Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

Հայտնի Ֆրանսիացի երգչուհի Անգգուն` «Եվրատեսիլի» հայ երգիչների մասին

11:02, 8 հոկտեմբերի

Ֆրանսիայում բնակվող ինդոնեզիացի երգչուհի Անգգունին շատերը կհիշեն «Etre Une Femme» հիթով, որը 2005 թ-ին հաճախ էր հնչում հայկական երաժշտական հեռուստաալիքներով: Գեղեցիկ արտաքինով աչքի ընկնող երգչուհու մյուս հիթը` «Saviour»-ը, դարձավ ամերիկյան «Փոխադրողը 2» հայտնի ֆիլմի սաունդթրեքը:

2012 թ-ին աշխարհահռչակ երգչուհին մասնակցեց «Եվրատեսիլ» երգի մրցույթին: Չնայած այդ տարի Հայաստանը չէր մասնակցում «Եվրատեսիլին», սակայն Անգգունը տպավորված է մրցույթի տարբեր տարիների հայ երգիչների ելույթներով: Հատկապես, ո՞ւմ ելույթներն է հիշում երգչուհին և ի՞նչ կարծիք ունի նա  «Մանկական Եվրատեսիլ 2014»-ի մեր  երգի մասին: Ձեզ ենք ներկայացնում «World Music Awards 2014»-ի տիտղոսակիր Անգգունի  բացառիկ հարցազրույցը NEWS.am STYLE-ի հետ:

-Անգգո՛ւն, հետաքրքիր է` ումի՞ց եք ժառանգել Ձեր ձայնի յուրօրինակ  տեմբրը:

-Նախ և առաջ` շնորհակալ եմ :) Կարծում եմ` ցանկացած մարդ ունի իր ձայնին հատուկ եւ տարբերվող երանգ, ինչպես, օրինակ, մեր ստորագրությունները: Հետեւաբար, իմ ձայնի տեմբրը պայմանավորված է իմ ոսկրային կառուցվածքով: Բացի այդ, ես  պահպանում եմ այն. ժամանակին եմ քնում և չեմ չարաշահում դրա օգտագործումը:


-Դուք Ինդոնեզիայում արդեն շատ հայտնի էիք, երբ տեղափոխվեցիք Ֆրանսիա: Ինչո՞ւ հենց այդ երկիրն ընտրեցիք միջազգային կարիերա սկսելու համար:

-Ես լքեցի Ինդոնեզիան, որպեսզի բնակություն հաստատեմ Անգլիայում: Լոնդոնում ապրեցի մեկ տարի: Դա այն շրջանն էր, երբ երաժշտական աշխարհում մեծ տեղ էին զբաղեցնում տղաների և աղջիկների խմբերը: Սակայն ես չէի ցանկանում ներառված լինել խմբերում, քանի որ ինձ մեներգչուհի եմ համարում: Այսպիսով, որոշեցի տեղափոխվել այլ երկիր: Տարօրինակ է, որ ես ընտրեցի հենց Ֆրանսիան, բայց ես այստեղ ուրախ եմ:

- Անգգո՛ւն, Դուք բացի լավ ձայնային տվյալներից` ունեք նաև գեղեցիկ արտաքին: Ի՞նչ եք կարծում` արտիստի համար որքանո՞վ է կարևոր արտաքին գեղեցկությունը:

- Ես,իրականում, պատասխանատու եմ ոչ թե իմ տեսքի, այլ իմ երաժշտության, երգերի խոսքերի և իմ կարիերայի համար: Ես գիտեմ, որ իմ արտաքինը ևս մեծ դեր է խաղում այս ամենի մեջ, բայց եթե դու չունես հստակ երաժշտական ճաշակ և միայն հույսդ դնում ես արտաքինիդ վրա, դժվար է պահպանել այդ  կարիերան:

-2005 թ-ին «Etre Une Femme» երգն ամբողջ աշխարհում, այդ թվում նաև Հայաստանում, դարձավ հիթ: Սպասո՞ւմ էիք նման արդյունքի և արդյոք մոտ ապագայում կարո՞ղ ենք նմանատիպ հիթեր սպասել Ձեզանից:

-Երբ ստուդիայում ստեղծվում է մի երգ, ես միշտ էլ մեծ հույսեր եմ կապում դրա հետ, եւ դա շատ նորմալ է, որովհետև ցանկացած երաժիշտ էլ ակնկալում է, որ իր աշխատանքը շատերը պետք է գնահատեն: Սակայն երբ ձայնասկավառակը լույս է տեսնում, դրա հաջողությունը կախված է լինում այս արդյունաբերության մեջ գտնվող մի շարք մարդկանցից, ինչպես նաև հանդիսատեսի արձագանքից: Այսպիսով, ես, առաջին հերթին, փորձում եմ ազնիվ լինել իմ աշխատանքի մեջ, և եթե ամեն ինչ հաջողությամբ ավարտվի, ուրեմն, հավանաբար, կունենամ մեկ կամ երկու հիթ:

- Ձեր մյուս հիթը` «Saviour»-ը , դարձավ «Փոխադրողը 2» («Transporter 2») ֆիլմի սաունդթրեքը: Կպատմե՞ք, թե ինպես դա եղավ:

 -Այնպես ստացվեց, որ այդ ֆիլմի անձնակազմը փնտրում էր ռոք ժանրի հուզիչ և հիթային մի երգ, և նրանք ընտրեցին «Saviour»-ը: Ես շատ ուրախ էի այդ ընտրության համար, քանի որ ֆիլմը վաճառքի առումով Ամերիկայում առաջին տեղը զբաղեցրեց:


-Համոզված ենք, որ շատ երգիչներ կցանկանային Ձեզ հետ համագործակցել: Իսկ կա՞ն երգիչներ, որոնց հետ Դուք կցանկանայիք աշխատել:

-Իհարկե՛, շատ երգիչներ կան… Ես, ընդհանրապես, սիրում եմ համագործակցություններ: Տաղանդավոր երգիչների հետ աշխատելը ոգևորում է ինձ, և նրանց գործոնը օգնում է ստեղծել հետաքրքիր երգեր: Ես մի քանի համագործակցություններ եմ ունեցել, որոնցով շատ հպարտ եմ և անհամբերությամբ սպասում եմ այլ համատեղ աշխատանքների: Լավագույն համագործակցությունները նրանք են, որոնք հետաքրքրում են հենց տվյալ երգիչներին, ոչ թե նրանց պրոդյուսերական թիմերին:

- Անգգո՛ւն, մասնակցել եք նաև «Եվրատեսիլ 2012»-ին: Ի՞նչ եք կարծում` հայտնի լինելու փաստը օգնո՞ւմ է այդ մրցույթում:

 -Չեմ կարծում, թե դա մեծ նշանակություն ունի, քանի որ չպետք է մոռանալ, որ «Եվրատեսիլն», առաջին հերթին, երգի մրցույթ է: Այնտեղ երգերն են աստղերը, իսկ կատարողները՝ պարզապես, հաղորդագրություն տարածողներ: Բայց ես սիրում եմ այդ բեմում տեսնել հայտնի աստղերի, ինչպիսիք են` Անուկը, Էնգլբերթ Համփերդինքը, Բոննի Թայլերը, Blue խումբը: Աստղերի ներկայությունը շոուն ավելի է արժեքավորում:

- Ի դեպ, Հայաստանը «Եվրատեսիլին» սկսել է մասնակցել 2006 թ-ից: Հետաքրքիր է` հետևե՞լ եք մրցույթում հայ երգիչների ելույթներին և ո՞ւմ երգն է Ձեզ համար եղել ամենահիշվողը:

- Ճիշտն ասած` լավ հիշում եմ Dorians-ին, քանի որ «Lonely Planet»-ը, իմ կարծիքով, շատ լավ ռոք երգ է: Չեմ կարող չնշել նաև Ինգային և Անուշին, որոնք հզոր ձայնային տվյալներ ունեն: Ընդհանուր առմամբ, հայ երգիչները միշտ աչքի են ընկել իրենց ձայնային լավ տվյալներով: Ձեր այս տարվա ներկայացուցիչը` Արամ mp3-ն, նույնպես չափզանց հզոր վոկալիստ է:

- Այս տարի Հայաստանը «Մանկական Եվրատեսիլում» «People of the Sun» երգով ներկայացնելու է Բեթթին: Ի՞նչ կարծիք ունեք մեր երգի մասին և ի՞նչ կմաղթեք մեր ներկայացուցչին:

- Այս երգը շատ է տարբերվում Հայաստանի` նախորդ տարիներին ներկայացրած երգերից, բայց այն թարմ է և շատ հիշվող: Եթե դրան գումարվի նաև լավ բեմադրություն, ապա կարծում եմ, որ երգը դուր կգա նաև ժյուրիի անդամներին և հեռուստադիտողին: Հաջողություն եմ մաղթում:


- Շնորհակալություն: Իսկ, ե՞րբ սպասենք Ձեր հայաստանյան համերգին:

- Այս պահին ես աշխատում եմ իմ նոր ձայնասկավառակի վրա, որը լույս կտեսնի 2015 թ-ի կեսերին: Ո՞վ գիտի… միգուցե իմ նոր ձայնասկավառակն ինձ բերի Հայաստան 


- Անգգուն, ի՞նչ կմաղթեք News.am Style-ի  ընթերցողներին:

- Մաղթում եմ, որ ձեր կյանքը լի լինի լավ երաժշտությամբ, քանի որ առանց երաժշտության կյանքը ձանձրալի է, անհետաքրքիր և միօրինակ:

 

Պատրաստեց՝ Սյունե Առաքելյանը


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել