• Կես դար Հայաստանի ազգաին ֆիլհարմոնիկի կազմում. քնարահարուհի Ժաննա Հովհաննիսյանի պատմությունը

  Ծնողներս համարում էին որ երաժշտությունը՝ հոգու համար է, իսկ ավելի «կոնկրետ» մասնագիտություն ստանալը պարտադիր է․․․

• Մեծամտությունից, իրար չլսելուց, խաբելուց, բողոքելուց հայերը պետք է հրաժարվեն

  «Բլոկադա» ներկայացումը պատմում է արցախցի ընտանիքի մասին, որի կյանքը փոխվում է շրջափակման հետևանքով, և Երևանից Արցախ հասած ընտանիքի հետ հանդիպման մասին...

• Վարդուհի Վարդանյանի թոռնուհին ելույթ կունենա նրան նվիրված համերգին․ ինչպե՞ս են անցնում համերգային փորձերը (VIDEO)

  «Բարձրաձայն կարոտ»՝ այսպես է կոչվում Վարդուհի Վարդանյանին նվիրված մեծ համերգը, որը տեղի կունենա հոկտեմբերի 7-ին՝ Adana Complex-ում...

• Ռաֆայել Երանոսյանը նորություն ունի. նա «հարսանեկան» տեսանյութ է հրապարակել

  Ռաֆայել Երանոսյանն իր սոցիալական էջերում «հարսանեկան» տեսանյութ է հրապարակել...

• Թաթա Սիմոնյան. Սեպտեմբերի 27-ին իմ համերգի ցուցադրումը Հանրային հեռուստաընկերության կողմից համարում եմ՝ արդարացում չունեցող կոպիտ սխալ

  Հասկանում եմ ու միանգամայն համաձայն եմ. Սեպտեմբերի 27-ին անթույլատրելի էր ուղղակի եթերում ցուցադրել այդ համերգը: Այս մասին իր Ինստագրամում գրել է Թաթա Սիմոնյանը...

• «Մանկական Եվրատեսիլի» մեր մասնակիցը բացահայտված է, Գոհար Ավետիսյանը՝ ֆիլմում, Garou-ն՝ Երևանում, հայտնի դերասանները 20 տարի անց պսակադրվեցին․ Instagram-ը՝ այս շաբաթ

  Այս շաբաթ առանձնացրել ենք մի քանի հետաքրքիր լուսաբանում, որոնք տեղ են գտել NEWS.am STYLE-ի ինստագրամյան էջում...

• Սեքսը՝ որպես երիտասարդության էլիքսիր. Ինչպես միլիարդատեր Գալուստ Գյուլբենկյանը փորձեց երկարացնել իր կյանքը

  Գալուստ Կյուլբենկյանը պատմության մեջ մտավ որպես փայլուն ձեռներեց և բարերար․․․

• Գոհար Ավետիսյանը՝ դերասանուհու դերում, Զիրոյանը՝ Արկադի Դումիկյանի կերպարում, իսկ կարմիր գորգին՝ հարսանեկան անակնկալ. կայացավ «Մեկ in Մեկ» ֆիլմի պրեմիերան

  Ինչի՞ եք դուք պատրաստ՝ հանուն ձեր մտերիմ ընկերոջ. «Մեկ in Մեկ» ֆիլմի հերոս Արամը, հայտնի դիմահարդար Գոհար Ավետիսյանի օգնությամբ, պատրաստ եղավ, նույնիսկ, ծայրահեղ քայլի…

Մայիսին ավարտին մոտեցավ ամերիկյան «Վամպիրի օրագրերը» (The Vampire Diaries) հանրաճանաչ հեռուստասերիալի 5-րդ եթերաշրջանը: Աշխարհը գրաված հեռուստասերիալի այդ եթերաշրջանի 17-րդ էպիզոդից սկսած գլխավոր հերոսների` Էլենայի (Նինա Դոբրև), Ստեֆանի (Փոլ Ուեսլի) և Դեյմոնի (Իեն Սոմերհոլդեր) ճանապարհին հայտնվում է նոր չարագործ` թափառական կախարդ Մարկոսը, ում մարմնավորում է մեր հայրենակից Րաֆֆի Բարսումյանը: Այս փաստը, իհարկե, չէր կարող մեզ անտարբեր թողնել: Այսպիսով, փորձեցինք կապ հաստատել Րաֆֆիի հետ, որը սիրով համաձայնվեց մեզ հետ զրուցել իր հայկական ծագման, ԱՄՆ-ում հաստատվելու, «Վամպիրի օրագրերը» հեռուստասերիալում հայտնվելու և այլ թեմաների շուրջ:

-Րաֆֆի´, մի փոքր կպատմե՞ք Ձեր մասին: Ինչպե՞ս ստացվեց, որ տեղափոխվեցիք Միացյալ Նահանգներ:

- Իմ ծնողները ծնվել և մեծացել են Բեյրութի հայկական համայնքում: Ես ևս անյտեղ եմ ծնվել: Բեյրութում ծագած հակամարտությունների պատճառով հայրիկիս կողմի բարեկամներից շատերը տարիների ընթացքում սկսեցին արտագաղթել Միացյալ Նահանգներ: Երբ երկրում խորացավ քաղաքացիական պատերազմը, իմ ծնողները որոշեցին, որ մենք ևս պետք է տեղափոխվենք այնտեղ և մեկնեցինք Լոս Անջելես: Այն ժամանակ ես 1 տարեկան էի: Այսպիսով, մեծացել եմ Կալիֆորնիայում: Սակայն ծնողներս միշտ էլ ուշադիր են եղել, որպեսզի մենք պահպանենք մեր հայկական արմատներն ու մշակույթը: Տանը միայն հայերեն էինք խոսում, շրջապատում էլ գերակշռում էին հայերը: Այնպես որ` ես սահուն  տիրապետում եմ արևմտյան հայերենին:

- Երբևէ եղե՞լ եք Հայաստանում:

 - Ինձ ընդամենը մեկ անգամ է բախտ վիճակվել լինել Հայաստանում: 2005 թ-ին ընտանիքով այցելեցինք Հայաստան: Երևանում հանդիպեցինք մեր ընկերներին, իսկ հետո շրջագայեցինք երկրով մեկ: Օգտագործել ենք յուրաքանչյուր հնարավորություն, որպեսզի տեսնենք մեր հին եկեղեցիներն ու պատմական վայրերը:

-Իսկ ունե՞ք որևէ նախընտրած հայկական ուտեստ:

- Ես դրանք բոլորն էլ սիրում եմ, բայց ինձ համար ոչինչ չի համեմատվի հայկական քուֆթայի հետ:

- Որտե՞ղ և ինչպե՞ս սկսեցիք զբաղվել դերասանական կարիերայով:

- Շատ վաղ տարիքից եմ հետաքրքրված եղել դերասանական արվեստով: Ավագ դպրոցում, վերջապես, հնարավորություն ունեցա հաճախելու թատերական դասընթացների` դպրոցում և դրանից դուրս:  Հենց այդ տարիքից սկսեցի մասնակցել Լոս Անջելեսի լսումներից շատերին: Դպրոցից հետո ընդունվեցի Կառնեգի Մելոն համալսարան, որն իմ առջև դռներ բացեց դեպի մեծ բեմ: Այդ ամենն ինձ համար նոր էր և հետաքրքիր:Այնուհետև ուսումս շարունակեցի Փարիզում: Բացի պարապմունքներից, վերջին տասը տարիների ընթացքում ակտիվ բեմական կյանք եմ վարում. հանդես եմ գալիս ԱՄՆ-ի տարբեր դասական թատրոնների բեմերում:

 Ինձ, սակայն, միշտ էլ հետաքրքրել է կինոն և հեռուստատեսությունը: Այսպիսով, հիմա ամեն ինչ անում եմ նորանոր նախագծեր նվաճելու համար:

- Կա՞ն հայ կամ արտասահմանցի դերասաններ, ում աշխատանքը սիրում և գնահատում եք:

- Այնքան մեծ ցուցակ կլինի, եթե թվարկեմ նրանց անունները: Շատ դերասաններ կան, որոնցից դեռ շատ բան ունեմ սովորելու:

 - Րաֆֆի´, հետաքրքիր է` ինչպե՞ս հայտնվեցիք «Վամպիրի օրագրերը» հանրաճանաչ հեռուստասերիալում:

- Բախտավոր եմ ինձ համարում, քանի որ մասնակցեցի լսումներին և ինձ ընտրեցին Մարկոսի  դերի համար:

- Իսկ մինչ այդ հետաքրքրվա՞ծ էիք այդ հեռուստասերիալով:

- Մինչ այդ չէի հետևում այդ հեռուստաշոուին, սակայն, իհարկե, լսել էի դրա մասին:

- Ֆիլմի դերասանական կազմի հետ արդեն հասցրե՞լ եք մտերմանալ:

- Այդ ֆիլմում նկարահանվող դերասաններից յուրաքանչյուրն այնքան ջերմ և բարեհամբույր է: Իմ տեսարաններից շատերում նկարահանվել եմ Մարգարիթ Մակինթայերի (ֆիլմում` շերիֆ Ֆորբս), Իեն Սոմերհոլդերի (ֆիլմում` Դեյմոն) և Մայքլ Տրեվինոյի (ֆիլմում` Թեյլոր Լոուքվուդ) հետ: Այսպիսով, ժամանակիս մեծ մասը հենց նրանց հետ եմ անցկացրել: Նրանք շատ մեծահոգի և զվարճալի մարդիկ են:

- Ֆիլմում Դուք մարմնավորում եք չարագործ Մարկոսին: Արդյոք հե՞շտ էր լինել այդպիսին:

- Նկարահանման ընթացքում պարզեցի, որ Մարկոսը չափազանց հետաքրքիր կերպար է: Սցենարիստները ջանք չէին խնայում նրա անսահման ուժը ցուցադրելու համար: Հետաքրքիր էր հետևել այդ ընթացքին: Դա ֆիլմում նկարահանվելու լավագույն կողմն էր ինձ համար` մարմնավորել մի կերպարի, ով չափազանց քիչ ջանք է գործադրում, բայց դառնում է ահռելի փորձանքների պատճառ:

-Որքանո՞վ է Րաֆֆին նման Մարկոսին:

-Մարկոսի պես ես ևս ունեմ 188 սմ հասակ և եթե ցանկանամ, կարող եմ պահել մորուք (ծիծաղում է):

-«Վամպիրի օրագրերը» ֆիլմի անձնակազմն արդեն հայտարարել է, որ առջևում սպասվում է հեռուստասերիալի 6-րդ եթերաշրջանը: Հնարավո՞ր է տեսնենք Մարկոսին ֆիլմի նոր եթերաշրջանում:

-Դա կախված է միայն սցենարիստներից և, իհարկե, նաև ֆիլմի երկրպագուներից:

-Ի դեպ, ֆիլմի երկրպագուները շատ ակտիվ են: Նրանք սիրում են տարբեր ֆորումներում քննարկել իրենց սիրելի հերոսներին: Դուք ի՞նչ կարծիքներ եք ստանում Ձեր մարմնավորած կերպարի մասին:

- «Վամպիրի օրագրերը» ֆիլմի երկրպագուներն, իրոք, եզակի են: Մինչ ֆիլմում նկարահանվելը չէի պատկերացնում այդպիսի նվիրվածություն: Նման սիրված նախագծում հայտնվելուց հետո, ցանկանում ես անել հնարավորինը, որպեսզի չհիասթափեցնես նրանցից և ոչ մեկին: Այս ընթացքում շատ բարի խոսքեր եմ լսել, այնքան շատ նամակներ եմ ստանում:

- Վերջին շրջանում «Վամպիրի օրագրերը» դարձել է հայ ֆիլմասերների ամենասիրելի ամերիկյան հեռուստասերիալներից մեկը:  Հնարավո՞ր է` մի օր այստեղ հանդիպում ունենաք ֆիլմի երկրպագուների հետ:

- Անհամբերությամբ սպասում եմ, թե երբ եմ մի օր կրկին այցելելու Հայաստան: Այնքան ուրախ եմ, որ այս հեռուստասերիալի շնորհիվ այդտեղ ևս շատերն իմ աշխատանքը գնահատելու հնարավորություն ունեցան: Այդ ամենը շատ հաճելի է:

- Մարկոսը դարձել է հեռուստասերիալի ամենասիրելի տղամարդ կերպարներից մեկը: Համոզված ենք, որ շատերին կհետաքրքրի` արդյոք Րաֆֆիի սիրտը զբաղվա՞ծ է:

-Րաֆֆիի մասին ոչինչ չեմ կարող ասել, բայց այ Մարկոսը, միանշանակ, ազատ է… :

Հ.Գ. Ի դեպ, Րաֆֆի Բարսումյանն անցած տարի  նկարահանվել է հայազգի ռեժիսոր Հայկ Համբարձումի «Մեծարենց» ֆիլմում, որը պատմում է ամերիկահայ մի երիտասարդի մասին, ում բախտ է վիճակվում մարմնավորել հայ մեծանուն բանաստեղծ Միսաք Մեծարենցին: 

                                                                                                                     Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում