• Գիտնականն ու հայտնի կոմպոզիտորը պարզել է, թե ինչպես է հնչում պաստան

  Երբեւէ մտածե՞լ եք, թե ինչպես է հնչում ձեր սիրելի պաստան…

• Ավելի քան 200 երաժիշտներ, այդ թվում Բիլի Այլիշը եւ Նիքի Մինաժը, հայտարարել են ԱԲ սպառնալիքի մասին երաժշտության ոլորտում

  Ավելի քան 200 երաժիշտներ, այդ թվում Բիլի Այլիշը, Նիքի Մինաժը, Ջեյ Բելվինը, Չաք Դին, Benny The Butcher-ը, Metro Boomin-ը եւ Q-Tip-ը, հայտարարել են արհեստական բանականության սպառնալիքի մասին երաժշտության ոլորտում...

• Բեյոնսեն դարձել է առաջին սեւամորթ արտիստը, ում քանթրի երգը չարթերում գրավել է առաջին հորիզոնականը

  Իր «Ռենեսանս» շրջագայությամբ աշխարհը նվաճելուց հետո Բեյոնսեն շարունակում է պատմություն կերտել իր նոր՝ Act II ալբոմով…

• Երաժշտության պատմությունը փոխած «Rhapsody in Blue» ստեղծագործությունը 100 տարեկան է

  Փետրվարին լրանում է Ջորջ Գերշվինի «Rhapsody in Blue» ամերիկյան երաժշտության խորհրդանշական կոմպոզիցիայի ստեղծման 100-ամյակը․․․

• Շերը Ռոքնռոլի փառքի սրահի հավակնորդների թվում է

  Շերը, Լենի Կրավիցը, Շինեյդ Օ'Քոնորը, Մերի Ջեյ Բլայջը, Օզի Օսբորնը եւ Մրայա Քերին Ռոքնռոլի փառքի սրահի հավակնորդներից են․․․

• Sony Music-ը Մայքլ Ջեքսոնի կատալոգի մասնաբաժինը կգնի ավելի քան 1,2 միլիարդ դոլարով

  Sony-ի գործարքը չի ներառում Բրոդվեյի պիեսների եւ Ջեքսոնի երաժշտությունը ներկայացնող այլ թատերական բեմադրությունների հոնորարները․․․

• Թեյլոր Սվիֆթը «Գրեմմիի» ռեկորդ է սահմանել

  Լոս Անջելեսում կայացել է Գրեմմիի 66-րդ մրցանակաբաշխությունը…

• Ջեյ Լոն եւ Latto-ն՝ «Can't Get Enough (Remix)» երգի «թեժ» տեսահոլովակում

  Միակ բանը, որից Ջենիֆեր Լոպեսը չի կարող կշտանալ, սերն ու բուռն երաժշտական ​​տեսահոլովակներն են․․․

Օրեր առաջ համացանցը ողողված էր փոքրիկ Աննա Գրիգորյանի ելույթի մասին անդրադարձներով: Աղջիկը շոկի էր ենթարկել Հոլանդիայի «Ձայնը» նախագծի ժյուրիի անդամներին: Աննան ներկայացել էր «This is a men’s world» երգի կատարմամբ, որից հետո ոչ միայն արժանացել էր հանդիսատեսի բուռն ծափահարություններին, ալեւ ժյուրիի հիացական արձագանքին: Հայտնի երգիչ Ali B-ին, նույնիսկ, ծնկաչոք խնդրել էր հայ փոքրիկին ընտրել իր թիմը: Աննան էլ հենց նրան է ընտրել:

NEWS.am STYLE-ին հաջողվել է կապ հաստատել փոքրիկ գեղեցկուհու հետ: Մեզ հետ զրույցում աղջնակը խոսել է մրցույթին մասնակցելու ցանկության եւ սպասելիքների մասին.

«Մրցույթին մասնակցելու որոշումն իմն է եղել: Սպասում էի, որ ժյուրիի անդամները կշրջվեին ելույթիս ընթացքում, բայց որ ծնկի կիջնեին, ոչ…Ընտրեցի Ալիին, որովհետեւ նրան ու առհասարակ նրա երգերը շատ եմ սիրում եւ ցանկացա աշխատել հենց նրա հետ»,-ասում է Աննան, որը երգում է 5 տարեկանից:

Աննան ծնվել է Հոլանդիայում: Թեեւ աղջիկը դեռեւս երբեք չի եղել Հայաստանում, բայց վարժ տիրապետում է հայերենին.

«Հայերեն լավ եմ խոսում, որովհետեւ տանը հիմնականում հենց հայերենով ենք շփվում: Ցանկությունս մեծ է Հայաստան գալու»:

Աննայի հետ զրուցեցինք նաեւ մրցույթի ակնկալիքներից եւ մրցակիցներից.

«Դեռ ոչինչ հստակ չեմ կարող ասել: Հուսով եմ` նախագծի ընթացքում ամեն ինչ լավ կընթանա: Այո, հաղթելու ցանկությունս շատ մեծ է, բայց հաղթողին, ինչպես հայտնի է` կորոշի հանրությունը: Ինչ վերաբերում է մրցակիցներիս` ինձ համար բոլոր մասնակիցներն էլ յուրահատուկ են»,-նշեց փոքրիկ երգչուհին, որն այս շրջանում պատրաստվում է մենամարտ փուլին:

NEWS.am STYLE-ը հաջողություն է մաղթում Աննային` մրցույթի հետագա փուլերի ընթացքում:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում