• Critics Choice Awards 2024-ի 10 լավագույն կերպարները՝ կարմիր գորգին

  Աստղային եւս մեկ միջոցառում անցյալում է՝ «Օպենհայմերի» ու «Բարբիի» հերթական նվաճումներով․․․

• Ջոնի Դեփի հաղթական վերադարձը` «Ժաննա Դյուբարի» ֆիլմով

  Ամուսնալուծության աղմկահարույց սկանդալից հետո այս ամառ թողարկվեց Ջոնի Դեփի մասնակցությամբ առաջին ֆիլմը․․․

• Ջոնի Դեփը ռեկորդային պայմանագիր է ստորագրել Dior-ի հետ

  Dior-ը 20 միլիոն դոլարի նոր պայմանագիր է կնքել Ջոնի Դեփի հետ․․․

• «Օսկար 2023». ովքե՞ր են արժանացել աշխարհի գլխավոր կինոմրցանակին

  Լոս Անջելեսի Dolby Theatre-ում ամփոփվել են մրցանակաբաշխության արդյունքները եւ որոշվել են լավագույններից լավագույնները․․․

• Պամելա Անդերսոն. երեք լեգենդար կերպար

  NEWS.am STYLE-ը մեկտեղել է Պամելա Անդերսոնի երեք ամենահիշվող կերպարները, որոնք կարելի է կրել նաեւ Երեւանի փողոցներում...

• Կիանու Ռիվզն իրեն հետապնդող տղամարդու պատճառով դիմել է դատարան

  Կիանուն նույնիսկ ստիպված է եղել անվտանգության ընկերություն վարձել․․․

• Էշթոն Քաթչերը Դեմի Մուրից բաժանվելուց հետո իրեն անհաջողակ է զգացել

  Ոչինչ չի ստիպում քեզ անհաջողակ զգալ, ինչպես ամուսնալուծությունը․․․

• Աստղային գեղեցկության գաղտնիքները. SPF-ն Էնն Հեթուեյի խնամքի անբաժանելի մաս

  «Ես հովանոց եմ վերցնում ինձ հետ, երբ քայլում եմ արեւի տակ…

Ապրիլի 22-24-ն ընկած ժամանակահատվածում Հայաստանը հյուրընկալելու է Հոլիվուդի ամենափայլուն եւ ճանաչված աստղերից մեկին` Ջորջ Քլունիին: Դերասանը Հայաստան է ժամանելու կնոջ` Ամալ Քլունիի հետ: Հայտնի զույգն այստեղ մասնակցելու է «Ավրորա» մրցանակաբաշխությանը, որի նպատակն է պարգեւատրել մարդասիրական գործողություններ իրականացրած անձանց, որոնք անտեսելով սեփական կյանքը` փրկել են այլ կյանքեր:

Մինչ Հայաստանն ու հայերը պատրաստվում են դիմավորել Քլունիին, ներկայացնենք մի քանի հետաքրքիր փաստ մեր աստղային հյուրի մասին.

Քլունիի հայրը` Նիկը, լուրերի մեկնաբան էր, իսկ մայրը` գեղեցկության թագուհի: Ահա, թե որտեղից է դերասանը ժառանգել գեղեցիկ տեսքն ու հեռուստատեսության հանդեպ մեծ սերը:

14 տարեկան հասակում դերասանի մոտ ախտորոշվեց դիմային մկանների հիվանդություն (Bell’s palsy): Մեկ տարի պահանջվեց, որպեսզի Ջորջը կարողանար հաղթահարել այդ հիվանդությունը: Սակայն շուտով նրա մոտ ի հայտ է գալիս առողջական նոր խնդիր` ստամոքսի խոցերի արյունահոսություն: Նա մինչ օրս համապատասխան դեղորայք է ընդունում` հիվանդությունը կանխելու նպատակով:

Դպրոցն ավարտելուց հետո ապագա աստղն ընդունվել է Ցինցինատիի համալսարան, սակայն շուտով Ջորջը որոշում է թողնել համալսարանը եւ աշխատանք փնտրել: Այսպես նա սկսում է վաճառել կանացի կոշիկներ` կանգնելով փողոցներում կամ թակելով տարբեր մարդկանց դռներ:

Այն օրերին, երբ դեռ բավականաչափ գումար չուներ, Քլունին ապրում էր ընկերոջ տանը, իսկ լսումներին գնում էր հեծանիվով:

Ջորջը Մաքս անունով մի խոզուկ էր պահում, որին նվեր էր ստացել իր նախկին ընկերուհինուց` դերասանուհի Քելլի Փրեսթոնից, որը մի անգամ փրկել է Քլունիին` արթնացնելով դերասանին երկրաշարժի ժամանակ: Այդ օրվանից հետո Մաքսը Քլունիին հաճախ էր ուղեկցում հարցազրույցների եւ մի շարք մասնավոր երեկույթների ընթացքում:

Ջորջ Քլունին Enough Project կոչվող նախաձեռնության համահեղինակներից է: 2007 թ-ին ստեղծված այս նախագծի նպատակն է վերջ դնել ցեղասպանություններին եւ մարդկության դեմ ուղղված այլ հանցագործություններին:

Նա Հոլիվուդի այն եզակի դերասաններից է, որոնք փայլում են  ե՛ւ իրենց արտաքին տվյալներով, ե՛ւ խելքով: Պատահական չէ, որ Քլունին հայտնվել է ոչ միայն «Աշխարհի ամենահմայիչ տղամարդկանց», այլեւ «Հոլիվուդի 50 ամենախելացի դերասանների» ցուցակներում:

2005 թ-ին Ջորջը դարձավ տղամարդկանց VOGUE ամսագրի շապիկի առաջին հերոսը եւ, առհասարակ, նա աշխարհի երկրորդ տղամարդն է (առաջինը Ռիչարդ Գիրն էր), որը հայտնվել է VOGUE ամսագրի շապիկին:

Քլունին խոստովանել է, որ չի սիրում էլեկտրոնային նամակներով հաղորդակցվել: Նա, նույնիսկ, ֆիլմի սցենարներն է նախընտրում գրել թղթի վրա:

Ջորջ Քլունին մի շարք հեղինակավոր մրցանակների դափնեկիր է: Դրանց թվում են` Oscar, BAFTA, Golden Globes, Emmy, MTV, People’s Choice եւ այլն:

Աղբյուրը` www.ohfact.com

Պատրաստեց Սյունե Առաքելյանը

Հետևեք NEWS.am STYLE-ին Facebook-ում, Twitter-ում և Instagram-ում