Այսօր՝ սեպտեմբերի 8-ին, Թուրքիայում մեծ էկրաններ կբարձրանա հայուհու եւ թուրք երիտասարդի սիրո մասին պատմող «Կիսատ մնացած»/Yarim Kalan ֆիլմը: Ռեժիսոր Էմրե Յեմազի այս ֆիլմում նկարահանվել են հիմնականում թուրք դերասաններ, իսկ հայուհուն մարմնավորել է ռուսաստանաբնակ հայ դերասանուհի Իսկուհի Բալջյանը:
Վերջին օրերին համացանցի բուռն քննարկումների կիզակետում հայտնված այս նախագծի շուրջ NEWS.am STYLE-ը բացառիկ զրույց է ունեցել ֆիլմի գլխավոր հերոսուհուն մարմնավորած Իսկուհի Բալջյանի հետ, որը մեզ պատմել է, թե ինչպես է համաձայնվել նկարահանվել այս նախագծում, ինչ ակնկալիքներ ունի եւ ինչով է զբաղվում առհասարակ:
21-ամյա Իսկուհին ծնվել է Հայաստանում. փոքր տարիքում տեղափոխվել է Ռուսաստան: Այժմ Իսկուհին ուսանողուհի է, ավարտել է Սանկտ Պետերբուրգի հեռուստատեսության դպրոցի դերասանական վարպետություն բաժինը:
Ֆիլմում նկարահանվելու առաջարկը ստացել է քասթինգի ղեկավարից, որից հետո նրա մասնակցությունը հաստատել են ֆիլմի ռեժիսորն ու պրոդյուսերը.
«Նախեւառաջ՝ այս ֆիլմը սիրո մասին է: Այն ցույց է տալիս, թե ինչպես են անցյալի իրադարձությունները ցավ պատճառում երկու երկրների ներկայացուցիչներին: Ինձ առաջնահերթ շատ է տպավորել ֆիլմի սցենարը»,-NEWS.am STYLE-ի հետ զրույցում նշեց դերասանուհին՝ հավելելով.
«Ես ֆիլմում միակ հայուհին եմ, մնացած դերերում թուրք դերասաններ են նկարահանվել»:
Իսկուհուց հետաքրքրվեցինք՝ ի՞նչ արձագանքներ է այս նախագիծը ստանում Թուրքիայում.
«Սկզբում ինչպես թուրքերն, այնպես էլ հայերը, խուսափում էին մեկնաբանություններ անելուց: Կարծում եմ՝ դա նորմալ է, քանի որ սա շատ նուրբ թեմա է: Բայց ֆիլմի փակ դիտումից հետո դրա հանդեպ հետաքրքրությունն ավելացավ: Մամուլը սկսեց գրել դրա մասին: Հուսով եմ՝ պրեմիերայից հետո այդ հետաքրքրությունն ավելի կմեծանա. մեզ համար ամենից կարեւորը հանդիսատեսի քննադատությունն է: Որպես դերասանուհի, իհարկե, ցանկանում եմ, որ այս ֆիլմը ցուցադրվի Հայաստանում, ինչպես նաեւ Ռուսաստանում: Դա արդեն ֆիլմի արտադրողներից եւ հեռուստստեսային ալիքներից է կախված»:
Ինչ վերաբերում է ֆիլմի պրեմիերային, Իսկուհին նշում է՝ դրական արդյունք է ակնկալում.
«Կարծում եմ՝ ֆիլմը կստիպի հուզվել թե՛ հայերին, թե՛ թուրքերին: Իսկ եթե այս երկու երկրների ներկայացուցիների մոտ միեւնույն տեսարանը կարող է հուզմունք առաջացնել, ուրեմն դեռեւս երջանիկ ապագայի հույս ունենք»,-ասում է դերասանուհին, որը վերջին անգամ Հայաստանում եղել է 4 տարի առաջ, սակայն հուսով է՝ մյուս տարի ամռանը կհաջողվի լինել հայրենիքում:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
16:21, 26 ապրիլի
Մայամիի սեքսի թանգարանում բացվել է Հաջիմե Սորայամայի Desire Machines ցուցահանդեսը15:19, 26 ապրիլի
Սուպերմոդել Ժիզել Բունդխենը ոստիկանի հետ զրույցի ժամանակ արտասվել է14:11, 26 ապրիլի
Ջիմմի Քիմելը ծաղրել է Քանյե Ուեսթի՝ պոռնո հարթակ բացելու ծրագրերը13:31, 26 ապրիլի
Քանյե Ուեսթի նախկին ընկերուհին՝ Ջուլիա Ֆոքսը, խոստովանել է, որ ռեփերի հետ իր սիրավեպն իր բերանում «թթու հետհամ» է թողել12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով10:18, 26 ապրիլի
Քիմ Քարդաշյանը խոստովանել է, որ չի դիտել իր մասնակցությամբ «Ամերիկյան սարսափ պատմություն»-ը09:00, 26 ապրիլի
ԱՊՐԻԼԻ 26-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:16, 25 ապրիլի
Miu Miu-ն դարձել է մոլորակի ամենահայտնի ապրանքանիշը22:19, 25 ապրիլի
Առնոլդ Շվարցենեգերը` Սիլվեստր Ստալոնեի յուրահատուկ ոճի որոշ նրբությունների մասին21:31, 25 ապրիլի
LVMH-ն ավելի շատ դիզայներական ապրանքներ է արտահանում, քան Ֆրանսիան՝ գինի20:20, 25 ապրիլի
Մարկ Ցուկերբերգն ապացուցում է, որ մորուքով տղամարդիկ ավելի գրավիչ են