Ամերիկյան լեգենդար հաղորդավար Քոնան Օ՛Բրայենի «Քոնանի շոու»-ի՝ Հայաստանում նկարահանված հատուկ թողարկումը կցուցադրվի TBS հեռուստաալիքով նոյեմբերի 17-ին: Սա Հայաստանում նկարահանված առաջին ամերիկյան հեռուստաշոուն է: Soar Productions-ի ղեկավար Ստանիսլավ Սոլովկինը, որը շոուի տեղական պրոդյուսերն է, պատասխանել է Հայաստանում Քոնանի հետ աշխատանքի մասին մի քանի հարցերի:
- Քոնանի շոուի՝ երկար սպասված թողարկումը հաջո՞ղ է լինելու:
- Քոնանից առաջ Հայաստանի մասին շատ քիչ են նկարահանել: Եղավ Քարդաշյանների շոուն, բայց այն ավելի շատ աստղային ընտանիքի, քան Հայաստանի մասին էր: Սա նոր ձեւաչափ է Քոնանի համար՝ նրա անհավանական տաղանդի համար ստեղծագործական մեծ ազատությամբ: Բայց ես մեծ հաջողություն եմ կանխատեսում: Դա մեծ ճանաչում կբերի Հայաստանին, ինչում մեծ դեր կունենա ԱՄՆ-ի հայկական սփյուռքը:
- Ինչպիսի՞ն էին Հայաստանից Քոնանի անձնական տպավորությունները:
- Կարծում եմ՝ այդ մասին պետք է նրանից հարցնել... Բայց ես հաստատ գիտեմ, որ Քոնանի թիմը զարմացած էր, թե որքան դյուրությամբ հնարավոր եղավ ստանալ բոլոր թույլտվությունները, ինչպես նաեւ տեսախցիկի առջեւ պարզ մարդկանց անկեղծությունից, ինչը հազվագյուտ է: Քոնանին ջերմորեն էին ընդունում նույնիսկ մարդիկ, որոնց նրա անունը ոչինչ չէր ասում:
- Կարո՞ղ եք նկարահանումներից զվարճալի դեպքեր հիշել:
- Դրանք բազմաթիվ էին: Հիշում եմ, թե ինչպես Քոնանը տեղի շուկայում շրջելիս տեսավ, թե ինչպես են կարտոֆիլ վաճառում, որը նրան՝ որպես իռլանդացու, շատ հուզեց: Երկու մետր հասակով կարմրահեր տղամարդ, որը վազում էր շուկայով եւ գոռում՝ «Կարտոֆի՛լ: Կարտոֆի՛լ»: Տեսարան էր...
Բացի այդ, Քոնանը մասնակցեց «Ով ավելի քիչ կարտասվի տաք հայկական կոնյակ խմելիս» մրցույթին, եւ հաղթողներից մեկը դարձավ:
- Ինչպե՞ս ստացվեց Ձեր համագործակցությունը Հայաստանի իշխանությունների հետ:
- Որոշ երկրներում թույլտվություն ստանալու համար ամիսներ են պետք: Հայաստանում մենք անհրաժեշտ ամեն ինչ ստացանք մեկ շաբաթում: Իշխանությունները շատ լավ են հասկանում այդպիսի մեծ շոուի նկարահանումներից օգուտը: Մեզ ընդունեցին եւ աջակցեցին ոստիկանապետն ու տուրիզմի նախարարը, ինչի համար շատ շնորհակալ ենք: Կցանկանայի նաեւ շնորհակալություն հայտնել արտաքին գործերի եւ մշակույթի նախարարություններին:
- Այլ խոշոր հաճախորդներ Հայաստանի հանդեպ հետաքրքրություն ցուցաբերո՞ւմ են:
- Որպես նկարահանումների վայր՝ Հայաստանը մեծ պոտենցիալ ունի: Այն աշխարհի անհայտ մարգարիտներից մեկն է, անվտանգ, կոմպակտ եւ ոչ թանկ երկիր՝ բավականաչափ զարգացած ենթակառուցվածքներով: Չեմ կարող անվանումներ նշել, սակայն կարող եմ ասել, որ հաջորդ տարվա ընթացքում 3-4 շատ հայտնի հեռուստաշոուներ են նկարահանվելու Հայաստանում: Այդ նախագծերից մի քանիսին մենք մասնակցում ենք:
- Ինչո՞ւ պետք է նոր վայրեր որոնող պրոդյուսերները հենց ձեզ դիմեն:
- Որոշումը, թե ում պետք է դիմել կազմակերպչական հարցում օգնության խնդրանքով, ամենակարեւորն է այլ երկրում նկարահանումներ կատարելիս: Soar Productions-ը նույն լեզվով է խոսում ե՛ւ նախկին խորհրդային հանրապետությունների իշխանությունների հետ՝ ներառյալ Հայաստանը, Վրաստանը եւ Ղրղզստանը, ե՛ւ արեւմտյան ընկերությունների: Մենք լավագույնն ենք այդ երկու աշխարհների միջեւ երկխոսություն հաստատելու հարցում:
Հետևեք NEWS.am STYLE-ին Facebook-ում, Twitter-ում և Instagram-ում
11:21, 19 ապրիլի
Վիկտորյա Բեքհեմը բացահայտել է իր ե Դեւիդի երջանիկ ամուսնության գաղտնիքը10:18, 19 ապրիլի
Քանյե Ուեսթը բռունցքով հարվածել է իր կնոջն անհանգստացնող տղամարդու դեմքին09:00, 19 ապրիլի
ԱՊՐԻԼԻ 19-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:39, 18 ապրիլի
Անգլիացին տարված է ամուսնացածների՝ հատկապես իր գործընկերների ու ընկերների կանանց հետ սեքսով22:22, 18 ապրիլի
Ընձառյուծի պրինտը վերադառնում է. Ռիհաննայից մինչև Քենդալ Ջեներ՝ ոճային հայտնիները մարտահրավեր են նետում «հանգիստ շքեղությանը»21:22, 18 ապրիլի
Այսօր առավոտյան ձեր խմած սուրճը կարող է լինել 600 000 տարեկան20:40, 18 ապրիլի
Միջնադարյան առեղծվածային ձեռագիրը կարող է լինել սեքսի հնագույն ձեռնարկ19:26, 18 ապրիլի
Առաջին «Միսս արհեստական բանականություն»-ը կստանա 20 000 դոլարի մրցանակ16:25, 18 ապրիլի
Bugatti Home հավաքածուն միավորում է բրենդի՝ ավելի քան հարյուրամյա ժառանգությունը ժամանակակից դիզայնի հետ15:21, 18 ապրիլի
353 պարուհիների պարը նոր համաշխարհային ռեկորդ է սահմանել14:36, 18 ապրիլի
Սթիվեն Սփիլբերգը ֆիլմ է նկարահանում ՉԹՕ-ի մասին13:55, 18 ապրիլի
Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել Լեոնարդո ԴիԿապրիոյի եւ Ջենիֆեր Լոուրենսի մասնակցությամբ