• «Ես պետք է այստեղ բնակարան գնեմ». «Եվրատեսիլ 2026»-ի հաղթող DARA-ն Coca-Cola Fest 2026-ի բեմից պատմել է Հայաստանից ստացած իր տպավորությունների մասին

  «Եվրատեսիլ 2026»-ի հաղթող բուլղարացի փոփ երգչուհի DARA-ն (Դարինա Յոտովա) դարձավ Coca-Cola Fest 2026-ի գլխավոր միջազգային աստղերից մեկը Հայաստանում…

• Imperial Orchestra-ն՝ կրկին Երևանում. հրաշալի սիմֆոնիկ շոու CINEMA MEDLEY-ն՝ այս անգամ Սյուզաննա Մելքոնյանի կատարմամբ

  Սեպտեմբերի 7-ին Կարեն Դեմիրճյանի անվան մարզահաերգային համալիրում կրկին կհնչի «CINEMA MEDLEY» նախագիծը՝ սիմֆոնիկ նվագախմբի կատարմամբ ամենամեծ և ամենաէմոցիոնալ սաունդթրեքային շոուներից մեկը…

• Սիմֆոնիկ ԿԻՆՈ. Վիկտոր Ցոյի հիթերը՝ նվագախմբի նվագակցությամբ Դեմիրճյանի անվան մարզահամերգային համալիրի բեմում  

  2025 թվականի մայիսի 25-ին Երևանում կկայանա «Սիմֆոնիկ ԿԻՆՈ» համերգը, որի ընթացքում կուլտային խմբի երաժշտությունը կհնչի նոր, նվագախմբային հնչողությամբ...

• Իսպանացի լենգենդար սոպրանո Այնոա Արտետան առաջին անգամ ելույթ կունենա Հյաստանում    

  Իսպանացի լենգենդար սոպրանո Այնոա Արտետան իր գլխապտույտ համաշխարհային կարիերայի ընթացքում առաջին անգամ ելույթ ունենա Հյաստանում: Արտետան հանդես կգա ‹‹Ես գալիս եմ Իսպանիայից›› խորագրով համերգով, մայիսի 18-ին, ‹‹Արամ Խաչատրյան›› համերգասրահում՝ անվանի դաշնակահար Վիկտոր Կարբախոյի նվագակցությամբ...

• Վյաչեսլավ Բուտուսով. «Հիմա իմ խնդիրն իմ ուղերձներում կրքերից ազատվելն է»

  Ռուս ռոք երաժիշտ Վյաչեսլավ Բուտուսովը Երևանում կայանալիք համերգից առաջ համաձայնել է պատասխանել NEWS.am STYLE-ի մի քանի հարցերի․․․

• Դասականի եւ ռոքի բախում. լեգենդար Hooverphonic ռոք խումբը ելույթ կունենա Երեւանում՝ Հայաստանի ֆիլհարմոնիկ նվագախմբի հետ

  «Երբ առաջին անգամ ժամանում ես նոր երկիր, դա նման է գեղեցիկ կնոջ հետ առաջին հանդիպմանը»,-ասում է Ալեքս Քալիերը՝ բելգիական Hooverphonic կուլտային խմբի հիմնադիրը․․․

• Ջենիֆեր Լոպեսն առաջին անգամ ելույթ կունենա Հայաստանում՝ իր Up All Night համաշխարհային շրջագայության շրջանակում

  Ջենիֆեր Լոպեսն իր «Up All Night» համաշխարհային շրջագայության շրջանակում առաջին անգամ ելույթ կունենա Հայաստանում…

• Զեմֆիրան համերգով հանդես կգա Երեւանում

  Զեմֆիրան համերգով հանդես կգա Երեւանում…

Հոկտեմբերի 1-8-ն ընկած ժամանակահատվածում Երևանում արդեն 13-րդ անգամ կանցկացվի «ՀԱՅ ՖԵՍՏ» միջազգային թատերական փառատոնը:

«Այո՛, «ՀԱՅ ՖԵՍՏ»-ն այս տարի կանցկացվի 13-րդ անգամ: Գիտե՞ք` չունենք մտավախություն 13 թվից և, նույնիսկ, մտածում էինք այն ներառել մեր դիզայնի մեջ, սակայն հետո ինչ-ինչ պատճառներով մոռացանք»,-Հ. Թումանյանի անվան Տիկնիկային թատրոնում կայացած մամուլի ասուլիսի ժամանակ ասաց փառատոնի նախագահ Արթուր Ղուկասյանը: Նա նաև տեղեկացրեց, որ փառատոնի ընթացքում կլինի առանձին ծրագիր` նվիրված Հայոց ցեղասպանության 100-ամյակին:

«Այս տարվա մեր ծրագիրը ոչ թե մեծ է կամ  հզոր, այլ, պարզապես, շլացուցիչ է և վեհ, որովհետև մենք 7 օրվա ընթացքում կունենանք 52 անվանում ներկայացում, կխաղացվի ավելի քան 75 ներկայացում: Նույնիսկ ունենք օր, որի ընթացքում կներկայացնենք 12-ը: 1 օրվա ընթացքում, ամենաքիչը, կունենանք 6 ներկայացում»,-նշեց Ղուկասյանը:

Այս տարի փառատոնը կբացվի «Զգացողությունների թանգարան» կոչվող ներկայացումով, քանի որ «ՀԱՅ ՖԵՍՏ»-ն այս անգամ  ևս կրում է համանուն խորագիրը:

Փառատոնի ընթացքում Հայաստան կժամանեն մոտ 25 երկրից 250 մասնակից և հյուրեր: Այդ երկրներն են` Մեծ Բրիտանիան, ԱՄՆ-ն, Ֆրանսիան, Իտալիան, Ավստրիան, Ֆինլանդիան, Գերմանիան, Շվեդիան, Շվեյցարիան, Կանադան, Լեհաստանը, Լիբանանը, Իսրայելը, Լիտվան, Հունգարիան, Չեխիան, Նորվեգիան, Հունաստանը, Էստոնիան, Սերբիան, Ղազախստանը, Բանգլադեշը, Ռուսաստանը, Իրանը, Վրաստանը  և այլն:

Արթուր Ղուկասյանը նշեց, որ այս օրերին թատերասերները հնարավորություն կունենան նաև վայելելու Շեքսպիրյան  «Գլոբուս» թատրոնի «Համլետ» ներկայացումը, որն, ի դեպ, միակ վճարովի ներկայացումն է լինելու: Փառատոնի շրջանակներում անցկացվելիք մյուս ներկայացումների մուտքն անվճար է լինելու:

««Գլոբուս» թատրոնի ներկայացումը վճարովի է, քանի որ դա մտնում է իրենց համաշխարհային շրջագայության մեջ»,-տեղեկացրեց Ղուկասյանը:

Երևանյան թատրոններից «ՀԱՅ ՖԵՍՏ»-ին կմասնակցեն Հ. Ղափլանյանի անվան դրամատիկական, Հ. Թումանյանի անվան Տիկնիկային, «Փոքր» և «Միհր» թատրոնները: Ինչ վերաբերում է մարզային թատրոնների մասնակցությանը` Արթուր Ղուկասյանն ասաց. «Մարզերից թատրոններ չենք ունենա, քանի որ վերջիններս փառատոնին մասնակցելու հայտ չեն ներկայացրել»:

Խոսելով փառատոնի կարևորության մասին` նախագահը նշեց. «Մենք չունենք գլխավոր ասելիք: Մեր առաքելությունն է` ներկայացնել բեմական արվեստի լավագույն նմուշները և մեր արվեստը տեսանելի դարձնել արտասահմանում»:

«ՀԱՅ ՖԵՍՏ» միջազգային թատերական փառատոնն անցկացվում է 2003 թ-ից, իսկ 2006 թ-ից սկսած` այն դարձավ նախկին ԽՍՀՄ տարածքի (բացառությամբ Մոսկվան) գլխավոր թատերական փառատոնը:

Սյունե Առաքելյանը

Հետևեք NEWS.am STYLE-ին Facebook-ում, Twitter-ում և Instagram-ում