• Ամենաթանկարժեք զգեստները, որոնք աճուրդի են հանվել ռեկորդային գումարներով

  Արվեստի աշխարհում հազվագյուտ նկարներն ու քանդակները, ինչպես հայտնի է, աճուրդում միլիոններ են ձեռք բերում, եւ թվում է, թե նորաձեւության սիրահարները նույնքան լրջորեն են տրամադրված աշխարհի ամենաթանկարժեք զգեստները ձեռք բերելուն...

• Miu Miu-ն դարձել է մոլորակի ամենահայտնի ապրանքանիշը

  Miu Miu-ն 2024 թվականի առաջին եռամսյակում դարձել է մոլորակի ամենահայտնի ապրանքանիշը․․․

• Ֆարել Ուիլյամի առաջին թվային իրը՝ Louis Vuitton-ի հավաքածուից, արժե ավելի քան 8000 դոլար

  Louis Vuitton-ը բարձրացրել է իր նորագույն հավաքածուի նշաձողը՝ VIA Varsity Jacket-ի միջոցով․․․

• Ընձառյուծի պրինտը վերադառնում է. Ռիհաննայից մինչև Քենդալ Ջեներ՝ ոճային հայտնիները մարտահրավեր են նետում «հանգիստ շքեղությանը»

  Ռիհաննայից բացի ուրիշ ո՞վ կարող էր մարտահրավեր նետել «հանգիստ շքեղության» նորաձեւ միտումին․․․

• Playboy x FAE հավաքածուն սեքսուալ իմաստով դրական նոտա է հաղորդում լողազգեստներին

  Playboy-ը եւ լողազգեստների FAE ապրանքանիշը թողարկել են նոր հավաքածու, որը սեքսուալ առումով դրական նոտա է հաղորդում լողազգեստներին․․․

• Dior-ն իր սպասքի հավաքածուում անդրադառնում է միջազգային շքեղությանը

  Dior-ն իր սպասքի հավաքածուում հարգանքի տուրք է մատուցում միջազգային շքեղությանը․․․

• Pucci-ն Հռոմ է վերադառնում «փսիխոդելիկ» պրինտներով

  Pucci-ի 2024 թվականի գարուն-ամառ հավաքածուն, որը ստացել է «Very Vivara» անվանումը, անդրադառնում է սիրելի «Vivara» պրինտին, որը վերադարձել է ապրանքանիշ․․․

• Դոմենիկո Դոլչեի եւ Ստեֆանո Գաբանայի վիթխարի ընդունելությունը Միլանում

  Դիզայներներին շնորհավորելու էին եկել հանրահատ աստղեր՝ Շերը, Դեմի Մուրը, Լուպիտա Նիոնգոն, Թեո Ջեյմսը, Հելեն Միրենը, Իզաբել Ռոսելինին, Լիլի Ջեյմսը, Ռոզի Հանթինգթոն-Ուայթլին, Նաոմի Քեմփբելը եւ շատ ուրիշներ...

Ուկրաինայում բնակվող հայտնի դիզայներ Հայկ Ավանեսյանը վերջերս ներկայացրել է իր նոր Hayk Avanesyan Bridal 2015-16 հարսանեկան զգեստների հավաքածուն։

Hayk Avanesyan ապրանքանիշը ստեղծվել է 2011-ին եւ արդեն հունիսին արժանացել է «Տարվա հայտնություն» մրցանակին։ Հայտնի աստղեր Բյանկան եւ ուկրաինական «Աստղերի ֆաբրիկա» նախագծի մասնակից Էլիզաբեթ Անում-Դորխուսոն օգտվում են հենց Հայկի առաջարկած զգեստներից։ Այս տարի դիզայների նոր հավաքածուի դեմքը ուկրաինական «Холостяк-5» նախագծի մասնակից Եկատերինա Պոլեխինան է։ 

NEWS.am STYLE-ն արդեն խոսել է Հայկի հետ եւ պարզել, թե ինչու է նա ընտրել հենց Պոլեխինային, իսկ այժմ ներկայացնում ենք դիզայների կարծիքը հայկական նորաձեւության մասին։

- Հայկ, վաղուց է ապրում եւ ստեղծագործում եք Ուկրաինայում։ Հաճա՞խ եք այցելում Հայաստան եւ ձեր աշխատանքներում հայկական ոգին ու շունչը զգու՞մ եք։

-Իմ ընտանիքը Դոնեցկ է տեղափոխվել, երբ ես դեռ մանուկ էի։ Իմ ամբողջ գիտակցական կյանքն անցկացրել եմ Հայաստանից դուրս։ Բայց ես մեծացել ու դաստիարակվել եմ հայկական ընտանիքում, որտեղ խոսել են միայն մայրենի լեզվով։ Ես ուսումնասիրել եմ հայկական մշակույթն ու հայ նկարիչներին։ Շատ եմ սիրում մեր խոհանոցը, որը ներշնչում է ինձ «համեղ» հագուստներ ստեղծելis։ Մենք շատ հին ազգ ենք եւ ուժեղ գենետիկա ունենք, ինչն անկասկած զգացվում է։ Համալսարանում գեղանկարչության դասախոսն ասում էր, որ իմ նկարներից եւ գույներից երեւում է, որ ես հայ եմ։ Հայաստանում այդքան հաճախ չեմ լինում, քանի որ զբաղված եմ աշխատանքներով։ Բայց անցյալ տարի Դոնեցկում տիրող իրավիճակից փոքր-ինչ հանգստանալու համար եկա Հայաստան եւ վայելեցի նրա բնությունն ու ճարտարապետությունը։

- Ի դեպ, ինչու՞ եք տեղափոխվել Կիեւ, ոչ՝ Մոսկվա կամ Երեւան:

- Ես Երեւան էի եկել Դոնեցկ վերադառնալու նպատակով, սակայն Դոնեցկի նախկին գեղեցկությունից ոչինչ չէր մնացել, ամեն օր կրակոցներ էին եւ այնպիսի իրավիճակ էր, որ ես մինչ այսօր զարմանում եմ, թե ինչպես եմ ողջ մնացել։ Ես անգամ աշխատանքի գնալու հնարավորություն չունեի, ինձ մոտ արդեն դեպրեսիա էր սկսվել։ Այս նույն ժամանակահատվածում ես արդեն շատ հաճախորդներ ունեի Կիեւում եւ հենց այդ պատճառով էլ տեղափոխվեցի այնտեղ։ Բացի այդ, ես սովորել եմ Կիեւում։

- Հետեւու՞մ եք հայկական նորաձեւությանը եւ այստեղ տարածված միտումներին:           

- Անկեղծ ասած՝ ոչ։ Բայց Հայաստանում եղած ժամանակ նկատել եմ, որ Երեւանի փողոցներում կա մի յուրօրինակ նորաձեւություն։ Շատ հաճախ կարելի էր տեսնել նույն, կարելի ասել՝ երեւանյան ոճով հագնված աղջիկների... Բայց հայերը շատ գեղեցիկ են, եւ ուրախալի փաստ է, որ մարդիկ նորաձեւ ու ճաշակով են հագնվում, աղջիկները խնամված ու գեղեցիկ դիմահարդարված են։

- Ի՞նչ կասեք հայկական ծագում ունեցող դիզայներների մասին։

- Աշխարհում հայկական ծագում ունեցող, արժանի դիզայներներ շատ կան։ Մենք տարբերվում ենք մեր աշխատանքներով, մեր մոտեցմամբ, հայացքներով եւ մեզ կապում են մեր գեները։ Մեր բոլորի աշխատանքներից նկատելի է, որ հայ ենք, բայց կա նաեւ այն երկրի ազդեցությունը, որտեղ ապրում ենք։ Ամերիկայում բնակվող հայի գործերում կա ամերիկյան շեշտադրություն, ինձ մոտ՝ եվրոպական ուղղվածություն։ Շատ եմ հավանում լիբանանահայ դիզայներ Գրիգոր Ջաբոտյանի աշխատանքները։ Նա նույնպես երեկոյան եւ հարսանեկան զգեստներ է կարում եւ ինչպես ես, ստեղծում է յուրօրինակ գործեր՝ շատ ժամանակ հատկացնելով հաճախորդի հետ աշխատելուն։

- Ի՞նչ կպատմեք ձեր հետագա ծրագրերի մասին։                                                                       - Ծրագրերը շատ են, սակայն այժմ երկրում ծանր դրություն է եւ իմ վերապրածից հետո դեռ պատրաստ չեմ ցուցադրություններ սկսել։ Այս տարի որոշել եմ անհատական աշխատել իմ հաճախորդների հետ։

Հետևեք NEWS.am STYLE-ին Facebook-ում, Twitter-ում և Instagram-ում