Աղմուկ հանած «Պարֆյումեր» ֆիլմը ֆանտաստիկ է, սակայն, ինչպես ասում են, «հիմնված է իրական դեպքերի վրա»։ Մենք՝ մարդիկս, չնայած քաղաքակրթությանը, մշակույթին ու նման այլ բաներին, այնուամենայնիվ, շատ բան ունենք մեր կենդանական նախնիներից։ Մասնավորապես՝ արձագանքում ենք այլ մարդու հոտին եւ հաճախ դա որոշիչ դեր է ունենում։
Կարծրատիպերի մերժման մեր դարում կանայք հաճախ օգտվում են նաեւ տղամարդկային բույրերից, քանի որ այն պարզապես, դուր է գալիս նրանց։ Եվ դա զարմանալի չէ, քանի որ տղամարդու օծանելիքը պատրաստում կանանց, իսկ կանացիները՝ տղամարդկանց դուր գալու համար։ Այնպես որ, ռոմանտիկ ընթրիքի համար NEWS.am STYLE - ը խորհուրդ կտայի հրաժարվել տղամարդկային բույրերից ու նախընտրել կանացին։
Իսկ հիմա ֆերոմոններով օծանելիքի մասին։ Ցանկացած մարդու մաշկն իր յուրահատուկ բույրն է արտադրում։ Այն այնքան թույլ է, որ չենք էլ զգում, ավելի ճիշտ՝ չենք գիտակցում, սակայն այն իր հետքն է թողնում եւ կարող է ուժգին համակարանք առաջացնել։ Բանն այն է, որ յուրաքանչյուր մարդու մաշկի բույրն իր մեջ պարունակում է ֆերոմոններ՝ նյութեր, որոնք գրավում են հակառակ սեռի մարդկանց։ Իսկ ֆերոմոններով օծանելիքն ուժեղացնում է այդ «բնական մագնետիզմը» եւ, ըստ լուրերի, ուժգին գրավում հակառակ սեռի ներկայացուցչին։
Կպատեմ մի դեպք սեփական փորձից։ Ֆերոմոնների մասին լուրերի ճշմարտացիությունը ստուգելու նպատակով մի քանի կաթիլ այդպիսի օծանելիք ցանեցի դաստակիս եւ հյուր գնացի մի ընկերոջս։ Նա չարձագանքեց օծանելիքին, սակայն նրա շունը որոշեց, որ ես եմ իր ճակատագիրը։ Այնպես որ, եթե որոշել եք ռոմանտիկ ընթրիքն անցկացնել մի տեղ, որտեղ տնային կենդանի կա, խստորեն խորհուրդ ենք տալիս չօգտագործել ֆերոմոնով օծանելիք։ Կազդի այն ձեր սիրելիի վրա, թե՞ ոչ՝ հայտնի չէ, սակայն հավատացեք, որ ողջ երեկո ստիպված կլինեք փախչել բնակարանում եղած շների կամ կատունեների սիրո դրսեւորումներից։
Իսկ հիմա, ըստ ավանդույթի, ռոմանտիկ երեկոյի համար բնական աֆրոդիզիակ՝ մեղր պարունակող մի հեշտ թխվածքի բաղադրատոմս։
Թխվածքը պատրաստելու համար անհրաժեշտ կլինի 2 ձու, 100 գ կարագ, 2 ճ. գ. մեղր, 1 բաժակ շաքարավազ, 1 թ. գ. սոդա եւ 600 գ ալյուր։ Կրեմի համար՝ 400 գ թթվասեր եւ 150 գ շաքարավազ։
Գոլորշու վրա հալեցրեք կարագն ու շաքարավազը մինչեւ դրա ամբողջովին լուծվելը, ապա ավելացրեք մեղրն ու խառնեք։ Առանձին հարեք ձուն ու անընդհատ խառնելով ավելացրեք յուղային խառնուրդը։ Ապա ավելացրեք սոդան, իսկ երբ խառնուրդը սկսի փրփրել, վերցրեք կրակից ու քիչ-քիչ ավելացրեք ալյուրը։
Ստացված խմոր բաժանեք երկու հավասար մասի ու գրտնակեք յուրաքանչյուրը 5 մմ հաստությամբ։ Թխեք նախապես մինչեւ 250 աստիճանը տաքացված ջեռոցում՝ մոտ 20 րոպե։
Քանի դեռ շերտերը ջեռոցում են, պատրաստեք կրեմը։ Խառնեք թթվասերն ու շաքարավազը եւ հարեք մինչեւ շաքարավազի լիովին հալվելը։ Երբ շերտերը պատրաստ կլինեն, թողեք որ սառչեն, ապա առաջին շերտին քսեք կրեմը, վրան դրեք երկրորդը եւ դա էլ պատեք թթվասերի խառնուրդով։ Կարելի է «երկհարկանի» թխվածք պատրաստել, կարելի է նաեւ ըստ ճաշակի մի քանի շերտ էլ ավելացնել։ Բաժանեք մասերի ու մատուցեք։
Հաճելի երեկո։
Հետևեք NEWS.am STYLE-ին Facebook-ում, Twitter-ում և Instagram-ում
20:18, 2 մայիսի
Միայնակ ամերիկացին, որը հուսահատ սեր է փնտրում, շաբաթական 400 դոլար արժողությամբ գովազդային վահանակ է տեղադրել19:43, 2 մայիսի
Կադրեր՝ «Լադանիվա»-ի եվրատեսիլյան երկրորդ փորձից (ֆոտո/վիդեո)19:21, 2 մայիսի
Միլիարդատեր Ջորջ Սորոսի որդու եւ ընկերուհու՝ Հումա Աբեդինի՝ որպես զույգ հանրային դեբյուտը կկայանա Met Gala-ի շրջանակում16:21, 2 մայիսի
Airbnb-ը թույլ կտա ժամանակ անցկացնել թռչող տնակում կամ հանգստանալ Փրինսի Purple Rain առանձնատանը15:10, 2 մայիսի
Քիմ Քարդաշյանը պատրաստվում է նոր ֆոտոշարքի14:38, 2 մայիսի
Քրիս Ջեններն իր կերպարանքով ամանորյա զարդ է ներկայացրել, որն արժե 82 դոլար13:53, 2 մայիսի
Լիզա Մորյակը՝ Սարիկ Անդրեասյանի հետ ամուսնության մասին. «Սեքսը ամուր հարաբերությունների հիմքն է»13:20, 2 մայիսի
Քենդալ Ջենները կիսվել է գեղեցկության իր գաղտնիքներով12:56, 2 մայիսի
«The View»-ն քննարկում է այն լուրերը, ըստ որոնց ԱՄՆ նախկին նախագահ Դոնալդ Թրամփը դատավարության ժամանակ «գազեր է բաց թողնում»12:17, 2 մայիսի
Դեմի Մուրը երկրպագուներին հիացրել է իր չծերացող կազմվածքով11:25, 2 մայիսի
Հայտնի է դարձել Քիմ Քարդաշյանի եւ Օդել Բեքհեմ կրտսերի բաժանման պատճառը10:58, 2 մայիսի
Շերը բացատրել է, թե ինչու է մերժել Էլվիս Փրեսլիին