Արդեն տեղեկացրել ենք, որ Ադրբեջանում սկանդալ է բարձրացել Նյու Յորքում կայացած Big Apple Music Awards մրցանակաբաշխությանը մրցանակներ ստացած երգչուհի Բրիլիանտ Դադաշեւայի շուրջ։ Ադրբեջանի ժողովրդական արտիստուհին արժանացել է Lifetime Achievement Award մրցանակի՝ ստեղծագործական ձեռքբերումների համար։ Նրանից բացի, Իլհամ Գասիմովը ճանաչվել է Ադրբեջանի լավագույն երգչուհի՝ Best Female Artist of Azerbajian, իսկ Թայիր էյնուլլաեւը՝ լավագույն պարող (Best Male Artist of Azerbajian)։ Այս ամենի հետ կապված Ադրբեջանում հիստերիա է բարձրացրել haqqin.az-ը, որը գրել է.
«Ադրբեջանի ժողովրդական արտիստ Բրիլիանտ Դադաշեւան հանգիստ մրցանակներ եւ նվերներ է ստանում ԱՄՆ-ում բնակվող հայերի կողմից։ Բացի մրցանակից, երգչուհուն տրվել է նաեւ դրամական պարգեւ՝ 30 հազար դոլարի չափով։ Big Apple Music Awards մրցանակաբաշխությանը Դադաշեւան նաեւ ստացել է Mercedes մակնիշի ավտոմեքենա, որի մասին ժողովրդական արտիստուհին չի ցանկանում խոսել, քանի դեռ այն Նյու Յորքից Ադրբեջանի մայրաքաղաք չի հասել»։
Հուսեյն Ջավաձաձեի պրոդյուսերն այս կապակցությամբ մեկնաբանություն է տվել, որում ասվում է.
«Պետք չէ մեղվից փիղ սարքել՝ կապված այն բանի հետո, որ Big Apple Music Awards-ի կազմակերպչական 30 անդամներից 3-ը հայեր են։ Եվ Դադաշեւային պետք է շնորհավորել իր հաջողությունների համար, քանի որ նրա տաղանդը հիացնում է, եւ նրա դեմ անզոր են անգամ թշնամիները։ Նյու Յորքի Master Theatre բեմում, որտեղ տեղի է ունեցել մրցանակների հանձնման արարողությունը, Դադաշեւան կատարել է «Vokaliz» երգը, որը մեկ անգամ չէ, որ գողացվել է հայերի կողմից։ Ելույթի ժամանակ դահլիճում ծածանվել է Ադրբեջանի դրոշը», -ասել է նա։
Ադրբեջանական կայքի պատասխանն իրեն սպասեցնել չի տվել։
«Ստիպված եմ փաստել, որ Դադաշեւայի մեկնաբանության մեջ շատ է ցուցադրական պաթոսը, մեղադրանքը եւ ափսոսանքի ոչ մի գրամ։ Իր ֆեյսբուքյան էջում Դադաշեւան պատասխանել է մեր հարցին, թե ճիշտ է արդյոք հայերից ստանալ 30.000 դոլար եւ ավտոմեքենա։ Երգչուհին գտնում է, որ դրա մեջ ոչ մի վատ բան չկա։ Նույն կերպ Տաիսա Պովալին կարծում է, որ որ ոչ մի վատ բան չկա մասնակցել օկուպացված Ղրիմում Ռուսաստանի օրերի տոնակատարություններին։ Սակայն տխրեցնում է մեկ այլ բան՝ Դադաշեւայի պահվածքը։ Նա փորձում է իր արարքները ներկայացնել որպես հայրենասիրական քայլ։ Նա զարմանում է, որ ինչ-որ մեկին նյարդայնացնում է այն, որ նա Նյու Յորքի կենտրոնում ադրբեջանական երգ է կատարել, բարձրացրել Ադրբեջանի դրոշը եւ քվեարկության արդյունքում արժանացել մրցանակի։
Սա պարզունակ միջոց է խոսակցությունն այլ թեմայով տանելու համար։ Եթե նա մրցանակ ստանար այլ կազմակերպության կողմից, այլ ոչ նրանից, որի ղեկավար կազմում հայեր են, մենք չէինք գրի այդ մասին։ Չգիտեմ՝ Դադաշեւան տեղյա՞կ է, որ Նյու Յորքը հսկայական է եւ այնտեղ ադրբեջանական դրոշով երգելու համար այլ վայրեր կան։ Ցավոք, ներողության փոխարեն Դադաշեւան կարճում է պատասխանները։ Եվ նրա շրջապատից ոչ ոք չի ակնարկում, որ հիմարությունը՝ ասված բարձրաձայն, կարող է մեկընդմիշտ դիպչել նրա հեղինակությանը։ Չնայած, երգչուհին յուրահատուկ պատկերացումներ ունի հեղինակության վերաբերյալ։ Իրական ադրբեջանական դաստիարակության կրողը երբեք թույլ չեր տա իրեն շատ բաներ, ինչը որ թույլ է տվել Դադաշեւան»։
Հետևեք NEWS.am STYLE-ին Facebook-ում, Twitter-ում և Instagram-ում
12:20, 17 մայիսի
«Մեգալոպոլիս»-ի դեբյուտը Կաննում ուղեկցվել է 7-րոպեանոց հոտնկայս ծափահարություններով11:28, 17 մայիսի
«Լադանիվա»-ն ներկայացրել է «Արարատ» հայտնի երգն՝ իր մեկնաբանությամբ (VIDEO)10:05, 17 մայիսի
Մոսկվայում անհետացել է «Папины дочки» հեռուստասերիալի դերասանը09:00, 17 մայիսի
ՄԱՅԻՍԻ 17-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:20, 16 մայիսի
Հայազգի երգչուհի Մարիամ Մերաբովան կոչ է արել ռուսներին չներել Պուգաչովային, որն իրենց ստրուկ է անվանել22:28, 16 մայիսի
Մերիլ Սթրիփը հիշել է, թե ինչպես է նկարահանել վտանգավոր սեքսուալ տեսարանում21:29, 16 մայիսի
«Նոր Ալիք 2024» միջազգային երգի մրցույթում Հայաստանը կներկայացնի Անահիտ Հակոբյանը21:09, 16 մայիսի
HerMine Dialog-ը՝ բացօթյա ձեւաչափով․ երեւանյան բեմում կներկայացվեն հայկական մթերքներով ուտեստներ20:28, 16 մայիսի
InTouch. Աֆլեքն ու Լոպեսը երկու տարվա ամուսնությունից հետո պատրաստվում են ամուսնալուծվել19:04, 16 մայիսի
Ալեքսանդր Դուլին. «Ես անսահման ուրախ եմ Հայաստան վերադառնալու համար»16:12, 16 մայիսի
Բրիթնի Սփիրսի հուզիչ խոստովանությունն իր ընտանիքի մասին՝ տարիներ շարունակվող թշնամանքի ֆոնին15:24, 16 մայիսի
Երգչուհի Վալերիան բացատրել է Բուզովայի կյանքում տղամարդու բացակայության պատճառը