• Հսկայական պայուսակներ և օդային ուրվագծեր. Bottega Veneta-ն նորաձևության հեղափոխություն է արել Միլանում

  Bottega Veneta-ն Միլանի նորաձևության շաբաթում ներկայացրեց իր գարուն/ամառ 2027 հավաքածուն՝ շեշտը դնելով հանգիստ ուրվագծերի և ազատ համամասնությունների վրա, որոնք բառացիորեն սահում են մարմնի վրայով՝ առանց շարժումները սահմանափակելու…

• Ժանյակ, խաչեր և ընձառյուծի նախշեր. Dolce & Gabbana-ն փրկություն է փնտրում պարտքերի ֆոնին

  Այս շաբաթվա սկզբին Ջենիֆեր Լոպեսը Միլանում ներկայացավ Vogue World-ի ցուցադրությանը՝ սև Dolce & Gabbana բյուստիեր զգեստով և ուլունքավոր A-ձև կիսաշրջազգեստով…

• Դեմնան շրջեց Gucci-ի էջը. Միլանում շքեղ ցուցադրությունը զարմացրել է նոր գեղագիտությամբ

  Դեմնան Միլանում ներկայացրեց Gucci-ի գարուն/ամառ 2027 հավաքածուն՝ այն վերածելով տպավորիչ խանութի ցուցադրության՝ մեծածավալ նորաձևության շոուի՝ հատուկ կառուցված, հսկայական Gucci խանութ-սրահում…

• Max Mara-ն գերզբաղված կանանց համար նոր հավաքածու է ներկայացրել

  Max Mara-ի գարուն/ամառ 2027 հավաքածուն հիմնված է գործնական և ֆունկցիոնալ իրերի վրա՝ սաֆարի ոճի և գրպաններով բաճկոններ և տրենչքոթներ…

• «Ինձ դուր է գալիս իմ մարմինը քո մարմնի կողքին». FENDI-ն նորաձևության շաբաթը վերածել է հայելիների և գայթակղության խաղի

  Նորաձևության շաբաթվա ցուցադրության հրավերը սովորաբար հուշում է, թե ինչ կարող են ակնկալել հյուրերը․․․

• Համբույրներ, տնքոցներ և սեքսի իմիտացիա. Միլանում Diesel–ի շոուն ցնցել է հանդիսատեսին  

  Աշխարհի նորաձևության շաբաթներին ակնհայտորեն ավելի ու ավելի քիչ են լինում սովորական նորաձևության ցուցադրությունները և ավելի ու ավելի շատ անսպասելի ներկայացումներ։ Սակայն Միլանի նորաձևության շաբաթում տեղի ունեցածը, կարծես, զարմացրել է նույնիսկ ամենաճշգրիտ հանդիսատեսին, հաղորդում է NYP-ն...

• «Տգեղ» նախշերից մինչև մինի գրպաններ. Prada-ն կիսաշրջազգեստը վերածել է ցանկության գլխավոր առարկայի

  Միուչչա Պրադան և Ռաֆ Սիմոնսը որոշեցին կանանց նորաձևությանը նայել ներքևից վերև․․․

• Շքեղությունը կորցնում է իր փայլը. Մերձավոր Արևելքում պատերազմը սրում է համաշխարհային շքեղության ճգնաժամը

  Աշխարհի խոշորագույն նորաձևության տների` Միլանում և Փարիզում կազմակերպված տպավորիչ ցուցադրությունների հետևում թաքնված է մտահոգիչ պատկեր․․․

Պայուսակի ընտրությունը լուրջ գործ է: Այն զգեստապահարանի մյուս աքսեսուարներից ավելի շատ է ձեր մասին տեղեկություններ հաղորդում` ձեր ճաշակի, հագնվելու հմտության, կենսակերպի, ֆինանսական հնարավորությունների, սոցիալական կարգավիճակի, բնավորության, կյանքի հանդեպ կրեատիվ եւ լավատեսական, իսկ գուցե եւ խիստ մոտեցման մասին:

2017-ի ամառային պայուսակները ում ասես կշփոթեցնեն: Ձեւերի ու չափերի, նյութի ու ոճի բազմազանություն, բայց նույնիսկ նման խճանկարում հաջողվում է հիմնական միտումների տարբերակումը: Կոշկեղենի աննման կրեատիվին արձագանքում են նաեւ տարբեր իրեր հիշեցնող պայուսակները:

«Չափը կարևոր է»` Balenciaga-ի նշանաբանն է, որը վիթխարի մոդելներ է առաջարկում`  ճանապարհորդական ուսապարկեր եւ կլոր փափկաթոռակներ հիշեցնող: Ծավալուն պայուսակները միշտ էլ ոճային են եղել, սակայն դրանց հիմնական կանոնը սեփական կազմվածքին անհրաժեշտ համաչափությունների պահպանումն է. համաձայնվեք, որ չափից ավելի մեծ պայուսակով փխրուն ու փոքրամարմին կինը հանգիստ կարող է սայթաքել սեփական պայուսակի վրա, ընկնել մեջը եւ կորել: Չնայած, կարծում եմ, ձեզնից շատերի պայուսակում բավականաչափ պաշար կլինի, որպեսզի այնտեղ հաջողվի մեկ-երկու ամիս ապրել:

Չափազանցությունն առնչվել է նաեւ ուսապայուսակներին, որոնք իրենց դիրքերը չեն զիջում, քանի որ անչափ պրակտիկ են ու ոճային:

Հսկա չափերին հակադրված է միկրոսկոպիկը: Ամենափոքր պայուսակների մրցույթներ են կազմակերպել նորաձեւության այնպիսի տներ, ինչպիսին են Givenchy-ն, Valentino-ն, Stella McCartney-ն եւ Hermès-ը: Փոքրիկներին կրում են թեքությամբ կամ վզի վրա զարդի փոխարեն` մեզ վստահեցնելով, թե դա պայուսակ է: Եթե գեր կանանց թվին եք պատկանում, չափազանց փոքր պայուսակը հանդես կգա ձեզ վրա կախված զոհի դերում ` դարձնելով ձեզ ավելի խոշոր:

Սեզոնի հիմնական շեշտադրումները կենտրոնացած են շռայլորեն զարդարված գոտիների եւ բռնակների վրա: Ապրանքանիշներից շատերն առաջարկում են ուղղակի առանձին փոքրիկ գոտիներ:

Ապարանջանների եւ օղակների տեսքով բռնակները, ինչպես նաեւ դաստակի մոտ փակվող ճարմանդներով պայուսակը հազիվ թե հաջողվի ձեռքից թռցնել, այն հարմար է նաեւ ակումբներում եւ խնջույքների ժամանակ, երբ մշտապես հարկ է լինում լուծել պայուսակն ինչ-որ տեղ դնելու հարցը:

Հավանաբար մեկ անգամ չեք շրջապատողներին հոգնեցրել հարցով` ինչպիսի պայուսակ ընտրել, մեծ թե փոքր, սա թե նա, եւ ստացել ոչինչ չնշանակող` «երկուսն էլ սազում են» պատասխանը: Իհարկե, եթե փոքրն ընտրեք, հարց է, թե որտեղ խցկել աշխարհի վերջի դեպքում անհրաժեշտ ամեն ինչը, իսկ դիզայներները զգում մեր կասկածները եւ առաջարկում են «բազմապայուսակություն 2017» նոր միտումը, այսինքն` հանգիստ կարելի է վերցնել միեւնույն, իսկ գուցե եւ տարբեր ընտանիքների տարբեր չափերի 2 եւ ավելի պայուսա: Իրականում դա այսպիսի տեսք ունի:

Սեզոնի նորույթներից են նաեւ գրպանիկները եւ գոտիների վրայի պայուսակները. 1990-ականների մոռացված դետալները վերադարձել են եւ, հավանաբար, մեծ թվով հետեւողներ կգտնեն, առավել եւս, որ այս դեպքում եւս ողջունվում են զույգերը: 

Իսկ հիմա սեզոնի թրենդ ուղղաձիգ ուղղանկյան մասին, որը, համաձայն եմ, այնքան էլ կիրառելի չէ. տարողությունը քիչ է, բայց շշմելու է նայվում:

Խոշոր կանանց համար լավագույն մոդելներից մեկը կիսաշրջանաձեւ պայուսակն է: Կիսաշրջանաձեւ մոդելները նաեւ գործնական ոճի հրաշալի այլընտրանք են. դրանք մեղմում են խստաոճ բաճկոնները եւ կանացիություն հաղորդում:

Դե, իհարկե, նաեւ պարկերը: Պարկի ձեւն ամենատարածվածն է: Եթե պարկ, ուրեմն հսկա,  անճոռնի, գեղջկական: Ընդունված է դրանք էլեգանտորեն բոխչա կապել: Նորձեւ են նաեւ փոքրիկ ազնվականական քսակները: Դուք ե՞ւս դրանց նայելով պատկերացնում եք հովհար եւ թաշկինակ: 

Երկրաչափական ձեւերի կլատչեր՝ տարբեր դետալներով ծանրաբեռնված` շղթաներ, քարեր, ծոպեր եւ փետուրներ: 

Դե, իսկ նման պայուսակներին հակադրվում են սովորական ցանցապայուսակները, որ հիմա նաեւ բրենդային են:

Առանձին անդրադառնանք պայուսակների նյութին. նախապատվությունը տվեք բնական կաշվին, զամշին, իսկ գործվածքը եւ ծղոտը ամառվա համար հրաշալի այլընտրանք են, առավել եւս, որ գագաթնակետին են միեւնույն պրինտով զգեստն ու պայուսակը:

Հետևեք NEWS.am STYLE-ին Facebook-ում, Twitter-ում և Instagram-ում