• Armflix ֆանտաստիկ որակի Էքսկլյուզիվ ֆիլմեր և սերիալներ՝ առանց սահմանափակումների և գովազդի

  Ուշագրավն այն է, որ Armflix մեդիապլատֆորմը հետաքրքրում է ոչ միայն երիտասարդներին, այլև միջին տարիքի մարդկանց, ովքեր գրանցվում են հարթակում...

• Ինչպես դիտել հայկական արտադրության բացառիկ ֆիլմերը Armflix- ում

  «Armflix»  հարթակը, որը փոխել է հայկական կինոարտադրության որակը շուկայում, նախորդ շաբաթ նախաձեռնեց «Տանդեմ» քրեական դրամայի փակ ցուցադրությունը «Մոսկվա» կինոթատրոնում, որը նկարհանվել է հատուկ Armflix- ի համար...

• «Յաշան ու Լեոնիդ Բրեժնեւը»՝ 5, «Ամերիկացին»՝ 4 մրցանակ. «Անահիտ» մրցանակաբաշխության կարմիր գորգն ու բոլոր մրցանակակիրները (ֆոտո)

  Ապրիլի 16-ին Dvin Music Hall-ում անցկացվեց Հայկական ազգային կինոակադեմիայի 4-րդ «Անահիտ» մրցանակաբաշխությունը...

• «Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

  «Մոսկվա» կինոթատրոնում երեկ՝ ապրիլի14-ին, կայացավ «ՄԵՆՔ» հոլդինգի, նոր՝ «Տանդեմ» քրեական դրամայի առաջին երեք սերիաների ցուցադրությունը...

• «Ամերիկացին»՝ Հայատանում. Ժան Նշանյանը՝ որդու՝ Արմանի հետ աշխատելու, Նարինե Գրիգորյանը՝ Հովիկ Կեուչկերյանի կողքին «փոքր կին» զգալու մասին

  Ապրիլի 4-ից հայաստանյան էկրաններ է բարձրացել «Ամերիկացի» ֆիլմը: Ֆիլմի ռեժիսորը եւ գլխավոր դերակատարը Մայքլ Գյույրջյանն է, պրոդյուսերը՝ Արման Նշանյանը…

• Իննա Խոջամիրյանը, Սոս Ջանիբեկյանը եւ հայկական շոուբիզնեսի հայտնիները՝ «Սիրելի Սահմի»-ի եզրափակիչ սերիաների փակ նախադիտմանը (VIDEO)

  Անցյալից եկած երիտասարդի ու ժամանակակից աշխարհում ապրող ուժեղ աղջկա փխրուն սիրո պատմությունը կարճ ժամանակում գրավեց հայ հեռուստադիտողի ուշադրությունը…

• «Երկարատեւ դադարից հետո ես իմ մեջ ուժ գտա․․․». Երեւանում կայացավ Տիգրան Նալչաջյանի «Կատարյալ ապուշը» ֆիլմի պրեմիերան (ֆոտո)

  Ինչպիսի՞ն է աշխարհը, երբ նայում ես դրան բարի աչքերով, եւ ինչպե՞ս է ընկալվում ամենապարզ մտածելակերպով ու բարի մարդը, երբ տարբերվում է մյուսներից․․․

• Կոպենհագենի վավերագրական ֆիլմերի միջազգային փառատոնում կկայանա Ալեքսիս Պազումյանի «Սեւ այգի» ֆիլմի պրեմիերան

  Ֆրանսահայ լուսանկարիչ եւ ռեժիսոր Ալեքսիս Պազումյանի «Սեւ այգի» վավերագրական ֆիլմի համաշխարհային պրեմիերան տեղի կունենա Կոպենհագենի վավերագրական ֆիլմերի միջազգային փառատոնի շրջանակում․․․

«Այսօր-Պլյուս» ֆիլմարտադրող ընկերության՝ «Ռոմանտիկները» գեղարվեստական նոր ֆիլմի հայաստանյան պրեմիերան կկայանա ապրիլի 25-ին։  Ֆիլմը երիտասարդ ռեժիսորներ Արեգ Ազատյանի եւ Շողիկ Թադեւոսյանի առաջին համատեղ աշխատանքն է։ NEWS.am STYLE-ը զրուցել է ռեժիսորներից մեկի՝ Արեգ Ազատյանի հետ, եւ որոշ մանրամասներ պարզել ֆիլմի ստեղծման, երկու ռեժիսորների համատեղ աշխատանքի եւ այդքան շահարկված բաց տեսարանների մասին։

Ֆիլմը երկու ռեժիսորների համատեղ աշխատանք է։ Ինչպե՞ս ծնվեց միասին աշխատելու գաղափարը եւ դժվար չէ՞ր, արդյոք, երբ նկարահանման հրապարակում երկու ռեժիսոր կար։

Այո’, ֆիլմը իմ եւ Շողիկ Թադեւոսյանի համատեղ աշխատանքն է։ Միանգամից ասեմ, որ մենք բացի համահեղինակ լինելուց, նաեւ ամուսիններ ենք ու արդեն տասը տարի միասին աշխատում ենք, թեեւ սա մեր առաջին համատեղ լիամետրաժ ֆիլմն է։ Այդուհանդերձ, մեկս մյուսին իսկապես լրացնում էինք ու բացարձակ դժվար չէր համատեղ աշխատանքը։ Ինչ վերաբերում է գաղափարին, ապա ֆիլմը հիմնված է իմ վիպակի վրա, իսկ վիպակն էլ՝ իրական դեպքերի վրա։ Սակայն մեզ համար առաջնային էր նկարել մի ֆիլմ, որտեղ ներկայացված կլինի այսօրվա երիտասարդը՝ իր բոլոր կողմերով, առանց որեւէ բարդույթների։

Ֆիլմի մասին շատ խոսվեց հատկապես բաց տեսարանների համար։ Արդյո՞ք դա մտածված հնարք էր՝ ֆիլմի մասին խոսել տալու, թե՞ իսկապես մերկանալու անհրաժեշտություն կար։ Ինչպե՞ս կմեկնաբանեք բաց տեսարանները։

«Բաց տեսարան» ասվածը շատ հարաբերական է այս ֆիլմում, որովհետեւ այս դեպքում խոսքը չի գնում սեքսուալ կամ պոռնոգրաֆիկ բնույթի տեսարանի մասին։ Սա երիտասարդների փոխհարաբերության «չարաշահում» է՝ ծայրահեղացված վիճակում։ Սակայն բաց տեսարանները չեն, որ հանդիսատեսին կարող են «համարձակ» թվալ։ Ֆիլմի թեման ու մոտեցումը, ինչպես նաեւ «բարձրացված» խնդիրներն ու հարցերը, շատ ավելի «համարձակ» կարող են լինել։

Ֆիլմի հայաստանյան պրեմիերան կկայանա ապրիլի 25-ին, սակայն նախքան դա, որքանով տեղյակ եմ, այն արդեն ունեցել է պրեմիերա «Գոթեբորգի» միջազգային կինոփառատոնում։ Ի՞նչ հաջողություններ ֆիլմ ունեցավ այնտեղ։

Այո, ֆիլմի համաշխարհային պրեմիերան տեղի ունեցավ «Գոթեբորգի» միջազգային կինոփառատոնում։ Հանդիսատեսի ու մասնագետների կողմից այն բավական բարձր գնահատվեց։ Հետաքրքիրն այն էր, որ ֆիլմի դիտումից հետո բոլորը մնում էին հարց ու պատասխանին, շատերին էր հետաքրքիր ծանոթանալ իրական կերպարների ու անկեղծ երիտասարդների հետ։ Ֆիլմը առաջիկայում կմասնակցի մի շարք այլ կինոփառատոների, ինչպես նաև վարձույթի դուրս կգա այլ երկրներում։

«Ռոմանտիկները» ժապավենը ստեղծվել է «Այսօր-Պլյուս» ֆիլմարտադրող ընկերության, Հայաստանի Ազգային կինոկենտրոնի, Գոթենբորգի կինոհիմնադրամի, Արեւելաեվրոպական կինոալիանսի, ԷԱՎԻ-ի եւ այլ ընկերությունների աջակցությամբ։

Գլխավոր դերերում ճանաչված դերասաններ Նարեկ Ներսիսյանն ու Նարեկ Քթոյանն են, ինչպես նաեւ Կարեն Խոսրովյանը, Դեւիդ Ֆրանցրեբը, Ռոբերտ Դանիելյանը, Հակոբ Մանուկյանը, Արթուր Ղալումյանը եւ Րաֆֆի Էլլիոթը։

Զրուցեց՝ Շուշան Շատիկյանը

Հետևեք NEWS.am STYLE-ին Facebook-ում, Twitter-ում և Instagram-ում