• Ի՞նչ է թաքնված «Ճերմակ շապիկի» տակ․ Թելման Խաչատրյանի ու Մերի Քոչարյանի հերոսների պատմությունը՝ մեծ էկրանին․ ֆիլմի պրեմիերան, կարմիր գորգն ու հայտնի հյուրերը (ֆոտո)

  Ի՞նչ պատմություններ են թաքնված ճերմակ շապիկներ կրող մարդկանց ներաշխարհում, հոգում ու հիշողություններում՝ հե՞րքում, կարո՞տ, ցա՞վ…

• Երբ հանգամանքները բացահայտում են մարդկանց. «Գիշատիչների խնջույքը» ֆիլմի պրեմիերան՝ «ՀանդArt»-ում

  Ի՞նչ է մնում մարդուց, երբ ընտրությունը սահմանափակվում է սեփական փրկությամբ...

• Ներսես Ավետիսյանն ամուսնալուծվել է

  Դերասան, երգիչ և հաղորդավար Ներսես Ավետիսյանն ամուսնալուծվել է…

• «ֆուլ Հաուս» ֆիլմը կունենա 2-րդ մաս

  Նախորդ տարի մեծ էկրաններ բարձրացած «ֆուլ Հաուս. վայրէջք» ֆիլմով թիմը չի սահմանափակվի…

• Զվարճալի իրավիճակներ, քաղաքական հումոր ու «Մուշեղի մահը»․ «Ֆուլ Հաուսը» վերադարձավ ներկայացման տեսքով (VIDEO)

  «Ֆուլ Հաուս»-ում կրկին թեժ են ժամանակին մեկ տան մեջ հայտնված ու անբաժան դարձած հերոսների հարաբերությունները...

• Արթուր Խաչենցը հայր է դարձել․ ի՞նչ հետաքրքիր անուն է նա ընտրել դստեր համար

  Երգիչ Արթուր Խաչենցն ու նրա կինը՝ Անժելիկան, օրերս ողջունել են իրենց առաջնեկին...

• «Մի գդալ սեր», Coca-Cola Fest ու հարսանիքներ․ Instagram-ը՝ նախորդ շաբաթ

  Նախորդ շաբաթ Instagram-ից սեր էր ճառագում։ Սիրո մասին նոր ֆիլմի պրեմիերա ու աստղային հարսանիքներ․․․ Սկսենք սկզբից...

• «Գեղեցիկ կադրը դեռ կինո չէ». Հովհաննես Ղազարյանը՝ ռեժիսորի աչքի, դերասանի ազատության և ժամանակի մասին

  Ի՞նչն է տարբերում ռեժիսորին պարզապես լավ նկարահանողից...

Նկարիչ մուլտիպլիկատոր Դավիթ Սահակյանցը հանրահայտ Վարպետ Ռոբերտ Սահակյանցի գործի արժանի շարունակողն է։ Զարգացման ո՞ր փուլում է գտնվում հայկական մուլտիպլիկացիան, ի՞նչ ապագա կունենա այն։ NEWS.am STYLE –ն այս եւ այլ հարցերի շուրջ զրուցեց Դավիթի հետ։

Ի՞նչ եք կարծում, հայ երիտասարդները բավարար ծանո՞թ են այն մեծ գործի հետ, որով զբաղվում էր Ռոբերտ Սահակյանցը։

Գիտեք, մեր խնդիրը ողջ ազգի խնդիրն է՝ չմոռանալ մեծերին, նրանց մասին հիշեցնել մեզ ու մյուսներին։ Չէ՞ որ հենց նրանք են ստեղծում մեր պատմությունը։ Մենք թույլ չենք տալիս, որ այդ անունը մոռացվի։ Աշխարհով մեկ կազմակերպում ենք Ռոբրտ Սահակյանցի աշխատանքների հետադարձ ցուցադրություններ ամենանշանավոր փառատոններին, տարածում ենք Վարպետի ֆիլմերով սկավառակներ, ցուցադրում ենք նրա մասին վավերագրական ֆիլմեր։

Երիտասարներն արձագանքո՞ւմ են։ Թե՞ ցուցադությանը գալիս են հիմնականում 35-ից բարձր տարիքի մարդիկ։

Երեւանում անիմացիայի հանդեպ հսկայական հետաքրքրություն կա։ Եւ մեծ դեր են խաղում դրանում երիտասարդները։ Իսկ լսարանը շատ մեծ ու տարբեր է։

Հնարավոր է, արդյո՞ք, որ հայ երեխաները մեծանան ոչ թե արտասահմանյան, այլ հայկական մուլտֆիլմեր դիտելով։

Այո։ Դրա համար առաջին հերթին պետք է նկարահնել սեփական ֆիլմերը, ու շատ նկարահանել։ Միայն այդպես կարելի է լցնել եթերն ու կինոթատրոնների դահլիճները։

Ի՞նչ նախագծերի վրա եք աշխատում հիմա։

Մեր ստուդիան արդեն ավարտում է «Անահիտ» ֆիլմը, սակայն դրա աշխատանքները կձգվեն դեռեւս 1,5 տարի։ Զուգահեռաբար Հայկ Սահակյանցն ավարտեց 7 րոպե տեւող «Քվանտային թռիչք» 3D ֆիլմը, սակայն ո՞վ եւ ե՞րբ այն կցուցադրի, դեռ չգիտենք։ Սկսել ենք «Դեմք աստվածներ» ֆիլմի աշխատանքները։ Շատ տաղանդավոր սցենարիստ, դերասան ու խոսքերի հեղինակ Վարդան Զադոյանի հետ համատեղ սկսել ենք նաեւ նոր լիամետրաժ ու կարճամետրաժ նախագծերի աշխատանքները, որոնք կթողարկենք 2004 թվականին։

Այս տարի ստուդիան մտադիր է նաեւ մի քանի փառատոնների ու կինոշուկաների մասնակցել։ Մասնավորապես Տեպլիցա (Չեխիա) քաղաքում տեղի կունենա Ռոբերտ Սահակյանցի ֆիլմերի հետադարձ ցուցադրություն։ Եւ ամենակարեւորը՝ վերջապես 3D-ի, Flash-ի ու դասական անիմացիայի դպրոց բացելու հնարավորություն ունեցանք։ Մոտ ժամանակներս կսկսենք ուսանողների հավաքագրումը։ Դրանից բացի նաեւ նախատեսում է մուլտֆիլմերի մանկական բացառիկ դպրոց բացել։

Պատմեք «Անահիտ» մուլտֆիլմի հերոսների մասին։ Ի՞նչ տարբերություն հեքիաթի եւ դրա՝ ձեր մեկնաբանության միջեւ։

«Անահիտի» հերոսներին ու դրանց տարբերությունը իրական հեքիաթից գաղտնի ենք պահում։ Հույս ունենք հանդիսատեսին հաճելիորեն զարմացնել։  

Ինյո՞ւ եք ընտրել հենց Ղազարոս Աղայանի հեքիաթը։

Այն պարզապես շատ արդիական է։ Դրանով մենք կրկին հիշեցնում ենք սիրո մասին։ Սեր՝ միմյանց հանդեպ, հողի, աշխատանքի, հայրենիքի հանդեպ։

Սա հայկական առաջին լիամետրաժ ֆի՞լմն է։

Ոչ, լիամետրաժ ֆիլմ ստեղծելու առաջին փորձը դեռեւս Ռոբրտ Սահակյանցն է արել։ 60 րոպեանոց «Պանդոկը» մեկ ֆիլմով միավորված նովելների շարք էր։ Երկրորդ փորձը Արման Մանարյանի «Սասունցի Դավիթն» էր։

Ի՞նչ եք կարծում, մուլտֆիլմը կհնչի՞ մի քանի լեզվով։

Ֆիլմի ռուսերենով հարմարացված տարբերակը թողարկելու մտադրություն ունենք։ Մի քանի ռուս դերասանների հետ ձայնագրության նախնական պայմանավորվածություն նույնպես ունենք։ Սակայն դա էլ ենք առայժմ գաղտնի պահում։

Հայկական մուլտիպլիկացիան ապագ ունի՞։

Ապագան ստեղծվում է այսօր։ Եւ մեր ստուդիան ամեն ինչ անում է, որ հայկական մուլտիպլիկացիայի ապագան լինի ուժեղ, պրոֆեսիոնալ, հագեցած, ու, ամենակարեւորը՝ ունենա իր ձեռագիրն ու ինքնակայությունը։

Ինչպե՞ս եք տեսնում մուլտֆիլմը հարյուր տարի հետո։

Ապագայի մուլտֆիլմերը կլինեն այնպիսին, ինչպիսին որ կլինի ապագան։ Արվեստը միշտ էլ հայելի է եղել, իսկ երբեմն նաեւ՝ իրականության հայելային աշխարհ։

Զրուցեց Մարինա Ադուլյանը

Հետևեք NEWS.am STYLE-ին Facebook-ում, Twitter-ում և Instagram-ում