«Դու հրաշալի ես երգում»,-այսպիսին էր արքայազն Չարլզի արձագանքը օպերային երգչուհի Անաիս Հեղոյանի կատարումից հետո: Հայ երգչուհին Ուելսի արքայազնի համար ելույթ է ունեցել Վեսթմինսթերյան պալատում՝ Հայոց Ցեղասպանության 100-րդ տարելիցին նվիրված միջոցառման ժամանակ: Այսօր Անաիսը Երեւանում է՝ Արամ Խաչատրյանի անվան միջազգային մրցույթին մասնակցելու նպատակով: Ի դեպ, երգչուհու գեղարվեստական ղեկավարը Մեծ Բրիտանիայում հայտնի պարուսույց Արթուր Գուրունլյանն է, որի հետ մեր հետաքրքիր զրույցն արդեն ներկայացրել ենք ձեր ուշադրությանը:
NEWS.am STYLE-ն առիթը բաց չի թողել եւ զրուցել է նաեւ Անաիսի հետ.
«Արթուրի հետ ծանոթացել ենք անցած ամառ՝ Լոնդոնում կայացած Armenian Street Festival-ի շրջանակներում: Նա միջոցառման գեղարվեստական ղեկավարն էր: Մենք միասին աշխատեցինք, շատ երկար ժամանակ անցկացրեցինք իրար հետ, գրեթե անբաժանելի էինք դարձել: Տեղեկանալով այս մրցույթի մասին` ես ցանկացա մասնակցել դրան, իսկ Արթուրն այստեղ չէր եղել ավելի քան 25 տարի, եւ ես մտածեցի՝ սա հրաշալի հնարավորություն կլինի միասին Հայաստան գալու համար»,-ասում է Անաիսը, որն, ի տարբերություն Արթուրի, հաճախակի է լինում հայրենիքում.
«Անցած տարի հոկտեմբերին եւս այստեղ էի, որպեսզի մասնակցեի զարմիկիս հարսանիքին: Շատ բարեկամներ ունենք Հայաստանում: Հաճախ եմ ամռանը լինում այստեղ, նաեւ մի շարք բարեգործական միջոցառումներ եմ իրականացնում»:
Իհարկե, չէինք կարող Անաիսին չխնդրել պատմել արքայազն Չարլզի առջեւ ելույթի մասին.
«Վեսթմինսթերյան պալատում Հայոց Ցեղասպանության 100-րդ տարելիցին նվիրված միջոցառում էին կազմակերպել: Մեր դեսպան Արմեն Սարգսյանն էր կազմակերպել այն եւ հենց նա էր արքայազն Չարլզին հրավիրել՝ որպես հատուկ հյուր: Շատ ուրիշ անվանի մարդիկ էլ կային այնտեղ: Ես ինձ բախտավոր եմ համարում, որ երգել եմ որպես սոլիստ: Կատարեցի հայկական հոգեւոր երգ: Հնարավորություն ունեցա նաեւ լուսանկարվելու արքայազնի հետ, եւ նա ինձ հենց այդ ժամանակ ասաց, որ հրաշալի եմ երգում: Ինձ համար դա անմոռանալի պահ էր»,-խոստովանում է հայ երգչուհին:
Անաիսը Հայաստանից մենելու է հունիսի 14-ին՝ մրցույթի ավարտից հետո, բայց տաղանդավոր հայուհին խոստանում է պարբերաբար վերադառնալ հայրենիք:
Անաիս Հեղոյանի հետ մեր ամբողջական զրույցը՝ տեսանյութում։
Զրուցեց Սյունե Առաքելյանը
Տեսանյութը՝ Շուշան Շատիկյանի
Հետևեք NEWS.am STYLE-ին Facebook-ում, Twitter-ում և Instagram-ում
23:13, 24 ապրիլի
«Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան22:17, 24 ապրիլի
Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին21:30, 24 ապրիլի
«Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն20:48, 24 ապրիլի
«Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ19:46, 24 ապրիլի
«Այս ողբերգությունը նրա կյանքի անբաժան մասն է եղել»․ Քրիստինա Ազնավուրը արխիվային լուսանկարներ է հրապարակել Շառլ Ազնավուրի՝ Հայաստան կատարած այցից16:33, 24 ապրիլի
«Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան15:04, 24 ապրիլի
«Երբ մենք հիշում ենք Հայոց ցեղասպանությունը, մենք երդվում ենք երբեք չմոռանալ պատմության դասերը»․ լիբանանահայ դիզայներ Գրիգոր Ջաբոտյան14:29, 24 ապրիլի
Լույս է տեսել Հաքան Սեքինելգինի «Հայոց ցեղասպանությունը եւ Թուրքիան. հանրային հիշողություն եւ ինստիտուցիոնալացված ժխտում» գիրքը13:03, 24 ապրիլի
«Եվրատեսիլ 2024»-ում Հայաստանը ներկայացնող «Լադանիվա» խմբի անդամները հարգանքի տուրք են մատուցել Հայոց ցեղասպանության զոհերի հիշատակին (ֆոտո)12:01, 24 ապրիլի
Մարգարիտա Սիմոնյանը պատմել է Հայոց ցեղասպանությունից փրկված իր նախնիների պատմությունը11:12, 24 ապրիլի
«24.04.2024 ից թող սկսվի Հայաստան-Արցախի վերածննդի հետհաշվարկը: Ես հավատում եմ». Նազենի Հովհաննիսյան10:04, 24 ապրիլի
Աշխարհը՝ Հայոց ցեղասպանության մասին. հայտնի մարդկանց հայտարարությունները՝ ողբերգության 109-րդ տարելիցի կապակցությամբ