2016 թ-ը երգչուհի Նարե Գրիգորյանի եւ նրա ընտրյալի` իրավաբան Արամ Շամիլյանի համար նշանավորվեց անձնական մեծ ձեռքբերումներով: Նրանք ոչ միայն հանդիպեցին միմյանց, այլեւ հենց նույն տարում կայացավ զույգի նշանադրության արարողությունը:
Օրեր առաջ էլ Նարեն եւ Արամը մեծ սիրով լուսանկարվեցին NEWS.am STYLE-ի ռոմանտիկ ֆոտոշարքում եւ կիսվեցին իրենց անկեղծ սիրո գեղեցիկ պատմությամբ:
-Նարե հիշո՞ւմ ես` ինչպես եւ որտեղ առաջին անգամ հանդիպեցիր Արամին:
-Հանդիպել ենք Կարապի լճում, որտեղ տեղի էր ունենում միջոցառում, որի ընթացքում ես պետք է մի երգ երգեի: Միջոցառումը վարում էր ընկերուհիս` Լուսինե Փիրոյանը, որը նաեւ Արամի քույրն է: Արամն էլ նախորդ օրն էր վերադարձել Միացյալ Նահանգներից եւ որոշեց Լուսինեի հետ միասին գալ Կարապի լիճ: Այդպես ծանոթացանք, ընկերացանք...
-Հրապուրանքը միմյանց հանդեպ միանգամի՞ց է ծնվել:
Նարե-Անկեղծ ասած` առաջնահերթ չեմ հրապուրվել նրանով: Սեր առաջին հայացքից չի եղել…Ընդամենը բարեւեցի, ժպտացինք, խոսեցինք մի քիչ: Չգիտեմ Արամի մոտ ինչպես է եղել, բայց իմ մտքով չէր էլ անցնում, որ մեր միջեւ զգացմունք կարող է ծնվել:
Արամ-Ճիշտն ասած` ինձ մոտ էլ առաջին հայացքից ոչինչ չի եղել, բայց երբ երգեց, հասկացա, որ շատ տաղանդավոր աղջիկ է: Մեզ մոտ ամեն ինչ փուլ առ փուլ է սկսվել:
-Միմյանց մեջ ո՞ր հատկանիշներն եք առաջին հերթին գնահատում:
Նարե-Արամի մեջ առաջնահերթ գնահատում եմ հավատարմությունը, զուսպ լինելը, դաստիարակությունը…
Արամ-Ես էլ կնշեմ Նարեի հավատարմությունը, դաստիրակությունը…
Նարե-Նկատեցի՞ք` զուսպ լինելս չնշեց (ծիծաղում է):
-Ձեր կյանքը շա՞տ է փոխվել միմյանց հանդիպելուց հետո:
Նարե-Կյանքս 180 աստիճանով փոխվել է: Մինչ Արամին հանդիպելն ավելի ինքնամփոփ եմ եղել, առանձնանում էի ինքս ինձ հետ, իսկ հիմա դրա համար ժամանակ անգամ չունեմ:
Արամ-Նարեն իմ կյանք բերեց ուրախություն, հետաքրքրություն: Նրա հետ երբեք չես ձանձրանա:
-Նարե, հետաքրքիր է` ինչպե՞ս հայրիկդ` Սամվել Գրիգորյանն, ընդունեց իր ապագա փեսային: Ինչպե՞ս է եղել նրանց ծանոթությունը:
Նարե-Հետաքրքիր մի պատմություն հիշեցի: Երբ Արամը ինձ տուն էր բերում, դռան մոտ էր կանգնում, ներս չէր գալիս: Երբ հարցնում էի` ինչու ներս չի ցանկանում գալ, կատակով ասում էր` «դեռ մուտքի վիզան չեմ ստացել հայրիկիդ կողմից»:
Բնականաբար, մինչեւ նրանց ծանոթությունը պատմել էի Արամի մասին: Եվ այդպես նա առաջինն առաջարկեց Արամին հրավիրել մեր տուն, որպեսզի մեկ բաժակ սուրճ ըմպենք միասին, եւ նրանք կարողանան ծանոթանալ: Հանդիպումից հետո պարզեցին, որ շատ ընդհանուր ընկերներ ունեն, բավականին շատ նմանություններ գտան, ինչն ինձ շատ ուրախացրեց:
-Խանդո՞տ եք:
-Արամն էլ է խանդոտ, ես էլ: Ասում են` դա շատ սիրելով է պայմանավորված:
-Հնարավո՞ր է` ամուսնությունից հետո Արամը դեմ լինի, որ երգես:
Արամ-Իհարկե արգելելու եմ (ծիծաղում է):
Նարե-Իրականում, Արամն արդեն երկար ժամանակ է` զբաղվում է իմ պրոդյուսինգով: Նա ինձ շատ է օգնում` ինքն է զբաղվում համերգային բոլոր պայմանավորվածություններով, իմ ելույթներով: Ես, պարզապես, գնում եւ արդեն պատրաստված երգում եմ:
-Արամ, ո՞ր երգն ես ամենից շատ սիրում Նարեի կատարմամբ կամ Նարեի երգացանկից:
-Նարեի կատարմամբ շատ եմ սիրում Վարդուհի Վարդանյանի Հայաստան երգը:
-Նարե, ձեր սիրո պատմության մասին երգ արդեն ունե՞ս գրած:
-Երգեր գրում եմ, բայց երբեւէ չեմ մտածել նման երգ ստեղծելու մասին: Հետաքրքիր միտք էր: Միգուցե ժամանակը գա, եւ գրեմ այդպիսի երգ:
-Հարսանիքի մասին արդեն մտածո՞ւմ եք:
Նարե-Իհարկե, ծրագրում ենք մեր հարսանիքը, բայց դեռեւս չենք բարձրաձայնում այդ մասին: Ամեն ինչ իր ժամանակին կլինի:
-Ի՞նչ կմաղթեք սիրահարներին` սիրո միջազգային տոնի առթիվ:
Արամ-Սիրահարներին մաղթում եմ սեր ու համերաշխություն:
Նարե-Ես կավելացնեմ. միմյանց համդեպ մի քիչ ավելի ներողամիտ եղեք, փոքրիկ վեճերը մի դարձրեք բաժանության մեծ պատճառ:
-Այս պահին ի՞նչ եք ուզում ասել միմյանց:
Նարե-Ես քեզ սիրում եմ…
Արամ-Ես քեզ ավելի շատ:
Սյունե Առաքելյան
Լուսանկարները` Արսեն Սարգսյանի
Դիմահարդար` Լիկա Գեւորգյան
Վարսահարդար` Վարդուհի Այվազյան
Նկարահանումը տեղի է ունեցել Comely նվերների խանութ սրահում




















Հետևեք NEWS.am STYLE-ին Facebook-ում, Twitter-ում և Instagram-ում
23:01, 19 նոյեմբերի
Birkin-ը՝ GTA 6-ի աշխարհից․ Hermès-ի խորհրդանշական պայուսակը պատվել է Vice City-ի ոճով փայլող բյուրեղներով22:19, 19 նոյեմբերի
Աթեիստ, որը հանդիպել է Հռոմի պապին, փանկ-ռոքի երկրպագու և ծանոթությունների հավելվածի ստեղծող․ արհեստական բանականության աշխարհի յոթ արտասովոր միլիարդատերերը21:34, 19 նոյեմբերի
WSJ․ Ի պաշտպանություն կաշվե բաճկոններ կրող միջին տարիքի տղամարդկանց20:20, 19 նոյեմբերի
600 միլիոն ֆունտ ստեռլինգ՝ «արժանապատիվ կյանքի» համար․ ռուսաստանցի օլիգարխի նախկին կինը ամուսնալուծությունից հետո ռեկորդային գումար է պահանջում19:35, 19 նոյեմբերի
Նյու Յորքի Հինգերորդ պողոտան կրկին դարձել է աշխարհի ամենաթանկ առևտրային փողոցը18:00, 19 նոյեմբերի

16:30, 19 նոյեմբերի
Dior-ը, Omega-ն և Aston Martin-ը պայքարում են նոր գործակալ 007-ի կողքին հայտնվելու համար15:26, 19 նոյեմբերի
Ֆլորենս Փյուն պատասխանել է քննադատներին․ դերասանուհին բացահայտել է նիհարելու և արտաքինի փոփոխության իրական պատճառները14:33, 19 նոյեմբերի
«Նա հիշաչար է». Քրիստինա Ռիչին պատմել է, թե ինչու է Շերը դադարել շփվել իր հետ14:14, 19 նոյեմբերի
Սարդ-մարդը կմարմնավորի ChatGPT-ի ստեղծողին․ Սեմ Ալթմանը խոստովանել է, որ իր կյանքն առանց այդ էլ չափազանց տարօրինակ է13:06, 19 նոյեմբերի
Բրիտանական կառավարությունը ծաղրել է նոր Ջեյմս Բոնդին12:31, 19 նոյեմբերի
«Հանգստացիր կամ հեռացիր բեմից». Մրայա Քերին քննադատության է արժանացել Բրազիլիայում ունեցած տարօրինակ ելույթից հետո