Սեւ կատակերգություն՝ ապրելու կարեւորության մասին. «Սեւազգեստ կանայք» ֆիլմի փակ դիտումը` Երեւանում

Կարմիր գորգ. հայտնիների look-երը` «Սեւազգեստ կանայք» ֆիլմի պրեմիերային

ՇոկTok. «Հորս կարիքն այլեւս չեմ զգում». տիկտոկեր Նանո

Ֆոտովլոգ Արսեն Սարգսյանի հետ. խելահեղ Նյու Յորք

ՇոկTok. «Շատերն են թիկունքիցս հարվածել». տիկտոկեր Մանե (man_go)

BACKSTAGE. Ինչպես են ընթանում «Բոլոլա» սիթքոմի նկարահանումները

ՇոկTok. «Երբեք չեմ ցանկանա տղա լինել». տիկտոկեր Արմինե (@poso)

«Stylish Faces». Հայաստանում ԵՄ պատվիրակության ղեկավար, դեսպան Անդրեա Վիկտորին

Հայտնիների կենդանիները. Դայանա Դավթյանի շնիկը՝ Վիննին, եւ ինչ է պահել «Միսս Տիեզերք Արմենիա 2019» ճանաչված գեղեցկուհին նրանից առաջ

ՇոկTok. «Համբույրի տեսարանի պատճառով հրաժարվել եմ նոր նախագծում նկարահանվել». Լիլիա Վարդանյան

Հայտնիների կենդանիները․ Սյուզաննա Մելքոնյանի կատվիկը, որին երգչուհին տվել է իր սիրելի արտիստի անունը

ՇոկTok. Իրինա Այվազյանը` կարոտի եւ որոշ ժամանակ սոցցանցերից ջնջվելու մասին

Yerevan Fashion Week-ի առաջին օրվա մանրամասները՝ NEWS.am STYLE-ի ռեպորտաժում

«Stylish faces». օծանելիքի փորձագետ Բոգդան Զիրյանովը՝ Հայաստանի բույրերի մասին

ՇոկTok. «Հորս սպանել են, երբ 15 տարեկան էի». տիկտոկեր Աշոտ (@ashayvi)

ՇոկTok. Տիկտոկեր Լոլան` առողջական խնդրի,«Հումորի լիգա»-ում կատարված սկանդալի ու հոր  բացակայության մասին

HAUSER-ը ժամանել է Երեւան․ երաժշտի տրամադրությունը՝ «Զվարթնոց» օդանավակայանում

Նիգերիացի բլոգեր Shady Shae-ն փորձում է գուշակել հայերեն բառեր

Կնոջ դաստիարակության հայկական տարբերակը

22:11, 17 հուլիսի

Օրերս ընկերներիցս մեկի հետ զրուցելիս ես կրկին լսեցի հայերի շրջանում այն տարածված կարծիքը, որ կնոջը պետք է դաստիարակել։ Նա իր ապագա կնոջ հետ ծանոթացել է, երբ 16 տարեկան է եղել, եւ նրա խոսքով՝ իրենց ծանոթության առաջին իսկ պահից նա այդ աղջկան «դաստիարակել» է՝ իրենց հետագա ամուսնական կյանքի համար։ Եվ բնականաբար այդ «դաստիարակությունը» իր մեջ ներառել է արական սեռի այլ ներկայացուցիչների հետ շփման արգելք (բացառություն են կազմում միայն բարեկամները), քաղաքով շարժվելու վերահսկողություն, ընկերուհիների մանրակրկիտ ընտրություն, զգեստապահարանի փոփոխություն եւ այլն։

Նա եղել է այդ աղջկա առաջին տղամարդը բոլոր հարցերում՝ սկսած առաջին հաճոյախոսությունից ու ծաղկեփնջից,  մինչեւ անկողին, իհարկե։ Ինչպես իսկական հայկական իգիթ՝ նա թույլ է տվել, որ աղջիկը ստանա բարձրագույն կրթություն, սակայն կտրականապես արգելել է աշխատել։ Ինչպես Պիգմալիոնը, այնպես էլ նա, զգուշորեն քանդակել է իր Գալաթեային՝ ջանք ու եռանդ չխնայելով։ Նա մտադիր է եղել ստեղծել իդեալական հայ կին։ Սակայն աստվածները բավականին դաժան, բայց առանց հումորի, պատժում են նրանց, ովքեր փորձում են յուրացնել իրենց սուրբ առաքելությունը։

Իմ ընկերոջ կինը իսկապես իդեալական հայ կնոջ կերպար ունի, բայց ճակատագրի հեգնանքը նրանում է, որ հիմա այս ամենը հենց նրան է բարկացնում։ Ընկերս դժգոհում է բոլոր հարցերում կնոջ անկարողությունից, մշտական կամակորություններից եւ անհեթեթ (ըստ ընկերոջս) պահանջներից։ Ինչպես իմ ընկերն ասաց՝ «իր կինն ունի շատ սահմանափակ մտահորիզոն»։ Կինը հանկարծ նմանվել է երեխայի, նրա մեջ ոչ մի կանացի իմաստություն չկա, որն ի դեպ, ունի իր սիրուհին։ Վերջինս իր կնոջ հակապատկերն է. սիրուհին անկախ է, փորձառու, բավականին սկզբունքային եւ ըստ իմ ընկերոջ՝ նա շատ խելացի եւ ուժեղ կին  է։

«Ես նրա հետ ինձ շատ լավ  եմ զգում։ Նրա հետ հանգստանում է եւ մարմինս, եւ հոգիս»,-ասաց նա։ Ընդ որում, նա իր կնոջը մտադիր չէ թողնել, եւ անգամ դա «կսպանի» նրան, քանի որ նա առանց իր կնոջ ապրել չի կարող այս դաժան աշխարհում։

Ըստ ընկերոջս՝ նա երկու կանանց էլ շատ է սիրում, բայց տարբեր-տարբեր։ Իսկ  ամենահետաքրքիրը այն է, որ նա իր սիրուհուն չի էլ փորձում դաստիարակել։ Նա ընդունում է սիրուհուն որպես անհատականություն, ով բավականին կայացած մարդ է, բայց կնոջ դաստիարակությունը շարունակվում է։ Այժմ դա արտահայտվում է «Ե՞րբ տանը կլինես» կամ «Որտե՞ղ ես» հարցերին կտրուկ պատասխանելով, բայց չէ՞ որ իսկական հայ մաչոն չպետք է հաշվետվություն տա իր կնոջը։ Ի դեպ, 3-4 բաժակ կոնյակ խմելուց հետո ընկերս խոստովանեց, որ միգուցե չափն անցել է կնոջ «դաստիարակության» հարցում։ Իհարկե, սա «Ֆրեյդյան լեզվի սայթաքում» էր։ Հասկանալով, որ սխալ բան ասաց, նա կրկին սկսեց «հին երգը երգել»...

Իմ մյուս ընկերը մի անգամ ասաց, որ կուզենար ամուսնանալ այնպիսի մի աղջկա հետ, ում համար «հեռախոսը հրաշք կլիներ»։ Եվ այդ ժամանակ ես հասկացա, որ «կանանց դաստիարակության», «կնոջ տեղի» մասին խոսակցությունները տղամարդկանց վախի ու ինքնավստահության պակասի հետեւանք են։ Հայ տղամարդը պարզապես վախենում է։ Պատասխանատվության չափից մեծ զգացում։ Տղամարդու՝ իրեն եւ արական սեռի այլ ներկայացուցիչներին իր տղամարդկային եսասիրությունն ապացուցելու անհրաժեշտությունը ստիպում է իրեն փնտրել ավելի թույլ զուգընկերուհի, ով բոլոր հարցերում զիջող եւ իրենց ցածր կլինի։ Այդպես իր համար ավելի հեշտ է ղեկավարի եւ իշխողի դերում լինել։ Նա առաջինը կլինի, ով կնոջ համար կբացահայտնի «հեռախոսի հրաշքը», նա առաջինը իրեն կհամբուրի, ծաղկեփունջ կտա, եւ կզրկի կուսությունից։ Տղամարդկանց հիմնական նպատակը առաջինը լինելն է։ Գլխավորը, որ կինը համեմատելու հնարավորություն չունենա, քանի որ տղամարդիկ ամենից շատ հենց համեմատվելուց են վախենում։ Նրա համար կարեւոր է այն, որ իր ընկերուհին ոչ մեկի «առնանդամը»՝ եւ ուղիղ, եւ փոխաբերական իմաստներով, չտեսնի, որովհետեւ այդ «իրավիճակը» կարող է ցած իջեցնել նրան իր հպարտ եւ իշխող դիրքից։

 

Էմմա Օ.


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով

TV SHOWS PHOTO VIDEO


@NEWSam_STYLE

  • Արխիվ
Որոնել
  • Հարցում
Քվեարկել են (9)  |  Այլ հարցում