմաստ է առանձնանալ միայն անձնական հավակնությունները բավարարելու համար: Առավել եւս, որ փաստ չէ, թե դրանք կարդարանան:

Նաստյա, ինչպե՞ս եք կարողանում միշտ հիասքանչ տեսք ունենալ: Ինչպե՞ս եք հետեւում Ձեր կազմվածքին:

«Պոտապ եւ Նաստյա» դուետը պարզապես խելագար գրաֆիկով է աշխատում: Մեկ շաբաթվա ընթացքում մենք կարող ենք երկու տարբեր աշխարհամասում լինել եւ երեք երկրում ելույթ ունենալ: Իհարկե, իրատեսական չէ ռեժիմին հետեւելը. ես քնում եմ ինքնաթիռներում, ոչ միշտ եմ կարողանում նորմալ սնվել, ստիպված եմ լինում բուտերբրոդ եւ արագ սնունդ ուտել, ինչը միշտ արտացոլվում է կազմվածքի վրա: Բայց երբ վերադառնում եմ տուն՝ Կիեւ, փորձում եմ լավ քնել, անպայման մարզասրահ եմ գնում, լողի եւ մերսման: Ձգտում եմ դիետիկ ուտեստներ ընտրել, օրվա ընթացքում փոքր չափաբաժնով սնվել: Պայմանականորեն ափսեն չորս մասի եմ բաժանում եւ ուտում եմ այնքան, որքան տեղավորվում է ափսեի 1/4 մասում: Թարմ քամած հյութեր եմ խմում, իսկ թեյից եւ սուրճից աշխատում եմ հրաժարվել:

Դուք մի քանի անգամ Ֆրանսիայում եք եղել, ապրել եք Իտալիայում: Երբեւէ մտածե՞լ եք Ուկրաինայից արտագաղթելու մասին:

Ֆրանսիա մեկնել եմ մանկության տարիներին, երեխաների համար նախատեսված ընտանիքների փոխանակման ծրագրի շրջանակում: Հետո մի քանի անգամ եղել եմ արդեն ավելի մեծ տարիքում: Ինձ շատ է դուր գալիս Ֆրանսիայի ճարտարապետությունն ու բնությունը, բայց ֆրանսիացիների մտածելակերպն ինձ այնքան էլ հոգեհարազատ չէ: Նրանք, ում հետ ինձ հաջողվել է ծանոթանալ եւ շփվել, ինձ սնոբ թվացին: Ինձ ավելի հոգեհարազատ է Իտալիան, որտեղ ես 7 տարի ապրել եմ: Ինձ դուր է գալիս այդ երկրի փափուկ, տաք կլիման, տեղի բնակիչների հյուրընկալությունը, ազգային խոհանոցը, ես մինչեւ հիմա հիշում եւ սիրում եմ իտալերենը: Բայց ես սիրում եմ Ուկրաինան եւ չեմ պատրաստվում փոխադրվել այլ երկիր: Երազում եմ ծնողներիս համար Իտալիայի հարավում տուն գնելու մասին, ուր երբեւէ կկարողանամ երեխաներիս հետ նրանց հյուր գնալ:

Նաստյա, կենդանակերպի նշանով ցուլ եք, այսինքն՝ կրքոտ եւ զգացմունքային անհատ, ինչպե՞ս եք կարողանում կյանքում հաղթահարել էմոցիաները:

Ես աներեւակայելի էմոցիոնալ եւ կրքոտ եմ: Ինձ մոտ այնքան զարգացած է դիմախաղը, որ ինձ կարելի է նույնիսկ չլսել: Պարզապես դեմքիս արտահայտությանն եւ շարժումներիս հետեւելով՝ կարելի է հասկանալ, թե ինչ եմ ուզում ասել: Ես ձգտում եմ զսպել զգացմունքներս, բայց հազվադեպ եմ կարողանում. եթե ուրախանում եմ, անհրաժեշտ է, որ ամբողջ աշխարհն ուրախանա, երբ տառապում եմ, անհրաժեշտ է, որ շուրջս բոլորը տառապեն: Հավանաբար, միայն ժամանակն ու տարիքը կկարողանան խաղաղեցնել զգացմունքներս: Իսկ ընդհանրապես, զգացմունքայնության մեջ ոչ մի վատ բան չկա: Ինձ թվում է՝ եթե մարդը զգացմունքային է, հաստատ կարող է իր երգերի միջոցով լավ տրամադրություն նվիրել:

Ձեր սիրելի ուտեստը եւ սիրելի կատարողը...

Սիրելի ուտեստը թունաձկով աղցանն է, իսկ կատարողներից ինձ դուր է գալիս Բեյոնսեն:

Այս տարվա համար ի՞նչ ծրագրեր ունեք:

Վերջերս ես դարձել եմ Ուկրաինայում «Русское Радио»-ի հաղորդավար, որտեղ հեղինակային հաղորդում եմ պատրաստում: Բեմական խոսքով եմ զբաղվում եւ ծրագրում եմ այս տարի համալրել պրոֆեսիոնալ հաղորդավարների շարքերը:

Պատրաստեց՝ Պարույր Սինյավսկին


Հետևեք NEWS.am STYLE-ին Facebook-ում, Twitter-ում և Instagram-ում





  • Related News

TV SHOWS PHOTO VIDEO


@NEWSam_STYLE

  • Archive
Search