Վահե Թիլբիյանը Եթովպիայում ծնված հայ երգիչ է։ Մեր ընկեր Մարկ Հովհաննիսյանի շնորհիվ մենք բացահայտեցինք մեզ համար այս գերդրական մարդուն, ով երգեր է ստեղծում հեռավոր Ադիս-Աբեբայում՝ չմոռանալով այն մասին, թե որտեղից են իր արմատները։ NEWS.am STYLE-ը զրուցել է նրա հետ, ով զրույցի առաջին րոպեներից դրսեւորեց մեր ազգին հատուկ հումորի զգացողությունը։
«Ես ծնվել եւ մեծացել եմ Եթովպիայի մայրաքաղաք Ադիս-Աբեբայում։ Տարիքս չեմ նշում, ես այնքան երիտասարդ չեմ, ոչ էլ շատ (ծիծաղում է)…»
Վահե, ի՞նչ երաժշտություն ես դու լսում։
Ես լսում եմ բացարձակապես ամեն ինչ։ Շատ եմ սիրում լատինո ոճի երաժշտություն, Կանադայում ես նույնիսկ լատինաամերիկյան պարերով եմ զբաղվել։ Ամեն դեպքում, երաժշտություն պաշտում եմ մանկուց, ինչ էլ որ այն լինի՝ փոփ, լատինո, հայկական, արեւմտյան, եթովպիական։ Այժմ ես կենտրոնացած եմ փոփ-ռոք ժանրի վրա, երգում եմ ռեգգի, ռոք, ռետրո։
Երբ ավարտեցի University of British Columbia համալսարանը, վերդարձա Եթովպիա եւ սկսեցի պարի դասեր տալ։ Այժմ միայն երգեր եմ գրում եւ կատարում։
Ի՞նչ ծրագրեր ունես ապագայի հետ կապված։
Ի՞նչ ծրագրեր...Ինչպես ստացվի։ Ամեն ինչ Աստծո կամոք է։ Եթե ստացվի, կցանկանամ տարածել իմ երաժշտությունն ամբողջ աշխարհում, դառնալ մի երգիչ, ով համաշխարհային շրջագայություններ կունենա։
Իսկ ի՞նչ կասեք Հայաստան գալու մասին։
Ես կգամ Հայաստան։ Ես արդեն եղել եմ հայրենիքում՝ 2005 եւ 2007 թվականներին։ Ես շատ եմ ցանկանում գալ եւ երգել Հայաստանում։ Կցանկանայի նաեւ հայկական երգերի ձայնասկավառակ թողարկել հենց Հայաստանում։ Այս աշխարհում ոչինչ հեշտությամբ չի տրվում, բայց ես աշխատում եմ, երգում, ես բացի երգելուց այլ գործով չեմ զբաղվում։ Դա իմ կյանքն է։ Աշխատանքը, նաեւ կյանքը պետք է սիրել։ Առանց սիրելու հնարավոր չէ աշխատանքը լավ կատարել, դու պետք է ամբողջությամբ դրա մեջ լինես, ապրես դրանով։
Ինչպե՞ս է Եթովպիայում։
Օ, եթովպացիները հրաշալի մարդիկ են։ Հայերի նկատմամբ հրաշալի են տրամադրված։ Հայերը վաղուց են հաստատվել Եթովպիայում։ 40 որբերի պատմությունը (1924 թվականին Ցեղասպանությունից տուժած 40 որբեր կայսր Հայլե Սելասսի I-ի կողմից ընդգրկվել են հոգեւոր նվագախումբ, որի դիրիժորը գրել է նոր հանրապետության առաջին հիմնը) ապացուցում է, թե որքան հարգանքով են նրանք մեզ վերաբերում։ Միակ օտարեկրացիները, որոնք Եթովպիայի քաղաքացիություն են ստացել, հայերն են եղել։ Հայկական համայնքն այստեղ այդքան էլ մեծ չէ։ Մինչ 70-ականների հեղաշրջումը, մոտավորապես 1500 հոգի ենք եղել, այժմ՝ 80։ Մենք ունենք մեր դպրոցը, մանկապարտեզը, եկեղեցին։ Մենք բոլորս այստեղ սովորել ենք հայոց լեզուն դպրոցում եւ մեր ընտանիքներում։
Զրուցեց՝ Պարույր Սինյավսկին
Լուսանկարներ՝ Արամազդ Քալայջյան
Հետևեք NEWS.am STYLE-ին Facebook-ում, Twitter-ում և Instagram-ում
23:05, 1 մայիսի
Ինստասամկան պատմել է ֆիլերներից հետո առաջացած առողջական խնդիրների մասին22:31, 1 մայիսի
Երկար սեւ զգեստ, առատ աքսեսուարներ. «Միսս Աշխարհ Արմենիա 2021» Միրնա Բզդիգյանի նոր ֆոտոշարքը21:15, 1 մայիսի
Նրբակազմ Մալենան՝ նոր՝ «գունատ վարդագույն» կերպարում20:40, 1 մայիսի
Արհեստական ինտելեկտի նոր սահմանները. «Մահվան հաշվիչը» սարսափելի ճշգրտությամբ կանխատեսում է, թե որքան ժամանակ է ձեզ մնացել ապրելու19:19, 1 մայիսի
Wine Story. Գինու միտումներ 2024. ի՞նչ են խմելու գինու սիրահարները17:05, 1 մայիսի
«Հատուկ դասարան»-ից հայտնի Արաքսյա Խաչատրյանը սպասում է առաջնեկին16:12, 1 մայիսի
Franck Muller-ը եւ S.T. Dupont-ը ներկայացրել են Master Lighter կրակայրիչը15:27, 1 մայիսի
Իրինա Շեյքը մերկացել է Marc Jacobs-ի գովազդային արշավի համար14:05, 1 մայիսի
Դերասանուհի Ջուլիա Եղշատյանն ու ամուսինը սպասում են իրենց առաջնեկին13:16, 1 մայիսի
Թոմ Քրուզը «շոյված է» այն մտքից, որ Իրինա Շեյքը հետաքրքրված է իրենով, բայց այս «առաքելությունն անհնարին է»12:22, 1 մայիսի
«Հնդկական հարսանեկան դիմահարդարում»՝ նոր թրենդ Tiktok-ում եւ Instagram-ում. Գոհար Ավեստյանը ներկայացրել է իր տարբերակը11:57, 1 մայիսի
Դիտա ֆոն Թիզը ապացուցում է, որ ժամանակն իր հանդեպ անզոր է