Սեպտեմբերի 8-18-ը Կանադայում անցկացվում է կինոաշխարհի ամենակարեւոր իրադարձություններից մեկը՝ Տորոնտոյի միջազգային կինոփառատոնը։ Այս տարի հենց այս փառատոնի շրջանակում էր ներկայացվելու Հայոց ցեղասպանության մասին պատմող «Խոստում» ֆիլմի պրեմիերան, որը նախատեսվածի պես կայացավ սեպտեմբերի 11-ին։
Օսկարակիր ռեժիսոր Թերի Ջորջի նկարահանած ֆիլմի պրեմիերային կարմիր գորգով անցել են բազմաթիվ հայտնի հյուրեր, այդ թվում՝ ֆիլմի գլխավոր դերակատարներ Քրիստիան Բեյլը, Օսկար Այզեքն ու Շարլոտ Լե Բոնը։
#ChristianBale walks #ThePromise red carpet with his beautiful wife! pic.twitter.com/dm4dEIvAAK
— HELLO! Canada (@HelloCanada) 12 сентября 2016 г.
42-ամյա Բեյլը, որը ֆիլմում մարմնավորում է ամերիկացի ֆոտոլրագրողի, փառատոնին ներկայացել էր կնոջ՝ Սանդրա (Սիբի) Բլեյզիքի հետ։
Համեստ հայ դեղագործ Միքայելի կերպարը կերտած Օսկար Այզեքը նույնպես փայլել է կարմիր գորգով անցնելիս։
Իսկ կանադուհի Շարլոտ Լե Բոնն՝ իր կարմիր շքեղ Dior զգեստով պարզապես շլացրել է բոլորին։
Հիշեցնենք, որ Քըրք Քըրքորյանի հովանավորությամբ նկարահանված կինոնկարի սաունդթրեքի հեղինակը աշխարհահռչակ հայ երաժիշտ Սերժ Թանկյանն է, որը նույնպես ներկա է եղել ֆիլմի պրեմիերային։
Ներկայացնենք ֆիլմի կարճ նկարագրությունը.
«Միքայելը համեստ հայ դեղագործ է, որը հեռանում է հարազատ գյուղից Կոստանդնուպոլիս՝ բժշկություն ուսումնասիրելու։ Քրիսը ամերիկացի ֆոտոլրագրող է, որը աշխարհաքաղաքական հարցեր լուսաբանելու համար նույնպես հայտնվում է այնտեղ։ Քրիսը հարաբերությունների մեջ է Փարիզում կրթություն ստացած հայ նկարչուհի Անայի հետ։ Երբ Մայքլը հանդիպում է Անային, ընդհանուր ժառանգությունը մտերմացնում է նրանց, ինչը երկու տղամարդկանց ռոմանտիկ մրցակցության պատճառ է դառնում։ Սակայն շուտով Օսմանյան կայսրությունը Առաջին համաշխարհային պատերազմում միանում է Գերմանիային եւ սկսում դաժանաբար ոչնչացնել իր սահմաններում ապրող ազգային փոքրամասնություններին։ Եվ չնայած միմյանց միջեւ կոնֆլիկտին՝ հերոսները կանգնում են իրենց կյանքը փրկելու խնդրի առաջ»։
Լուսանկարները՝ Twitter
Հետևեք NEWS.am STYLE-ին Facebook-ում, Twitter-ում և Instagram-ում
09:00, 27 ապրիլի
ԱՊՐԻԼԻ 27-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:22, 26 ապրիլի
Ամենաթանկարժեք զգեստները, որոնք աճուրդի են հանվել ռեկորդային գումարներով22:34, 26 ապրիլի
Դավաճանություն՝ քնած ժամանակ. ի՞նչ են նշանակում անհավատարմության մասին երազները21:16, 26 ապրիլի
Burj Al Arab-ը եւ Atlantis, The Palm-ը համարվել են աշխարհի «ամենաինստագրամյան» հյուրանոցները20:15, 26 ապրիլի
Տիտանիկի ամենահարուստ ուղեւորի մարմնից հայտնաբերված գրպանի ոսկե ժամացույցն աճուրդի է հանվել19:23, 26 ապրիլի
Montegrappa-ի նոր գրիչը նվիրված է Ֆրանկենշտեյնին16:21, 26 ապրիլի
Մայամիի սեքսի թանգարանում բացվել է Հաջիմե Սորայամայի Desire Machines ցուցահանդեսը15:19, 26 ապրիլի
Սուպերմոդել Ժիզել Բունդխենը ոստիկանի հետ զրույցի ժամանակ արտասվել է14:11, 26 ապրիլի
Ջիմմի Քիմելը ծաղրել է Քանյե Ուեսթի՝ պոռնո հարթակ բացելու ծրագրերը13:31, 26 ապրիլի
Քանյե Ուեսթի նախկին ընկերուհին՝ Ջուլիա Ֆոքսը, խոստովանել է, որ ռեփերի հետ իր սիրավեպն իր բերանում «թթու հետհամ» է թողել12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով