• Կանայք՝ ստանդարտից դուրս. Սառա Բյորթոնը վերաիմաստավորում է Givenchy-ն նոր գովազդային արշավում

  Givenchy-ն ներկայացրեց իր աշուն/ձմեռ 2026 կանացի գովազդային արշավը, որը մարմնավորում է ստեղծագործական տնօրեն Սառա Բյորթոնի նոր տեսլականը․․․

• Adidas-ը ներկայացրել է շների և կատուների համար նախատեսված ֆուտբոլային նոր հավաքածու  

  Adidas-ը ընդլայնել է իր կենսակերպի շարքը և ներկայացրելէ FC հավաքածուն կենդանիների համար 2026–27, որը ստեղծվել է հատուկ կենդանիների համար։ Այժմ շներն ու կատուները կարող են զբոսանքի դուրս գալ իրենց սիրելի ակումբների մանրանկարչական ֆուտբոլայինհամազգեստներով։

• Ջրահարս, Կարապ-արքայադուստր, Գրեյս Քելլի. Ինչպես է փոխվում հայ հարսնացուի հարսանեկան կերպարը

  2026 թվականի հարսանեկան նորաձևությունը նկատելիորեն հեռանում է վերջին սեզոնների ստերիլ մինիմալիզմից․․․

• Հայտնիների սիրելի հարսանեկան բրենդը հայտնվել է սկանդալի կիզակետում՝ «սատանայական» զգեստների պատճառով  

  Նյու Յորքում գործող Undone by Kate հարսանեկան ապրանքանիշը, որը հայտնի է հայտնիների և ազդեցիկ անձանց շրջանում, հայտնվել է սոցիալական ցանցերում բուռն սկանդալի կենտրոնում, այն բանից հետո, երբ հարսնացուները սկսել են ներկայացնել իրենց զգեստների աղետալի փորձարկման և սարսափելի որակի մասին պատմությունները...

• 1,170-ից մինչև 2,250 դոլար. Miu Miu-ն թարմացրել է իր պաշտամունքային «փուչիկավոր» Bubble Shoe սպորտային կոշիկների հավաքածուն

  Miu Miu նորաձևության տունը կրկին խորանում է իր արխիվների մեջ։ Աշուն/Ձմեռ 2026 սեզոնի համար ապրանքանիշը թարմացրել է Bubble Shoe սպորտային ուրվագիծը՝ ավելացնելով ավելի թեթև, ժամանակակից և շքեղ տեսք․․․

• Երկուից ավելի մատանի. Մի քանի մասից բաղկացած հարսանեկան «սեթը» դառնում է հարսանեկան նորաձևության նոր չափանիշ

  Հսկայական ադամանդներով նշանադրության մատանիները սկզբում նորաձևության մեջ մտան...

• «Մի՛ եղիր ագահ». Brunello Cucinelli-ի «նրբագեղ աճի» գաղտնիքը ճգնաժամի ժամանակաշրջանում

  Այսօր, երբ համաշխարհային շքեղության ոլորտը տառապում է գլխացավից և վաճառքի կտրուկ անկումից, Brunello Cucinelli-ն, արժանանալով «Քաշմիրի թագավոր» տիտղոսին, վստահորեն հակադրվում է միտմանը․․․

• Gucci-ն «շրջափակեց» Թայմս Սքվերը. Demna-ն Նյու Յորքը վերածել է հսկայական պոդիումի և ներկայացրել GucciCore-ի նոր դարաշրջանը

  Gucci-ն աննախադեպ Cruise 2027 շոուն բեմադրեց Նյու Յորքի սրտում՝ փաստացի փակելով Թայմս Սքվերում գտնվող «Աշխարհի խաչմերուկը»…

Հարսանեկան նույնիսկ ամենահամեստ բյուջեով հարսնացուի ծաղկեփունջ նախատեսվում է: Եվ յուրաքանչյուրը, ով պատրաստվում է այդ տոնակատարությանը, անպայման նորապսակների համար գոնե մի փոքրիկ ծաղկեփունջ ձեռք կբերի: Դա ավանդույթ է, որ կախված չէ տարվա եղանակից եւ հարսի ու փեսայի տարիքից:

Հարսանեկան ծաղկեփունջը ոչ միայն հարսնացուի համար զարդն է, այլեւ չամուսնացած ընկերուհիներից ամենահաջողակի նվերը: Եվս մեկ ավանդույթ. փունջը բռնած աղջիկն առաջիկա տարում անպայման պետք է ամուսնանա:

Իսկ ինչպիսի՞ն պետք է լինի հարսնացուի ծաղկեփունջը: Այս հարցում NEWS.am STYLE-ին կօգնի միջոցառումների կազմակերպման Event Service ընկերության բազմամյա փորձառությամբ տնօրեն Սոֆյա Սարգսյանը:

«Հարսնացուի փունջի ընտրությունը կարեւոր եւ պատասխանատու գործ է: Գլխավորը, որ այն համապատասխանի մի քանի կարեւոր պահանջների:

Փնջի կառուցվածքը, ծաղիկները, որոնցով այն կազմվում է, գունային գամման. այս ամենը կախված են զգեստի ձեւից, ձեր մազերի, աչքերի գույնից, սանրվածքից եւ շատ այլ մանրուքներից: Փունջը պետք է ձեր կերպարի կատարյալ լրացումը լինի: Զգեստի կտրվածքն ու կտորը, որից այն կարված է, մեծ դեր են խաղում հարսանեկան փնջի ընտրության գործում:

Փունջ պատվիրելիս ֆլորիստին պատմեք ձեր հարսանեկան զգեստի մասին: Լավ կլինի ձեզ հետ վերցնեք զգեստի լուսանկարը, նաեւ կտոր նմուշ: Եթե փունջը կազմելիս հաշվի առնվի հարսանեկան զգեստի բոլոր նրբությունները, դուք հեքիաթային ներդաշնակության կհասնեք:

Հաշվի է առնվում նաեւ հարսնացուի տարիքը. երկար, մուգ կարմիր վարդերը կամ գեորգինները երիտասարդ աղջկա, կամ ռոմանտիկ երիցուկները՝ ծանրակշիռ հարսնացուի ձեռքին անհեթեթ տեսք կունենան:

Հարսանեկան արարողությունը դյուրին փորձություն չէ: Եվ ամբողջ օրվա ընթացքում պետք է ձեր «տեսքը տեղը լինի»: Նույնը վերաբերում է փնջին: Տհաճ կլինի, եթե ամենաանհարմար պահին այն քանդվի:  

Որքան էլ տարօրինակ թվա, բայց կարեւոր է նաեւ փնջի քաշը: Փարթամ եւ գեղեցիկ փունջը կարող է ձեզ հսկայական անհարմարություն պատճառել: Չէ՞ որ ծաղիկները, չնայած իրենց հեքիաթային գեղեցկությանը, կշիռ ունեն:

Նաեւ պետք է փեսացուից ճշտել՝ ինչպիսի բույրեր տանել չի կարողանում: Հակառակ դեպքում, ստիպված կլինեք հյուրերին երկար բացատրել, թե ինչու է ձեր կողքին հայտնվելիս նա շարունակ կնճռոտում քիթը: Ձեր ծաղկեփունջը, ինչպես նաեւ փեսացուն, ձեզ ուղեկցելու են հարսանիքի ամբողջ օրը: Եվ թող այդ երկար եւ երջանիկ օրը չմռայլվի անհարմարությամբ, որ ձեր ընտրյալին դուր չի գալիս հրաշալի հարսանեկան փնջի բույրը:

Ինչ վերաբերում է նորաձեւության միտումներին. վերջին ճիչը «գլամելիա» փունջն է՝ բնականության իսկական հակադրությունը: Անհրաժեշտ արդյունքի հասնելու համար մի քանի տեսակ ծաղիկները բաժանում են առանձին թերթիկների, իսկ հետո, հատուկ սոսնձի միջոցով, դրանցից մի հեքիաթային ծաղիկ հավաքում: Դրա համար օգտագործվում են վարդեր, թրաշուշաններ, շուշաններ եւ խոշոր թերթիկներով այլ ծաղիկներ:

Իհարկե, նման փունջը թանկ հաճույք է, եւ այդ «ծաղիկը» երկար չի դիմանա: Փոխարենը նման փունջ միայն դուք կունենաք: Եվ այն միայն ձեզ համար կպատրաստվի: Համաձայնեք, հարսանիքի օրը ցանկանում ես, որ ամեն ինչ յուրահատուկ լինի: Թող այդպես էլ լինի»:

Հետևեք NEWS.am STYLE-ին Facebook-ում, Twitter-ում և Instagram-ում