Օգոստոսի 15-20-ը Նովոսիբիրսկում կկայանա «Միսիս Եվրոպա 2017» գեղեցկության եւ մայրության մրցույթը։ Երեկվանից արդեն սկսվել է մասնակիցների հայտագրումը։ Այսօր՝ հուլիսի 14-ին կայացած ասուլիսի ժամանակ մոդել, «Վիցե Միսիս Եվրոպա 2016», «Միսիս Եվրոպա 2017» Հայաստանի ազգային տնօրեն Աննա Դեմիրխանյանը խոսեց մրցույթի, մասնակիցների չափանիշների եւ մրցութային փուլերի մասին․
««Միսիս Եվրոպա» մրցույթին կարող են մասնակցել 20-55 տարեկան ինքնավստահ կանայք, որոնք արժանապատվորեն կարող են ներկայացնել Հայաստանը միջազգային հարթակում։ Ցանկալի է, որ մասնակիցների մեջ լինեն մայրեր։ Սա ուղղակի գեղեցկության մրցույթ չէ, այնտեղ այնքան էլ չեն գնահատվում արտաքին տվյալները։ Իհարկե, բարետես արտաքինն անհրաժեշտ է, բայց ավելի շատ գնահատվում է կնոջ դերը ընտանիքում, իր երկրում։ Կանայք այնտեղ մասնակցում են նաեւ մի ֆորումի, որի ընթացքում քննարկում են իրենց երկրներում առկա խնդիրները, ինչը կարծում եմ՝ շատ կարեւոր թեմա է, իսկ մենք ասելիք ունենք»,-նշեց Աննան։
Մրցույթին ներկայանալու համար հայուհիները պետք է անցնեն նախնական քասթինգ` ուղարկելով իրենց տվյալները [email protected] էլեկտրոնային հասցեին։ Ընտրված մասնակիցները կհրավիրվեն քասթինգի, որի ընթացքում ժյուրիի անդամները կընտրեն մրցույթի հայ մասնակցին։ Աննայի խոսքով՝ ժյուրիի կազմում կլինեն տարբեր ոլորտներից հայտնի մարդիկ։
««Միսիս Եվրոպա» մրցույթում չկա լողազգեստի փուլ, դրա փոխարեն կանայք մրցելու են երեք փուլերով՝ սպորտային հագուստ, ազգային տարազ եւ երեկոյան զգեստ։ Սակայն մինչ մրցույթը պետք է լավ նախապատրաստվել։ Մեր մասնակիցը պետք է լինի բարետես, ինքնավստահ եւ նպատակասլաց»,-նշեց Աննան՝ հավելելով, որ մրցույթին կարող են մասնակցել ցանկացած բնագավառում հաջողություն գրանցած կանայք, նաեւ տնային տնտեսուհիները․
«Տնային տնտեսուհին էլ ունի նվաճում, քանի որ տնտեսուհի լինելն արդեն իսկ մեծ աշխատանք է։ Օրինակ՝ նա կարող է այնքան համեղ պահածոներ պատրաստել, որ շատ աշխատող կանայք չեն կարող, կամ, միգուցե, նա դաստիարակում է 4-5 երեխաների, ինչը եւս մեծ նվաճում է նրա համար»,-ասում է Աննան՝ հայուհիներին հորդորելով լինել ավելի համարձակ եւ ինքնավստահ եւ առանց մտավախության փորձել իրենց ուժերը «Միսիս Եվրոպա 2017» մրցույթում։
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
20:05, 5 մայիսի
Երեւանյան շաուրման. տեղական սիրված եւ քիչ հայտնի վայրերը19:26, 5 մայիսի
«Լադանիվա»-ն՝ «Եվրատեսիլ 2024»-ի բացման պաշտոնական արարողությանը19:13, 5 մայիսի
Ինչպես շունը ձեռք բերեց իր տիրոջը, կամ «Արթուր, դու թագավոր ես» ժապավենը18:33, 5 մայիսի
Տարօրինակ կանոններ, որոնց պետք է հետեւեն Met Gala-ի մասնակիցները16:18, 5 մայիսի
Լորեն Սանչեսին Met Gala-ի համար հանդերձանք ընտրելիս կօգնի հենց ինքը՝ Աննա Վինտուրը14:02, 5 մայիսի
Ջենիֆեր Լոպեսն իրեն «չհասկացված» է զգում՝ ինստագրամհան ատելության պատճառով12:15, 5 մայիսի
Շերոն Սթոունի որդին գնում է մոր՝ դերասանական հետքերով11:39, 5 մայիսի
«ԴԴՏ» կուլտային խմբի մեծ համերգը՝ Երեւանում10:30, 5 մայիսի
Մադոննան կրքոտ համբուրել է պարուհուն՝ Բրազիլիայում իր Celebration շրջագայության փորձի ժամանակ09:00, 5 մայիսի
ՄԱՅԻՍԻ 5-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ20:20, 4 մայիսի
Գուրգեն Դաբաղյանի 3-ամյա դուստրը եւս միացել է TikTok-ում ամենատարածված հնդկական թրենդին (VIDEO)19:30, 4 մայիսի
Հարաբերությունների խորհրդատուն բացահայտել է երկու բան, որոնք կանայք երբեք չպետք է անեն