• Հինգ սխալ, որոնք լուռ կործանում են ամուսնությունները

  Երջանիկ և երկարատև ամուսնության գաղտնիքը կայանում է ոչ միայն համատեղելիության, այլև հուզական մտերմության պահպանման մեջ․․․

• Ֆլիրտ, հպում և ոչ մի ճնշում. կրքի ֆրանսիական բաղադրատոմսը

  Ֆրանսիացի կանայք հաճախ համարվում են գայթակղության վարպետներ, որոնք կարողանում են պահպանել կիրքը հարաբերություններում և վայելել սեքսը…

• «Զուգարանը նրանց գաղտնի զենքն է». ամուսնալուծության փորձագետը բացահայտել է, թե ինչու են տղամարդիկ ժամերով փակվում լոգարանում  

  Ամուսնալուծության փորձագետը մեծ իրարանցում է առաջացրել հավերժական «սեռերի պատերազմում»՝ պնդելով, որ տղամարդիկ, իբր, զուգարան մտնելը վերածել են ընտանեկան պարտականություններից խուսափելու զենքի...

• Բրիտանացի գիտնականները պարզել են, թե ինչու են չափազանց առատաձեռն տղամարդիկ վախեցնում կանանց

  Բրիտանացի գիտնականները կրկին ստանձնել են ամենակարևոր խնդիրը՝ պարզել, թե ինչն է խանգարում մարդկանց կառուցել առողջ հարաբերություններ…

• Ամուսինը 16 տարով մեծ է, ապրում է առանձին և հանդիպում է այլ մարդկանց հետ

  31-ամյա Հեյլի Ֆոլկն արդեն երկու տարուց ավելի է՝ անսովոր ամուսնության մեջ է իրենից 16 տարով մեծ տղամարդու հետ․․․

• «Սեքս խղճահարությունից դրդված». ցնցող ուսումնասիրությունը բացահայտում է, թե ինչու են կանայք քնում տղամարդկանց հետ, նույնիսկ երբ չեն ուզում

  Հետազոտողները պարզել են, որ կանայք, ովքեր ընդհանրապես սեռական ցանկություն չեն զգում, կարող են ամսական երկու-երեք անգամ սեռական հարաբերություն ունենալ՝ իրենց հարաբերությունները պահպանելու և զուգընկերոջից բաժանվելը կանխելու համար: Երբեմն մտերմությունը ընդհանրապես կրքի մասին չէ․․․

• Երկարատև սիրո գաղտնիքը անկողնում է. գիտնականները ապացուցել են սեռական վստահության և երջանկության միջև կապը

  Իտալիայում վերջերս անցկացված առցանց ուսումնասիրությունը ցույց է տվել, որ սեռական առումով ինքնավստահ և ինքնաբավ մարդիկ հակված են ավելի մեծ բավարարվածություն զգալ իրենց սիրային հարաբերություններում․․․

• Տղամարդիկ և կանայք թշնամիներ չեն. Ինչու է ինտերնետը մեզ պարտադրում սեռերի պատերազմ

  Հարաբերությունների դադարեցումը, միայնության համաճարակը և փոխադարձ դժգոհության պաշտամունքը գրավել են թվային տարածքը․․․

Ոչ բոլոր կանայք, իմանալով ամուսնու «չարաճճիությունների» մասին, պատրաստ են դիմանալ ու լռել։ Ճակատագրականները, հոգով ամուրները համարում են, որ լքելով ամուսնուն՝ կհաղթեն նրան։ Ավելի թույլերը հաշտվում են իրավիճակի հետ ու շարունակում են ապրել ամուսնու հետ մի տանիքի տակ։ Սակայն կարելի՞ է արդյոք պնդել, որ այդ կանայք զուրկ են սեփական արժանապատվության զգացումից։ Միանշանակ՝ ոչ։ Հենց նրանց է հաջողվում պահպանել ընտանիքն ու մեծացնել գլխներին հայր ունեցող երեխաների։ Իսկ նրանց հաջողության գաղտնիքը հակառակորդի հոգեբանության իմացության մեջ է։ Թե ի՞նչ «գիտություն» է դա եւ ինչպե՞ս են այն կիրառում, կօգնի հասկանալ սոցիալական հոգեբան, «Գոյ» հոգեբանական կենտրոնի կամավոր հոգեբան-խորհրդատու Սուսաննա Ավետիսյանը։

Եւ այսպես, ի՞նչ անել, եթե ամուսինը սիրուհի ունի։ Դուռը շրխկացնելով՝ հեռանա՞լ։

Որքան էլ կինը փորձի, միեւնույնն է, չի կարող մտնել ամուսնու գլխի մեջ ու իմանալ նրա մտքերն ու ընդհանրապես, թե ինչպես է նա տեսնում աշխարհը։ «Գլուխը մտնելու» ցանկություն առաջանում է այն ժամանակ, երբ կինը պարզապես չի կարողանում հասկանալ, թե ինչո՞ւ է ամուսինն այդպես վարվում, ի՞նչն է նրան ստիպում։ Ավելի հաճախ այդ հարցերն առաջանում են, երբ ակնհայտ է դառնում, որ ամուսինը սիրուհի ունի։ Իհարկե, ամենահեշտը նրան մեղադրելն ու հեռանալն է, սակայն դա խոսում է այն մասին, որ կինը բացարձակ չի հասկանում սիրուհու հոգեբանությունը։ Հավանաբար, ինչ-որ մեկի համար այդ գիտությունն ավելորդ կլինի եւ, փառք Աստծո։ Սակայն, ցավոք, շատերին այն պետք կգա։ Մրցակցուհու հետ պայքարելու համար նախ պետք է իմանալ նրանց հոգեբանությունը։ Այդպիսով կապահովագրեք ձեզ ու կխուսափեք սխալներից։

Ո՞րն է, ըստ էության, նրանց հոգեբանությունը։

Ամենագլխավորը, ինչի վրա կառուցվում է սիրուհու հաշվարկը, կնոջ սխալներն են։ Սիրուհին կանի այն, ինչ ի անում կինը, եւ հակառակը, չի անի այն, ինչ անում է կինը։ Օրինակ, կինը կմերժի նրա հետ սեքսը, իսկ սիրուհին կանի ամեն ինչ, որ տղամարդն իր մոտ գնա դրա համար։ Խելացի սիրուհին չի պահանջի լքել ընտանիքը. ինչո՞ւ։ Ավելի ազդեցիկ միջոց կա. մաս-մաս նրան կխլի եւ երբեք ընտրության առաջ չի կանգնեցնի, քանի որ, ամեն դեպքում հասկանում է, որ նա առայժմ ընդամենը խաղալիք է, եւ օրինական կնոջ հետ չի կարող մրցել։

Ի՞նչ է անում սիրուհին ամուսնուն կնոջ դեմ լարելու համար։

Որպես կանոն, սիրուհին այնպես է անում, որ տղամարդն իր մոտ սկսում է բողոքել, իսկ նա, վերլուծելով, իր օգուտն է քաղում։ Ընդ որում, նա շատ խնամքով ուղղորդում է տղամարդու հույզերն, իմանալով, թե որքան է տղամարդը սիրում քծնանքը. «օ, սիրելիս, մի՞թե նա չի տեսնում, թե ինչպես ես հոգնում» կամ «Սիրելիս, մի՞թե կինդ քեզ չի կերակրել, վիճելու փոխարեն»։ Նշանակություն չունեցող արտահայտությունները ժամացույցի նման են աշխատում, երբենմ նույնիսկ սիրեկանի կնոջն անպատվելու անհրաժեշտություն չի լինում։

Բայց կա՞ մի բան, որ կարող է սիրուհու դեմն առնել նպատակներին հասնելու հարցում։

Ժամանակի ընթացքում, եթե նրան հաջողվում է տղամարդուն կես տարի պահել իր կողքին, նա վերջինիս վարժեցնում է այն մտքին, որ այստեղ ուրախ են նրան տեսնել ցանկածաց դեպքում, նույնիսկ՝ հարբած։ Իսկ «դրախտով» կուրացած տղամարդը պարզապես չի տեսնում իրականությունը։ Այդ տեսակի կանանց համար բարոյական սկզբունքներ գոյություն չունեն, նրանց չի կանգնեցնի ոչ ընտանիքը, ոչ էլ այն աքսիոման, որ ուրիշի արցունքների վրա երջանկություն չես կառուցի։

Կարելի՞ է պնդել, թե տղամարդը, օրինականացնելով սիրուհու հետ հարաբերությունները, նոր սիրուհի չի ունենա։

Նույնիսկ եթե տղամարդը սիրուհու հետ լինի, ոչ մի երաշխիք չկա, որ ժամանակ անց նա հերթական, ավելի երիտասարդ սիրուհի չի ունենա։ Չէ՞ որ ամեն ինչ այդքան քաղցր չի լինի, եթե նա այդ կնոջ հետ սկսի ապրել։ Այդ ժամանակ սիրուհին կլինի այնպիսին, ինչպիսին որ իրականում կա՝ իսկական։ Չէ՞ որ չի կարելի անընդհատ ձեւացնել։ Կլինեն առաջին աղմկոտ վեճերը, եւ այդ ժամանակ տղամարդը կտեսնի, որ սպիտակն իրականում սպիտակ չէ, եւ «վատ» կինը շատ ավելի հարազատ է։ Եւ հենց այդ պատճառով էլ տղամարդկանց մեծ մասը, գլխահակ ու մեղավոր, վերադառնում է կնոջ մոտ։ Բայց դա հետո կլինի։

Եւ վերջում, ի՞նչ խորհուրդ կտաք կանանց, ովքեր նման խնդրի են առնչվել։

Հարգելի կանայք, եթե հեռանաք, լքելով ամուսնուն, ապա սիրուհու համար խոչընտոտ չի լինի։ Դուք ինքներդ կմաքրեք նրա ճանապարհը։ Երբեք չպետք է մոռանալ, որ դուք օրինական կինն եք, իսկ նա՝ ընդամենը սիրուհի, որ կարող են տասնյակներով լինել։ Իսկ քանի որ դուք կինն եք, նշանակում է, նա միայն ձերն է, ինչպես նաեւ դուք՝ նրանը։ Նշանակում է, դուք ավելի մեծ հավանականություն ունեք հաղթելու այդ դժվար պայքարում։ Ավելի նրբանկատ եղեք ու տաք գլխով ծայրահեղ քայլերի մի գնացեք։ Դա կօգնի ձեզ պահել ամուսնուն ու չկորցնել ընտանիքի գլխավորին։ Հաջողություն բոլոր կանանց եւ պահպանեք ձեր ամուսիններին։

Զրուցեց Լաուրա Բալայանը

Հետևեք NEWS.am STYLE-ին Facebook-ում, Twitter-ում և Instagram-ում