• Miu Miu-ն դարձել է մոլորակի ամենահայտնի ապրանքանիշը

  Miu Miu-ն 2024 թվականի առաջին եռամսյակում դարձել է մոլորակի ամենահայտնի ապրանքանիշը․․․

• Ֆարել Ուիլյամի առաջին թվային իրը՝ Louis Vuitton-ի հավաքածուից, արժե ավելի քան 8000 դոլար

  Louis Vuitton-ը բարձրացրել է իր նորագույն հավաքածուի նշաձողը՝ VIA Varsity Jacket-ի միջոցով․․․

• Ընձառյուծի պրինտը վերադառնում է. Ռիհաննայից մինչև Քենդալ Ջեներ՝ ոճային հայտնիները մարտահրավեր են նետում «հանգիստ շքեղությանը»

  Ռիհաննայից բացի ուրիշ ո՞վ կարող էր մարտահրավեր նետել «հանգիստ շքեղության» նորաձեւ միտումին․․․

• Playboy x FAE հավաքածուն սեքսուալ իմաստով դրական նոտա է հաղորդում լողազգեստներին

  Playboy-ը եւ լողազգեստների FAE ապրանքանիշը թողարկել են նոր հավաքածու, որը սեքսուալ առումով դրական նոտա է հաղորդում լողազգեստներին․․․

• Dior-ն իր սպասքի հավաքածուում անդրադառնում է միջազգային շքեղությանը

  Dior-ն իր սպասքի հավաքածուում հարգանքի տուրք է մատուցում միջազգային շքեղությանը․․․

• Pucci-ն Հռոմ է վերադառնում «փսիխոդելիկ» պրինտներով

  Pucci-ի 2024 թվականի գարուն-ամառ հավաքածուն, որը ստացել է «Very Vivara» անվանումը, անդրադառնում է սիրելի «Vivara» պրինտին, որը վերադարձել է ապրանքանիշ․․․

• Դոմենիկո Դոլչեի եւ Ստեֆանո Գաբանայի վիթխարի ընդունելությունը Միլանում

  Դիզայներներին շնորհավորելու էին եկել հանրահատ աստղեր՝ Շերը, Դեմի Մուրը, Լուպիտա Նիոնգոն, Թեո Ջեյմսը, Հելեն Միրենը, Իզաբել Ռոսելինին, Լիլի Ջեյմսը, Ռոզի Հանթինգթոն-Ուայթլին, Նաոմի Քեմփբելը եւ շատ ուրիշներ...

• Ray-Ban-ը, համագործակցելով Լեննի Կրավիցի հետ, ներկայացրել է Aviator Reverse եզակի ոսկե ակնոցները

  Ակնոցների Ray-Ban հայտնի ապրանքանիշը միավորվել է լեգենդար երաժիշտ եւ ոճի խորհրդանիշ Լեննի Կրավիցի հետ՝ տպավորիչ համագործակցության համար…

Բոտֆորտները չափազանց երկար՝ 4 հարյուրամյակ ձգվող ճանապարհ են անցել, որպեսզի դարձյալ բարձունքին հասնեն, որն այս սեզոնին հաստատապես չեն զիջի: Այս աշնանը դրանք հանրաճանաչության ակտիվացում են ձեռք բերում՝ զարմացնելով երկարացված երակարաճիտների տարակերպությամբ:

Բոտֆորտներն ընդհանրապես նորաձեւության ճանապարհին շատ «բարդ ճակատագիր» են ունեցել՝ հաղթահարելով նորաձեւության քննադատների հակասություններն ու տարաձայնությունները մերթ գռեհիկ, մերթ ոչ արդիական լինելու վերաբերյալ: Սակայն հիմա ոչ մեկը չի կարող հերքել այն անվիճարկելի փաստը, որ բոտֆորտները ցանկացած նորաձեւ անհատի զգեստապահարանի գլխավոր տարրն են: Դեռեւս եւ ոչ մի սեզոնում դիզայներները չեն առաջարկել այսպիսի լայն ընտրություն, ինչպես 2017 թվականի աշնանը:

Կարմիր կիպ գրկող բոտֆորտներ՝ բոլոր թրենդների գլխավոր թրենդը: Որքան հանդուգն ու գրգռող է հնչում սկզբում, եւ որքան ոճային ու էֆեկտիվ տեսք ունի:  Նման տարբերակը կհամապատասխանի բոլոր նրանց, որոնք սիրում են տարբերվել աշնան ձանձրալի ու գորշ բազմությունից, որը մինչեւ հիմա սիրում է վատ եղանակին մուգ հագուստ հագնել: Առավել արդիական են սուր քթով, նեղ կրունկներով ալ կարմիրի, բորդոյի եւ կարմիրի վառ, արտահայտիչ գույները: Դիզայներներն առաջարկում են կարմիր բոտֆորտները զուգակցել պաստելային տոներով, կարմիրի բոլոր երանգների թափանցիկ զգեստներով, սպիտակ վերնաշապիկ-տունիկայով…

Հատկապես տարածված են կարմիր բոտֆորտները՝ կաշվի կամ վինիլի լուծմամբ: Կարմիր լատեքսը եւ բոտֆորտները նորաձեւ ուղղության գիշատիչ համույթ են, սակայն տիրուհուն վստահություն եւ համարձակություն են հաղորդում: 

Աշնան սեզոնին կարմիր երկարաճիտները դասական սեւ կոշիկի ոչ տրիվիալ այլընտրանք են: Եթե ձեր անձնական դրես կոդը կամ վախերը կարմիր բոտֆորտ հագնելու հնարավորություն չեն տալիս, ապա ընտրեք բորդոյի ավելի զուսպ երանգները, որոնք ավելի համեստ տեսք ունեն, սակայն պակաս ոճային չեն:

Լայն սրունքով բոտֆորտը նոր ձեւ է, որը պետք է զարդարի նույնիսկ ամենաբարեկազմ ոտքերը: Դրանք հրաշալի են նայվում ինչպես բարակ կրունկների, այնպես էլ հարթի վրա: Այս սեզոնին բոտֆորտները նախատեսված են ոչ միայն հատուկ վայր գնալու, այլեւ սովորական զբոսանքի համար:

Բոտֆորտներն առանձնապես գայթակղիչ եւ գրավիչ են նայվում ծաղկային կամ կենդանական պրինտով, զանազան նախշերով ու ասեղնագործությամբ: Այս միտումն ուղղված է կանացիությանը, քանի որ նման մոդելներն առանձնապես նրբագեղ են:

Այս սեզոնին կրկին պատվանդանին է տագավորական թավիշը: Թավշյա բոտֆորտները, հավանաբար, ամենադրամատիկ կոշիկն է՝ այն այնքան զգայուն, ազնվազարմ եւ շքեղ է: Եթե վինիլն, օրինակ, ոչ բոլոր նորաձեւամոլների ճաշակին է համապատասխանում, ապա թավշյա բոտֆորտներին անհնար է չսիրահարվել: Դրանք ձեր ոտքերը գեղեցիկ կգրկեն, ինչպես գուլպաները, տեսողականորեն դրանք երկարացնելով:

Վերջին սեզոններին գլխավոր միտումները դարձյալ բազմաշերտությունն ու օվերսայզն են: Ուստի երկարացված գուլպա երկարաճիտներն ավելի լավ է զուգակցել ծավալուն եւ լայն զգեստներով, կիսաշրջազգեստներով կամ երկար հուդիներով: Սա ձեզ կօգնի խուսափել այն վտանգավոր սահմանագծից, որտեղ ոճային կերպարն ավարտվում է եւ սկսվում է անճաշակությունն ու գռեհկությունը: Իսկ եթե համոզված եք, որ բոտֆորտները չեն փչացնի ձեր կերպարը, այլ ուղղակի կծվություն կհաղորդեն, ապա կարելի է խաղարկել կարճափեշ եւ թափանցիկ զգեստներով:

Այո՛, այսօրվա նորաձեւությունը մեզ գունային գամայի, զուգակցությունների եւ ձեւերի ահռելի ազատություն է տրամադրել: Սակայն մի՛ մոռացեք, որ բոտֆորտները, միեւնույն է, վտանգավոր իր են: Մի՛ քամահրեք նորաձեւության խորհուրդները, քանի որ երկարացված բոտֆորտները կարող են ինչ-որ մեկի ոտքերը զարդարել, իսկ ինչ-որ մեկինը՝ այլանդակել: Ընտրեք ձեր կազմվածքին եւ հասակին համապատասխան: Նորաձեւությունն ուղղված է զանգվածներին, սակայն յուրաքանչյուրը ցանկացած թրենդի հանդեպ իր անհատական մոտեցումն ունի:

Մարգարիտա Ավագյան

Հետևեք NEWS.am STYLE-ին Facebook-ում, Twitter-ում և Instagram-ում