• Հայկական ոճ. ճանապարհորդական գլամուր և քաղաքային շքեղություն

  Ի՞նչն է այսօր դարձնում կերպարը հմայիչ։ Այն պարտադիր չէ, որ պահանջի կրունկներ, հատակին հասնող զգեստ կամ ակնհայտորեն ջանք թափելու նշաններ…

• Շքեղություն H&M-ի գնով. Elie Saab-ը վերափոխում է կուտյուրը մատչելի շքեղության

  Լիբանանյան Elie Saab նորաձևության տունը ևս մեկ քայլ է կատարում բարձր նորաձևության աշխարհից այն կողմ…

• 100 միլիարդ դոլարն անհետացավ. Shein-ի և fast fashion-ի խելագար դարաշրջանն ավարտվո՞ւմ է

  Մինչև վերջերս թվում էր, թե Shein-ը գնում է դեպի համաշխարհային գերիշխանություն․․․

• Pucci-ն վերադառնում է իր արմատներին. Կամիլա Միչելին միջնադարյան ձիարշավը վերածում է նոր շքեղության

  Մի քանի տարի շարունակ Emilio Pucci-ի ստեղծագործական տնօրեն Կամիլա Միչելին ուսումնասիրել է իտալական տան ժառանգության փսիխոդելիկ և հիպի-շիկ կողմերը․․․

• Chanel-ն իր ողջ փառքով. նոր վզնոց 20.66 կարատանոց շրիլանկական շափյուղայով  

  Առյուծ, կամելիա, աստղ և արև՝ Chanel-ի բոլոր խորհրդանշական սիմվոլնիշները հավաքված են մեկ ոսկերչական գլուխգործոցի մեջ, որը լրացվում է հազվագյուտ շափյուղայով...

• Հայկական ոճը դեմքերով․ ինչպես նորովի մատուցել ամառային սովորական հագուստը

  «Հայկական ոճը դեմքերով» խորագրի նոր հատվածում կպարզենք, թե ինչպես են հայ ոճասերները նորովի մատուցում ծանոթ հագուստը, ավելացնում թրենդային դետալներ և պարզ բազայից ստանում ինքնատիպ կերպարներ...

• Բուրգունդի՝ այս աշնան ամենաշքեղ գունային թրենդը

  Եթե այս շրջանում զգեստապահարանում որևէ գույն իսկապես գերիշխում է, ապա դա անկասկած բուրգունդին է։ Խորը, հագեցած և առաջին հայացքից թվացածից շատ ավելի բազմաֆունկցիոնալ այս գինեգույն երանգը դարձավ նորաձևության պատասխանն այն հարցին, թե ինչպես տպավորիչ տեսք ունենալ՝ առանց աչք ծակող գույների դիմելու...

• Ինչո՞ւ են շքեղ ապրանքանիշերը ստիպված իջեցնել գները

  Այս տարվա սկզբին Demna-ի կողմից նախագծված միջին չափի Gucci Mercato կաշվե պայուսակը գարուն/ամառ 2026 հավաքածուի համար պետք է արժենար 2900 դոլար․․․

Ուկրաինայում բնակվող հայտնի դիզայներ Հայկ Ավանեսյանը օրեր առաջ ներկայացրել է իր նոր Hayk Avanesyan Bridal 2015-16 հարսանեկան զգեստների հավաքածուն։ Hayk Avanesyan ապրանքանիշը ստեղծվել է 2011-ին եւ արդեն հունիսին արժանացել է «Տարվա հայտնություն» մրցանակին։ Հայտնի աստղեր Բյանկան եւ ուկրաինական «Աստղերի ֆաբրիկա» նախագծի մասնակից Էլիզաբեթ Անում-Դորխուսոն օգտվում են հենց Հայկի առաջարկած զգեստներից։

Այս տարի դիզայների նոր հավաքածուի դեմքը ուկրաինական «Холостяк-5» նախագծի մասնակից Եկատերինա Պոլեխինան է։ NEWS.am STYLE-ը որոշել է կապ հաստատել դիզայների հետ եւ փորձել պարզել, թե ինչու է նա ընտրել հենց Պոլեխինային։ Նշենք նաեւ, որ պատրաստվում ենք առանձին հարցազրույց անցկացնել Հայկի հետ եւ նրա կարծիքն իմանալ հայկական նորաձեւության մասին։ Սակայն մինչ այդ եկեք ծանոթանանք մոդել Եկատերինա Պոլեխինայի հետ եւ տեղեկանանք նրա եւ Հայկի համագործակցության մասին։

 - Հայկ, ինչու՞ հենց Պոլեխինան։

- Հագուստը ստեղծելիս ես պատկերացնում էի վսեմ, նազելի, արիստոկրատ դեմքով, գեղեցիկ կեցվածքով եւ ինքնավստահ բնավորությամբ կնոջ, որը նպատակասլաց է եւ գիտի, թե ինչ է  ցանկանում այս կյանքից։ Ընտրեցի Կատյային, քանի որ նա լիովին համապատասխանում է այդ կերպարին։

- Ձեր սպասելիքները արդարացա՞ն։

- Ավելին քան... Կատյան իսկապես պրոֆեսիոնալ է եւ մեծ պատասխանատվությամբ է մոտենում իր աշխատանքին։

- Փորձենք հայ ընթերցողին ծանոթացնել Կատյայի հետ։ Եկատերինա, ինչպե՞ս եք սկսել ձեր կարիերան։

- Ամեն ինչ շատ անսպասելի եղավ, երբ դեռ 15 տարեկան էի. առաջին հաջողություններ, նկարահանումներ ամսագրերի շապիկների եւ տարբեր բուտիկների գովազդների համար։  

- Հոգեբանորեն դժվա՞ր է աշխատել որպես մոդել։

 - Սկզբնական փուլում՝ այո, սակայն հետո ընտելանում ես այն բոլոր դժվարություններին, որոնց բախվում են մոդելները՝  ողորկ եւ սայթաքուն պոդիում, փոքրիկ հանդերձասենյակներ, քո չափսին չհամապատասխանող կոշիկ, դիզայներների վատ վերաբերմունք եւ այլն։

- Պատմեք ձեր եւ Հայկի համագործակցության մասին։ Սա ձեր առաջի՞ն համատեղ աշխատանք է։

- Ոչ, առաջինը չէ։ Մենք ծանոթացել ենք 2012-ին, երբ Հայկը ներկայացնում էր իր երեկոյան զգեստների հավաքածուն «Мисс Донбасс open 2012» նորաձեւության մրցույթին։ Հենց այստեղից էլ սկսեց մեր համագործակցությունը։ Մեկ անգամ չէ, որ ցուցադրել եմ նրա զգեստները եւ միշտ մեծ հաճույքով եմ աշխատել նրա հետ։ Եվ կան բազմաթիվ պատճառներ։ Կնշեմ նրա մարդկային վերաբերմունքը մոդելների նկատմամբ։ Նա միշտ հասկանում է աղջիկներին եւ ցանկացած հարցի ըմբռնումով է մոտենում։ Բացի այդ, նրա հավաքածուները միշտ նրբագեղ ու ազնվական են, ինչը պակաս կարեւոր չէ ինձ համար։

- Իսկ արդյունքը գոհացնու՞մ է ձեզ։ 

- Ես շատ գոհ եմ իմ եւ Հայկի համագործակցությունից։ Հիանալի լուսանկարներ են ստացվել, իսկ հագուստն ուղղակի ապշեցուցիչ էր։ Նկարահանումները կատարվեցին շատ արագ եւ ամենակարեւորը՝ արդյունավետ։

Հետևեք NEWS.am STYLE-ին Facebook-ում, Twitter-ում և Instagram-ում