Ձեր ուշադրությանն ենք ներկայացնում մարդկանց պատմություններ, որոնք ապացուցում են, որ երբեք ուշ չէ որեւէ նոր բան սկսել: Հաջողությունն անպայման կունենաք, բայց փոքր-ինչ ուշ:
Ռեյ Քրոք. McDonald’s-ի հիմնադիր
«McDonald’s. ինչպես է ստեղծվել կայսրությունը» հայտնի գրքում Ռեյ Քրոքը գրել է. «1954 թվականին ես 52 տարեկան էի: Դիաբետ եւ արթրիտ ունեի: Լեղապարկս եւ վահանաձեւ գեղձիս մեծ մասը կտրել էին: Բայց ես հավատում էի ապագային»: Իսկ ճակատագրական պահը եկավ, երբ Քրոքը 52 տարեկանում ծանոթացավ ՄաքԴոնալդ եղբայրների հետ:
Հենրի Ֆորդ. Ford Motor Company-ի հիմնադիր
Մինչեւ 36 տարեկանը Հենրի Ֆորդն Էդիսոնի ընկերությունում որպես ինժեներ-մեխանիկ է աշխատել: Առաջին ավտոմեքենան կառուցել է 30 տարեկանում, իսկ իր սեփական ընկերությունը հիմնել է միայն 10 տարի անց: Ընկերությանն ամենամեծ հաջողությունը 1908 թվականին բերեց Ford T մոդելը. Հենրի Ֆորդն այն ժամանակ 45 տարեկան էր: Այդ մասին Ֆորդը մանրամասն գրել է իր «Իմ կյանքը: Իմ ձեռքբերումները» գրքում:
Մայքլ Բլումբերգ. Նյու Յորքի քաղաքապետ, Bloomberg լրատվական գործակալության հիմնադիր
39 տարեկանում ապագա միլիարդատեր Մայքլ Բլումբերգը հայտնվում է փողոցում: «Դժվար է հավատալ, բայց այդ ամենը հենց ինձ հետ է տեղի ունեցել: Ես 39 տարեկան էի, երբ լսեցի՝ «Ազատ ես»: Ես մնացի առանց աշխատանքի, որը վերջին 15 տարիներին կյանքիս իմաստն էր դարձել: Հաջորդ առավոտյան սկսեցի աշխատել նոր ընկերություն՝ Bloomberg-ը հիմնելու ուղղությամբ: Ամեն ինչ դեռ նոր էր սկսվում»,- «Բլումբերգը՝ Bloomberg-ի մասին» գրքում գրել է Մայքլ Բլումբերգը:
Ջորջ Սորոս. աշխարհի մեծագույն ներդրողը
Ամեն ինչ այսպես է սկսվել. 1960-ականների վերջին, երբ Սորոսն արդեն գրեթե 40 տարեկան էր, ձգտելով ավելի բարձր պաշտոն զբաղեցնել Arnhold & S. Bleichroeder-ում, կարողանում ընկերության սեփականատերերին համոզել երկու օֆշորային հիմնադրամ ստեղծել եւ իրեն հանձնել կառավարումը: Arnhold & S. Bleichroeder-ում հաջող գործունեությունը Սորոսին մղում է սեփական հիմնադրամը ստեղծելու գաղափարին: Soros Fund Management-ը, որն ավելի ուշ վերանվանվում է Quantum Fund-ի, ոչ մի անգամ վնաս չի կրել: 1971 թվականին հիմնադրամի ակտիվների արժեքը կազմել է 12.5 մլն դոլար, իսկ մեկ տարի անց՝ 20 մլն դոլար: Այդ ժամանակ Սորոսը 41 տարեկան էր:
Սեմ Ուոլթոն. Wal-Mart-ի հիմնադիր
Սեմ Ուոլթոնի փոքրիկ խանութը Նյուփորթում ծաղկում էր հինգ տարի շարունակ: Սակայն անսպասելիորեն ամպրոպ պայթեց. շենքի տերը հրաժարվեց երկարաձգել վարձակալության պայմանագիրը: Սեմը սարսափելի անհանգստանում էր: 44 տարեկանում ստիպված էր ամեն ինչ նորից սկսել: Հեռանալով Նյուփորթից՝ նա կնոջ եւ երեխաների հետ հաստատվում է հեռավոր Բենթոնվիլ քաղաքում եւ ամեն ինչ զրոյից սկսում: Նա հիմնում է Five & Ten Cents խանութը: Այդպես էլ ծնվում է ինքնասպասարկմամբ սուպերմարկետի գաղափարը՝ առաջինն Ամերիկայում եւ ամբողջ աշխարհում: Այս գաղափարը հարստացրեց Սեմին:
Աղբյուրը՝ knigikratko.ru
Հետևեք NEWS.am STYLE-ին Facebook-ում, Twitter-ում և Instagram-ում
12:05, 10 մայիսի
«Ձեր մտքով անցե՞լ է, որ այստեղ լինելով վտանգ եք ներկայացնում այլ մասնակիցների եւ հանրության համար». լրագրողը՝ Իսրայելի ներկայացուցչին11:16, 10 մայիսի
Էնդի Սերկիսը վերադառնում է «Մատանիների տիրակալի» տիեզերք10:20, 10 մայիսի
Հեյլի Բիբերը հղի է10:05, 10 մայիսի
«Կարծում եմ՝ մեր մայրիկները էկրանից այն կողմ լաց էին լինում». «Լադանիվան»՝ «Եվրատեսիլ 2024»-ի ֆինալիստների ասուլիսին09:27, 10 մայիսի
Հայաստանը «Եվրատեսիլ 2024»-ի եզրափակչում ելույթ կունենա 19-րդ համարի ներքո09:00, 10 մայիսի
ՄԱՅԻՍԻ 10-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ01:13, 10 մայիսի
«Եվրատեսիլ 2024». Հայաստանն անցավ եզրափակիչ փուլ00:12, 10 մայիսի
Հայաստանը ներկայացնող «Լադանիվա»-ի ելույթը՝ «Եվրատեսիլ 2024»-ի երկրորդ կիսազրափակչին (VIDEO)23:00, 9 մայիսի
«Եվրատեսիլ 2024»-ի երկրորդ կիսաեզրափակիչը․ «Լադանիվան» ելույթ կունենա 8-րդը (ՈւՂԻՂ)22:09, 9 մայիսի
Սալվադոր Դալին եւ նրա լեգենդար բեղերը21:23, 9 մայիսի
Բուրջ Խալիֆան աշխարհի ամենաբարձրահասակի տիտղոսը կզիջի Սաուդյան Արաբիայի Ջիդդա աշտարակին20:16, 9 մայիսի
Շառլ Ազնավուրի սիրավեպերը․ շանսոնյեի հարյուրամյակին