Քարդաշյան գերդաստանը ծավալուն հարցազրույց է տվել ի պատիվ E ալիքի եթերում Keeping Up With The Kardashians ռեալիթի շոուի թողարկման 10-ամյակի:
Քանի որ բուն հարցազրույցը տասնյակ էջեր է զբաղեցնում եւ հիմնականում զանազան իրավիճակների մասին է, որոնց գերդաստանը վերջին 10 տարիներին բախվել է, մենք փորձել ենք Քիմի, Քորթնիի, Քլոեի, Քենդալի, Քայլիի եւ Քրիս Ջեների (30-ամյա Ռոբ Քարդաշյանը հարցազրույցին չի մասնակցել) ամբողջ ասածից ընտրել ամենահետաքրքիրը:
Քիմը, Քորթնին եւ Քլոեն՝ 2011 թվականին
Քիմը հիշել է, թե ինչպես էր 2011 թվականին ամուսնանում բասկետբոլիստ Քրիս Համֆրիսի հետ. հայուհու եւ մարզիկի ամուսնությունը տեւեց ուղիղ 72 օր: Հարսանյաց հանդեսի համար 6 մլն դոլար էր ծախսվել։
«Այդ ժամանակ գովազդներից մեկով մենք 10 մլն վաստակեցինք: Դա կոմերցիոն հաջողություն էր, սակայն ֆինանսական հաջողություն չէիր համարի: Ես գիտեի, որ ամուսնությունը չի պահպանվի այն պահին, երբ եկեղեցում ասում էի, որ «Համաձայն եմ»: Այդ հարսանիքին այնքան շատ ուշադրություն էր դարձվում, ես ինձ վրա ճնշում էի զգում:
Իմ ընկերները եւ շոուի պրոդյուսերներն ինձ ասում էին, որ ես երջանիկ տեսք չունեմ: Նրանք ինձ ասում էին, որ ես պարտավոր չեմ այդ ամենի միջով անցնել: Հարսանիքից մեկ օր առաջ մայրս ինձ ասաց. «Ախր, երեւում է, որ այս ամենը քեզ համար չէ: Մի կողմ քաշվիր եւ ինձ թույլ տուր այս ամենը կարգավորել»: Ես մտածեցի, որ եթե անմիջապես ապահարզան տամ, մարդիկ կասեն, թե ես ամեն ինչ արել եմ հանուն շոուի: Ինձ ասացին, որ պետք է մեկ տարի համբերել, սակայն ես ֆիզիկապես անկարող էի դիմանալ: Դա շոուի համար չէր, բայց ինձ այն ժամանակ շարունակ մեղադրում էին: Բոլորը թող գրողի ծոցը գնան»,- ասել է Քիմը՝ որոշ տեղեկություններ հավելելով նաեւ Քանյե Ուեսթի հետ հարաբերությունների մասին:
«Քանյեն սկզբում չէր ցանկանում շոուում նկարահանվել, բայց հիմա երբեմն հայտնվում է: Նա իր կարիերան ունի եւ իր մասնագիտական կյանքը: Բայց նա գիտեր, որ ես ցանկանում եմ մեր հարսանիքը նկարահանել»,- հավելել է 36-ամյա հայուհին:
Իսկ Քիմի մայրը՝ Քրիս Ջեները, հիշել է անցյալ տարվա հոկտեմբերին Փարիզում դստերը կողոպտելու դեպքը:
«Երբ Քիմը պատմեց այն մասին, ինչ տեղի էր ունեցել Փարիզում, ես արտասվում էի եւ չէի կարողանում հանդարտվել, ես մինչեւ հիմա դրանից չեմ ազատվել»:
Քլոեն եւ Քորթնին, իրենց հերթին, պատմել են ներկայիս սիրեցյալների հետ իրենց հարաբերությունների մասին, սակայն նրանց պատմություններում ոչ մի նոր բան չկա:
Աղբյուրը՝ Daily Mail
Հետևեք NEWS.am STYLE-ին Facebook-ում, Twitter-ում և Instagram-ում
12:08, 19 մայիսի
Սելենա Գոմեսը եւ Զոի Սալդանան Կաննում մասնակցել են «Էմիլիա Պերես» մյուզիքլի դիտմանը10:25, 19 մայիսի
Բենի Բլանկոն պատմել է Սելենա Գոմեսից երեխաներ ունենալու ծրագրերի մասին09:00, 19 մայիսի
ՄԱՅԻՍԻ 19-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ20:23, 18 մայիսի
Իվետա Մուկուչյանը գայթակղիչ կերպարով հանդես է եկել հայտարարությամբ (VIDEO)16:23, 18 մայիսի
«Խաչմերուկներ» միջազգային փառատոնը հատեց եզրագիծը15:56, 18 մայիսի
«Ոստիկանները որոշեցին, որ մենք մերկ ենք եւ հեռացրին այնտեղից». Սարիկ Անդրեասյանն ու նրա կինը Իտալիայում հայտնվել են անհարմար իրավիճակում14:11, 18 մայիսի
«Փարաջանովը եւ նորաձեւությունը». Երեւանում բացվել է անվանի կինոռեժիսորի ստեղծագործություններից ոգեշնչված ցուցահանդես12:33, 18 մայիսի
Կապուչինոյի փորձարկում՝ Երեւանում. փնտրում ենք համեղ սուրճ10:23, 18 մայիսի
Բեն Աֆլեքն ու Ջենիֆեր Լոպեսը վերամիավորվել են ամուսնալուծության մասին լուրերի ֆոնին09:00, 18 մայիսի
ՄԱՅԻՍԻ 18-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ22:21, 17 մայիսի
Նոր սիրավե՞պ․ Անջելինա Ջոլին Բեռլինում ընթրել է «Վարպետը եւ Մարգարիտան» ֆիլմի աստղի հետ21:31, 17 մայիսի
Բիանկա Սենսորիի ընտանիքը վախենում է, որ Քանյե Ուեսթը նրան «կներքաշի» պոռնոգրաֆիայի մեջ