«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Ինչպե՞ս եք վերաբերվում լողազգեստով լուսանկարներին

Վերջին զանգ․ արցունք, ծիծաղ ու հրաժեշտ մանկությանը

Ժամանակից շուտ մի՛ մեծացեք․ խորհուրդներ երիտասարդներին

Արժի, արդյոք, որ Հայաստանը շարունակի մասնակցել «Եվրատեսիլին»

Ինչո՞ւ Քրիստինե Պեպելյանն ու Նունե Եսայանը չեն նկարահանվել «Նոր հայեր» տեսահոլովակում

21:10, 14 նոյեմբերի

Օրեր առաջ կայացավ «Նոր հայեր» տեսահոլովակի պրեմիերան, որը կատարում են Արման Հովհաննիսյանը, Միհրան Ծառուկյանը, Սարո Թովմասյանը, Կամո Սեյրանյանը, Ջիվան Գասպարյանը եւ Էֆոն։

Երգի երաժշտության եւ խոսքերի  հեղինակը Արման Անթոնյանն է: Տեսահոլովակի ռեժիսորը՝ Արեն Բայադյանը։

NEWS.am STYLE-ի հետ զրույցում Արման Անթոնյանը նշեց, որ երգը գրել է 7 րոպեում։

«Նոր հայեր փրոդաքշն»-ի հիմնադիրները, ովքեր Մոսկվայում են բնակվում, առաջարկեցին գրել մի երգ, որը կդառնա իրենց ընկերության հիմնը։ Սիրով համաձայնեցի, բայց ասեմ, որ ամեն անգամ ինչ-որ մի բան խանգարում էր, եւ ես չէի կարողանում երգը գրել։ Իսկ երբ մի օր նստեցի, որ գրեմ, շատ արագ ամեն ինչ ստացվեց։ Բայց սովորաբար հատուկ այդպիսի առարկա կամ երեւույթ չկա, որ կարող է  իմ ոգեշնչման աղբյուրը հանդիսանալ»,- ասաց Արմանը։

Նոյեմբերին «Նոր հայեր փրոդաքշն»-ը նշելու է իր 10-ամյակը։

«10 տարի է, ինչ մենք աշխատում ենք Ռուսաստանում։ Մենք համերգներ ենք կազմակերպում հայ աստղերի համար, նաեւ ոչ կոմերցիոն, բարեգործական միջոցառումներ։ Մեր 10-ամյակի համար որոշեցինք հիմն գրել, բայց այդ հիմնը պետք է լինի Հայաստանի մասին, քանի որ մենք շատ ենք կարոտում մեր հողը եւ ամեն անգամ ինչ-որ բան ենք անում, որ միշտ հիշենք մեր հայրենիքը»,- ասաց «Նոր հայեր փրոդաքշն»-ի հիմնադիրներից Լեւոն Ոսկանյանը։

Իսկ Տիգրան Ստեփանյանը, ով նույնպես փրոդաքշնի հիմնադիրներից է, նշեց․ «Իրականում շատ դժվար էր ընտրել երգիչներին, ովքեր կկատարեին այդ երգը, քանի որ մեր հայ արտիստներից բոլորն էլ շատ տաղանդավոր են եւ սիրված Ռուսաստանում բնակվող հայերի կողմից։ Մենք հարցում կատարեցինք եւ առավել ձայներ հավաքած արտիստներին առաջարկեցինք, ովքեր չմերժեցին մեզ»։

Նշենք, որ ի սկզբանե «Նոր հայեր» տեսահոլովակում ներգրաված են եղել նաեւ Քրիստինե Պեպելյանը եւ Նունե Եսայանը, ովքեր տեսահոլովակի նկարահանման ժամանակ բացակայել են երկրից, եւ կազմակերպիչները ստիպված նոր ձայնագրություն են կատարել առանց նրանց։

«Տեսահոլովակի նկարահանման ընթացքը շատ հետաքրքիր էր անցնում։ Մենք առաջին անգամ էինք աշխատում այդ թիմի հետ եւ շատ տպավորված ենք նրանց պրոֆեսիոնալիզմի վրա։ Ամեն ինչ ստացվեց այնպես, ինչպես որ ծրագրել ենք։ Շնորհակալություն Արեն Բայադյանին, Վիկա Մարտիրոսյանին եւ մնացած բոլորին։ Շատ ուրախ ենք, որ տեսահոլովակը այդպես լայն տարածում գտավ եւ սիրվեց շատերի կողմից»,- հավելեց Տիգրանը։

Առաջիկայում փրոդաքշն ունի մի շարք ծրագրեր, որոնց մասին հիմնադիրները դեռ չցանկացան բարձրաձայնել։ 

Զրուցեց՝ Մելինե Տոնոյան


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search