• Critics Choice Awards 2024-ի 10 լավագույն կերպարները՝ կարմիր գորգին

  Աստղային եւս մեկ միջոցառում անցյալում է՝ «Օպենհայմերի» ու «Բարբիի» հերթական նվաճումներով․․․

• Ջոնի Դեփի հաղթական վերադարձը` «Ժաննա Դյուբարի» ֆիլմով

  Ամուսնալուծության աղմկահարույց սկանդալից հետո այս ամառ թողարկվեց Ջոնի Դեփի մասնակցությամբ առաջին ֆիլմը․․․

• Ջոնի Դեփը ռեկորդային պայմանագիր է ստորագրել Dior-ի հետ

  Dior-ը 20 միլիոն դոլարի նոր պայմանագիր է կնքել Ջոնի Դեփի հետ․․․

• «Օսկար 2023». ովքե՞ր են արժանացել աշխարհի գլխավոր կինոմրցանակին

  Լոս Անջելեսի Dolby Theatre-ում ամփոփվել են մրցանակաբաշխության արդյունքները եւ որոշվել են լավագույններից լավագույնները․․․

• Պամելա Անդերսոն. երեք լեգենդար կերպար

  NEWS.am STYLE-ը մեկտեղել է Պամելա Անդերսոնի երեք ամենահիշվող կերպարները, որոնք կարելի է կրել նաեւ Երեւանի փողոցներում...

• Կիանու Ռիվզն իրեն հետապնդող տղամարդու պատճառով դիմել է դատարան

  Կիանուն նույնիսկ ստիպված է եղել անվտանգության ընկերություն վարձել․․․

• Էշթոն Քաթչերը Դեմի Մուրից բաժանվելուց հետո իրեն անհաջողակ է զգացել

  Ոչինչ չի ստիպում քեզ անհաջողակ զգալ, ինչպես ամուսնալուծությունը․․․

• Աստղային գեղեցկության գաղտնիքները. SPF-ն Էնն Հեթուեյի խնամքի անբաժանելի մաս

  «Ես հովանոց եմ վերցնում ինձ հետ, երբ քայլում եմ արեւի տակ…

Արդեն մի քանի օր է Համացանցում լուրեր են շրջում, որ Ամերիկյան կինոակադեմիան պաշտոնապես ներկայացրել է «Օսկար» մրցանակաբաշխության համար «Լավագույն օտարալեզու ֆիլմ» անվանակարգում ֆիլմերի ցուցակը։ Այս տարի դրանց թիվը 85–ն է, ինչը գերազանցում է 2014–ի ռեկորդը, երբ ներկայացվել էր 83 ֆիլմ։ Եվ այդ ցուցակում չի հայտնվել հայկական «Երկրաշարժ» ֆիլմը։ Ֆիլմի ստեղծագործական անձնակազմը Facebook–ի իր էջում հայտարարություն է արել ֆիլմի՝ «Օսկարի» առաջադրվելու մասին։

«Որոշ լրատվամիջոցներում ոչ կոռեկտ տեղեկություն է հայտնվել «Երկրաշարժ» ֆիլմի՝ «Օսկարի» առաջադրվելու մասին։

Որպեսզի զերծ մնանք բամբասանքներից, մենք հրապարակում ենք պաշտոնական հայտարարություն։

Հոկտեմբերի 7-ին Հայաստանի ազգային կինոակադեմիան Ամերիկյան կինոակադեմիայից հավակնություններ է ստացել Սարիկ Անդրեասյանի «Երկրաշարժ» ֆիլմի առաջադրման համար։

Հավակնությունների էությունն այն է, որ ֆիլմի ստեղծագործական խմբում կան շատ ռուսներ, եւ «Օսկարի» առաջադրման համար քիչ են հայերը։

Կինոնկարի պրոդյուսերներ Ռուբեն Դիշդիշյանը, Արամ Մովսեսյանը, Ղեւոնդ եւ Սարի Անդրեասյանները, դերասաններ  Վիկտոր Ստեփանյանը, Հրանտ Թոխատյանը, Միքայել Պողոսյանը, կոմպոզիտոր Հայկ Հակոբյանը չեն համաձայնել  այդ հավակնությունների հետ։ Ինչպես նաեւ Հայաստանի ազգային կինոյի կենտրոնը եւ Հայաստանի մշակույթի նախարարությունը, որոնց աջակցությամբ դիմում է ուղարկվել Կինոակադեմիա եւ դրան կից ներկայացվել են փաստաթղթեր, որոնք հաստատում են, որ ֆիլմը Հայաստանի եւ Ռուսաստանի  համատեղ արտադրանքն է, եւ ստեղծագործական վերահսկողության հավասարակշռությունը ֆիլմի արտադրության ժամանակ պահպանվել է։

Փաստաթղթերն ուղարկվել են երկուշաբթի առավոտյան, սակայն քանի որ ԱՄՆ–ում դա ոչ աշխատանքային օր էր, դիմումը հավուր պատշաճի չի գրանցվել, եւ երեքշաբթի մամուլին ներկայացվել էր թեկնածուների ցուցակը՝ հաշվի չառնելով «Երկրաշարժի» շուրջ ստեղծված իրավիճակը։

Այս պահին Ակադեմիան հաստատում է, որ հայկական կողմից փաստաթղթերը ստացվել են, եւ մենք հույս ունենք, որ ֆիլմը կներառվի հավակնորդ ֆիլմերի ցուցակում։ Չէինք ցանկանա մտածել, որ դա քաղաքական որոշում է Ակադեմիայի կողմից։ Բավական է նայել ֆիլմի ենթագրերը, որպեսզի հասկանալի դառնա, որ դրանք 90 տոկոսով արվել են հայերի կողմից են՝ Հայաստանի, Ֆրանսիայի եւ Ռուսաստանի հայերի»,– ասում է Ռուբեն Դիշդիշյանը։

Հետևեք NEWS.am STYLE-ին Facebook-ում, Twitter-ում և Instagram-ում