«Սրտի վալետ». նոր հումորային սիթքոմի մանրամասները. BACKSTAGE

Գեւորգ Մկրտչյանի եւ Քրիստինա Հովհաննիսյանի առաջին տանգոն

Գեևորգ Մկրտչյանը և Քրիստինա Հովհաննիսյանը պսակադրվեցին

Աներեւակայելի էմոցիաներ. Համասյանի համերգը Խուստուփ լեռան լանջին

Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել

MOCT 5. Անդերգրաունդ կյանքը Հայաստանում

«Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

Անդրեյ Մակարեւիչ. «Ինտերնետը շատ շուտ է հասել մարդկությանը»

Գուշակիր գույնը, ստացիր ծաղկեփունջ. մեկ օր՝ Մայիս Վարդանյանի հետ

Տիհանա Vibes Դավիթ Մանոյանի հետ. Իվետա Մուկուչյանի հետ տեսահոլովակի, Կասպերի եւ այլ թեմաների մասին

Տիհանա Vibes. ZatikArtFest-ի գույներն ու մարդիկ

Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

«Արգելքը մեծացնում է ֆիլմի հանդեպ հետաքրքրությունը». ռեժիսոր Արմեն Գասպարյանը՝ «Ոսկե ծիրան 2017»-ի սկանդալի մասին

12:05, 18 հուլիսի

Ավարտվեց «Ոսկե ծիրան» 14-րդ միջազգային կինոփառատոնը, եւ միակ բանը, որի մասին մամուլն անընդհատ գրում էր ամբողջ փառատոնի ընթացքում, ԼԳԲՏ հանրության թեմայով երկու ֆիլմերի ցուցադրության արգելքն էր («Ծիրանի այգիներ» եւ «Լսիր ինձ»): Փառատոնն ավարտվեց, եւ մենք այդ թեման կքննարկենք հենց ավարտից հետո, այդ դեպքում ոչ ոք մեզ չի մեղադրի, որ փորձում ենք քար գցել միջոցառման բոստանը: Սկանդալի մասին զրուցել ենք NEWS.am STYLE-ի կողմից շատ հարգված կինոռեժիսոր, գրող եւ պրոդյուսեր Արմեն Գասպարյանի հետ:

«Ոսկե ծիրան»-ի ծրագրից ԼԳԲՏ հանրությանը նվիրված երկու ֆիլմ հանվեց: Ինչ եք կարծում, ինչո՞ւ:

Նախ ուզում եմ ասել՝ պատմությունը ցույց է տալիս, որ արգելքները չեն լուծում խնդիրները: Խնդիրը թեմատիկայի մեջ չէ: Կոնկրետ թեմայով ֆիլմի ցուցադրությունն այդ թեմայի քարոզչություն չէ: Եվ հետո, ես չգիտեմ, թե ով է հանել այդ ֆիլմերը եւ, արդյոք, նա՝ կոնկրետ մարդը կամ կազմակերությունը, դրա լիազորությունն ունե՞ր:

Ի՞նչ եք կարծում, այդ ֆիլմերի շուրջ բարձրացած աղմուկը կանդրադառնա՞ կինոփառատոնի վարկանիշի վրա:

Երկներում, որտեղ կոռուպցիայի եւ սոցիալական անարդարության մակարդակը բարձր է, արդիական է դառնում հանրության մեջ թշնամու կերպարի ստեղծումը՝ ինչպես ներքին, այնպես էլ արտաքին: Այդ ամենը ներկայացվում է լյումպենական հայրենասիրության եւ ավանդապաշտության դիրքերից: Հայաստանում այդ տեխնոլոգիան պատճենում են Ռուսաստանից, որը, օրինակ, հիմա նոր թշնամի ունի՝ Ուկրաինան: Երբ Ռուսաստանն իր համար նոր թշնամի ստեղծեց, «կովկասյան ազգության անձինք» երկրորդ պլան մղվեցին: «Ոսկե ծիրանը» բազմաթիվ հակառակորդներ ունի, որոնք, բնականաբար, կօգտագործեն դա: Ես ինձ նրանց շարքին չեմ դասում, պարզապես ես իմ պարտավորություններն ունեմ, որոնք ինձ ստիպում են չմասնակցել այդ փառատոնին: Եվ ես չեմ հետեւում ծրագրին: Այս իրավիճակին տեղյակ եմ բարձրացած աղմուկի պատճառով:

Մշակույթի որոշ գործիչներ «անհանգստացած» են, որ ֆիլմերը հանվել են «Ոսկե ծիրանի» ծրագրից: Արդյոք հիմնավորվա՞ծ է այդ անհանգստությունը:

Չգիտեմ՝ ինչ մշակույթի գործիչների նկատի ունեք: Եթե նկատի ունեք ինչ-որ փոշոտ քանդակագործների կամ վատ հագնված գրողների, ապա, ներեցեք, դա տորթի իմ բաժինը չէ: Եվ նրանց անհանգստությունը ձեւական բնույթ ունի: Ես իմ նախադեպն ունեմ: Եվ ամեն ինչ այնքան էլ միանշանակ չէ: Մի անգամ հայ հոգեւորականների պահանջով իմ «Հայկական հացը» ֆիլմը հանվեց Սանկտ Պետերբուրգի «Невский Благовест» միջազգային կինոփառատոնի ծրագրից: Չնայած այդ ֆիլմը հենց հավատքի եւ ավանդույթների պահպանման մասին էր: Բայց այդ արգելքը որեւէ կերպ չազդեց ֆիլմի ճակատագրի վրա: Այն ցուցադրվեց աշխարհի 40 երկրներում: Մշակույթի նման գործիչները ո՛չ մշակույթ ունեն, ո՛չ կրթություն, ո՛չ դաստիարակություն: Եթե նրանք ունենային այդ ամենը, կհասկանային, որ որեւէ ֆիլմի արգելքը մեծացնում է այդ ֆիլմի հանդեպ հետաքրքրությունը:

Արժե՞ր նախ ցանկում նման բովանդակությամբ ֆիլմեր ներառել, իսկ հետո հանել:

Այդ հարցը պետք է տալ նրանց, ովքեր կազմում են ծրագիրը: Որքան հասկանում եմ, «Ոսկե ծիրանը» պետական կինոփառատոն է: Արդյո՞ք դա նշանակում է, որ թեմատիկայի ընտրության հարցում կինոփառատոնի կազմկոմիտեն հաշվի է առնում այս կամ այն հարցի շուրջ պետական դիրքորոշումը: Չգիտեմ: «Ոսկե ծիրան» կինոփառատոնն ու հայկական կինոակադեմիան ամբողջությամբ սատարում էին «Երկրաշարժ» «ֆիլմը» (չակերտներն Արմեն Գասպարյանինն են,- խմբ.), որը հայ ժողովրդին հասցված ուղիղ վիրավորանք է եւ 1988-ի երկրաշարժի զոհերի ծաղր: Այնպես որ՝ իրավիճակները տարբեր են լինում:

Արդյո՞ք այդ որոշումը քաղաքական բնույթ ունի:

Չէի ասի, որ այդ որոշումը քաղաքական բնույթ ունի: Կինոփառատոնի տնօրենը՝ Հարություն Խաչատրյանը, հասցրել է իրեն անբարյացկամ մարդկանցով շրջապատել, իսկ մշակույթի գործիչներն իրենց էությամբ բորենիներ ու շնագայլեր են: Նրանք պահը բաց չեն թողնի: Ես այդ ամենին հետեւում եմ իմ Գյումրիից, ավելի ճիշտ՝ Յոթ Վերք եկեղեցու բարձր զանգակատնից, որտեղ ինձ մկրտել է հանգուցյալ Տեր Նորայրը: Այդ պատճառով ես հեգնանքով ու ներողամտորեն եմ վերաբերվում «մշակութային» (չակերտներն Արմեն Գասպարյանինն են ,-խմբ.) իրադարձություններին, որոնք տեղի են ունենում Երեւանում: Եթե հիմա այնտեղ Կաննի, Բեռլինի կամ Վենետիկի կինոփառատոններից ֆիլմեր են դիտում, ես դրանք դիտում եմ Կաննում, Բեռլինում կամ Վենետիկում: Ինձ համար դժվար է Երեւան գալ, քանի որ այնտեղ շատ շոգ է ու տոթ: Իսկ Գյումրիում, հատկապես առավոտյան, միշտ հաճելի զով է:

Ն.Վ.

P.S NEWS.am STYLE-ը հասկացավ, թե ինչու սպիտակ բենգալյան վագրը դուրս չէր գալիս բնակարանից, չնայած կենդանաբանական այգու աշխատակիցները ջանասիրաբար «համոզում» էին...


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով

TV SHOWS PHOTO VIDEO


@NEWSam_STYLE

  • Արխիվ
Որոնել