Էմմա Մկրտչյանը` մանկության վառ հուշերի, Երեւանում բնակվելու եւ իր սիրտը կոտրելու մասին

Գոհար Հարությունյանը` մանկության, հայրիկի բացի եւ 16 տարեկանում նշանադրությունը չեղարկելու մասին

«Խորոտիկ-մորոտիկ»․ Սոֆի Մխեյանը՝ իր նոր տեսահոլովակի մասին

«Չէի կարողանում պատկերացնել, որ մայրս չկա». Աղաս Մանուկյանը` իր մեծ կորստի եւ անցած ճանապարհի մասին

BACKSTAGE. Ինչպես են անցել «Սիրուն Սոնայի» վերջին նկարահանումները

«Հորս վերաբերմունքը փոխվեց իմ հանդեպ»․ Վիկտորիա Սահակյանը՝ դիպլոմ չստանալու եւ չստացված սիրո մասին

Ինչպես են ընթացել Արամեի նոր տեսահոլովակի նկարահանումները քաղաքից դուրս

Ամենամեծ կորուստը, կյանքի նպատակը եւ ծնողների խորհուրդը․ Բլից հարցեր Ժաննա Բուտուլյանի հետ

Լիա Զախարյանը՝ հայկական շոուբիզնեսի ամենահմայիչ մարդու, ամենամեծ կորստի և առօրյայի մասին․ ԲԼԻՑ ՀԱՐՑԵՐ

Քրիստինե Պեպելյանը՝ իր նոր նախագծի եւ որդու՝ Արեգի մասին

Քիմ Քարդաշյանի 60 մլն դոլորանոց առանձնատունը

Մանուկ Ալեքսանյանը՝ սեզոնի թրենդների, հակաթրենդների եւ Pillow Challenge-ի մասին

Մարիամ Ալեքսանյանը՝ մոլերից մեկում խայտառակ լինելու եւ ամուսնության հարցից խուսափելու մասին․ ԲԼԻՑ ՀԱՐՑԵՐ

Մանկության ամենավառ հուշից մինչեւ զավեշտալի սիրո խոստովանությունը․ բլից հարցեր՝ Դիանա Տոռեսի հետ

Մատնահարդարման 5 տարածված միֆեր

90-ականներին ծնողներս թույլ չեն տվել, որ ես ու քույրս մտածենեք տան հոգսերի մասին»․ Իրինա Թովմասյան

5 խորհուրդ առողջ մազեր ունենալու համար. Ջեք Թեքեյան

BACKSTAGE. Գոշը, Քրիստինա Եղոյանը, Լիանա Վանոյանը, Արուս Տիգրանյանը եւ այլ դերասաններ` «Կինստարգրամ» նոր սիթքոմում (ֆոտո/վիդեո)

«Գարշելի Ես 3». սա այն է, ինչը երեւանան կինոթատրոններում կարելի է դիտել երեխաների հետ

18:06, 4 հուլիսի

«Գարշելի Ես 3»-ը (Despicable Me 3), չարագործ Գրյուի արկածների մասին աղմուկ հարուցած պատմության երրորդ մասը, որը ռեկորդային ժամկետում կարողացել է դրամարկղային մուտքերով կրկնակի փոխհատուցել կինոնկարի բյուջեն, որպես մուլտֆիլմ առաջին տեղում է ԱՄՆ-ի եւ Եվրոպայի վարձույթում, չնայած ֆիլմի վարկանիշն այնքան էլ բարձր չէ (Imdb-ում՝ 6.5):

Գրյուի մասին պատմության շարունակության մեջ չմեծացող աղջիկներն ու անմահ մինյոնները, բարեբախտաբար, այս մասում այնքան էլ շատ չեն, որքան նախորդ ժապավեններում:

Երեխաների խելքը գնում են այս դեղին արարածների համար, դրամարկղերի մոտ մեծահասակների հերթ է գոյանում, այդ թվում` խաղալիքի խանութներում: Բնականաբար, շարունակությունն իրեն սպասել չստիպեց: Եվ մինչ ընկերությունն զբաղված է դեղին արարածների հաջող վաճառքով, ստուդիան կնկարահանի նորանոր մասեր: Սա քանակի մասին:

Իսկ հիմա որակի մասին: Մուլտֆիլմի հերոսները մասամբ երկրորդ պլան են մղվում, քանի որ միլիոնավորների կողմից սիրված մինյոնները պատմության մեջ գլխավոր տեղն են զբաղեցնում, եւ սա գրգռում է: 

Ամեն դեպքում, «Գարշելի Ես»-ի շարունակությունը կարելի է առանց չափազանցնելու վատը չհամարել: Միանգամայն միջակ ֆիլմ է ստացվել, որն անիմացիոն բազմաթիվ մուլտֆիլմերի շարքում ոչ մի գրավիչ բան չունի: Սակայն չնայած միջակությանը, ֆիլմը կարելի է դիտել:

Երեխաների համար նախատեսված ժապավենը չի հիասթափեցնի իր թիրախային հանդիսատեսին, իսկ ահա մեծահասակներն ակնհայտորեն կհորանջեն:

Այսպիսով, մենք վերստին խորասուզվում ենք մի աշխարհի մեջ, որտեղ չարագործությունները հասցված են սուպերհերոսականության կարգին, միայն թե Գրյուն հիմա օրինակելի ընտանիքատեր է, կին ունի եւ երեխաներ, ինչպես հաճախ է պատահում իրականում` հիմա բարու պահապանն է, կանգնած է սակավաթիվ դիմակայությունների ճանապարհին: Այնպես է ստացվել, որ հակաչարագործ գործակալի աշխատանքում խնդիրներ են առաջացել, իսկ ընտանիքում անսպասելի անակնկալ է հայտնվում` ի դեմս երկվորյակ եղբոր, որը Գրյուից ե'ւ ավելի հարուստ է, ե'ւ ավելի հաջողակ: Այո', սյուժեի ընթացքն օրիգինալությամբ չի փայլում: Դրյուն (ծնողների երեւակայության հետ էլ են խնդիրներ եղել) ամեն ինչով եղբորը գերազանցում է, նույնիսկ գլխի մազերի թվով: Աղետալին այն է, որ նրանից միանգամայն անպիտան չարագործ կստացվի, Դրյուն երազում է, որ եղբայրն իր հմտությունները սովորեցնի, իսկ Գրյուն իր հերթին որոշել է նոր ձեռք բերած եղբորն օգտագործել իր թշնամուց վերժխնդիր լինելու համար. Բալթազար Բրեթ անունով չարագործ, որը մնացել է 80-ական թվականներում, որի պատճառով Գրյուն կորցրել է աշխատանքը: Ահա եւ կինոնկարի հիմնական սյուժեն: Սակայն հիմնականից բացի, ֆիլմում միահյուսված են եւս մի քանի սյուժետային գծեր, որոնք մեկը մյուսին քաոսային եւ ոչ համակարգված են միացած:

Եթե առաջին ֆիլմը չարագործի վերադաստիարակման պատմությունն էր, չարի նկատմամբ բարու հաղթանակի գաղափարը, երկրորդն ինչ-որ իմաստով սիրո պատմություն էր, ապա երրորդը պատահական ենթասյուժեների հերթագայություն է,  որոնցից էլ կազմված է հիմնական սյուժեն: Ավագ դուստրերից Մարգոն դառնում է տեղական գորշ ավանդույթների զոհը, իսկ Լյուսին` Գրյուի կինը, փորձում է աղջիկներին մայրություն անել: Էդիթը եւ Ագնեսը շփոթվել են միաեղջյուրի որոնումներում, Բալթազարը փորձում է Հոլիվուդից վրեժ լուծել, քանի որ մարդիկ դադարել են հավանել իր հնահին շոուն: Գրյու եւ Դրյու եղբայրները փորձում են ընկերանալ, իսկ մինյոնները սեփական արկածներն ունեն, որոնք ոչ մի կերպ կապված չեն հիմնական սյուժեին: Այս քայլն էլ հենց կինոժապավենի հեղինակների հետ չար կատակ է խաղացել: Մուլտֆիլմն ուղղակի անկարող է հավուր պատշաճի գրավել, ֆիլմում զվարճալի շատ տարրեր կան, սակայն դրանց, ավաղ, միմյանց չի կապում որեւէ հետաքրքիր ընդհանուր սյուժե:

Բարեբախտաբար, կինոնկարի երգիծական բաղադիչն այնքան էլ վատը չէ, կատակները լավն են, չնայած սակավաթիվ են: Հատկապես հիասքանչ է, օրինակ, մինյոնների բանտային տեսարանը:

Մուլտֆիլմի էքշնը եւ երաժշտական ձեւավորումը կինոնկարի որոշակիորեն ուժեղ կողմերն են: Մաստակով խաղարկումները եւ 80-ականներին հղումները, Մայքլ Ջեքսոնի երաժշտությունը, պարային պայքարները եւ ինքը` չարագործ Բալթազարը, ում, ի դեպ, բնօրինակում խաղացել է Թրեյ Պարկերը` «Հարավային պարկի» (South Park) ռեժիսորներից մեկը, այս ամենը կինոնկարի բոնուսներն են եւ դրական կողմերը, սակայն ընդհանուր առմամբ ժապավենն, ավաղ, այնքան էլ այն չէ: Ամբողջ դիտման ընթացքում կարող է առաջանալ «ձանձրալի» եւ «ծիծաղելի» զգացողությունների հերթագայություն, ուստի անհնար է ասել, որ դիտումից կարելի է մեծ բավականություն ստանալ, սակայն տեղ-տեղ կարելի է լավ ուրախանալ, հատկապես` եթե կողքիդ մանկական վարակիչ ծիծաղ հնչի:

«Գարշելի Ես-3»-ը մեկանգամյա դիտման այնքան էլ ոչ վատ անիմաստ ֆիլմ է, որն ուղղված է վարձույթում ռեկորդներ սահմանելուն: Բացառապես մեկ անգամ դիտվող թեթեւամիտ եւ հիմար ֆիլմը հիշեցնում է տարբեր սյուժեների վինեգրետ, բայց դրա հետ մեկտեղ, տեղ-տեղ միանգամայն պիտանի է, եւ ինչ-որ տեղ նույնիսկ բարոյախրատական:

Դիտելիս ամենագլխավորը, որ հարկ է հիշել, այն է, որ սա երեխաների համար նախատեսված արտադրանք է, ուստի մի շտապեք այն գնահատել մեծերի տեսանկյունից, այլ պարզապես երեխաների հետ նրանց էմոցիաները կիսեք:

                             

Ռեգինա Մելիքյան


Հետևեք NEWS.am STYLE-ին Facebook-ում, Twitter-ում և Instagram-ում








@NEWSam_STYLE

  • Արխիվ
Որոնել
  • Հարցում
«Եվրատեսիլ 2019». ձեզ դո՞ւր է գալիս Սրբուկի մրցութային «Walking out» երգը
Այո
Ոչ